الإثنين: أدب مقارن .. د. مؤيد ججو ..... من 9 -12 في القاعة (1).
أدب انكليزي (شعر - مسرح ) .. د. ابراهيم اسماعيل .. من 12 - 2 في القاعة (1).

الثلاثاء: أدب أمريكي .. د. فؤاد عبد المطلب .. من 8 - 11 في القاعة (8).
أدب انكليزي (رواية) .. د. واصف السلامي .. من 11 -12 في القاعة (8).

الخميس: أدب عالمي .. د. الياس خلف . . من 9 - 12 في القاعة (8).
النقد و نظرية التطبيق .. د . محمد العلي .. من 12 - 4 في القاعة (8).

-----
طبعا هاد البرنامج للي بحب يطلع و مو بس للطلاب المعنيين

و اذا في طلا معنيين .. فبقلون انو اليوم اجا الدكتور الياس و قللنا انو رح نبلش ب "النبي" لجبران خليل جبران و قللنا نجيبا بالعربي و الإنكليزي .. بدنا نعمل مقارنة

Ala Al-Ibrahim,
بالتوفيق يا رب أخ علاء إلك و لجميع الطلاب هلأ نحنا بالترجمة كان عنا مادة اسمها "لغويات مقارنة" و كانت كتير حلوة و كنا ندرس الفرق بين اللغات من عدة نواحي و حتى الثقافات أحياناً ... هون بما إنكم رح تقروا نفس العمل باللغتين شو رح تقارنوا؟ الترجمة مثلا ... أكيد لا
الحلو بالموضوع إنه العمل "لجبران خليل جبران" الحقيقة ولا مرة قريتله عمل كامل بس قارية كتير مقاطع جميلة إله

سؤالي ما النقاط اللي رح تقارنوها و تركزوا عليها؟

عبير,

الله يسلمك اخت عبير.. شكرا كتير الك و ان شاء الله السنة الجاي انتي بتكوني ماجستير تخصص (إذا كان لسا بدك)

شي حلو .. أنا بحب هيك مقارنات ..

هلق أكيد ما رح نقارن الترجمة .. و بصراحة ما بعرف شو بدنا نقارن بالظبط .. بس طالما المادة "أدب عالمي" و مو مقارن فما بعتقد رح يكون كتير التركيز عالمقارنة .. إلا اذا كان في اختلاف بين الترجمة و النص الإنكليزي ..
هلق انتو .. كونكون ترجمة فأكيد رح تقارنو اللغة .. أما نحنا فالمفروض انو نقارن عملين أو أكتر مع بعض .. التشابه و الإختلاف .. تناولون لفكرة ما .. هيك أمور يعني ..
على كل "اذا" حصل و قارنا تبقا برجع بحكي شو قارنا

و أنا كمان قاري مقاطع .. و كنت كتير حابب اقرالو بس ما كانت عندي المروة أما هلق فصرت مجبر اني اقرالو .. مو بكيفي يعني ههه

الشي الي بخلي الواحد يتفائل بهالمادة انو الدكتور قللنا انو انتو اذا بدكون اختاروا شو بدنا ناخد أعمال .. من الأدب العالمي يعني .. و هيك بكرا بدي اقترح عليه الخيميائي لباولو كويلو .. و ان شاء الله يوافقو معي بقية زملائي لأنها من أحلى الروايات العالمية .. و ملائكة و شياطين كمان

Ala Al-Ibrahim,

بدي قلك علاء إن شاء الله يا رب موفق أنت و غاندي و باقي الشباب و الصبايا إذا كان في
و أكيد ما عنا شك أنك رح تكون, بإذن الله , مميز بالماجستير متل ما كنت مميز خلال فترة دراستنا بالجامعة أكيد الله يعطيك العافية على البرنامج , لأني فعلاً كان بدي أسألك عليه
و أنا من المطلعين المهتمين متل ما بتعرف , يعني مو من المعنيين

و بخصوص عمل " النبي " ... أنا قريت هاد العمل من 3 سنين , بس شكلي رح أرجع أقراه مرة تاني لحتى أتذكر مضمونو

ما بعرف ليش عندي إحساس أنو هالمادة رح تكون سهلة كتير إن شاء الله
يمكن لأنو البداية كانت مع جبران كونو عربي , و النص العربي مترجم للانكليزي يعني ما في تعقيد بالنص

بجميع الأحوال موفقين و أكيد Good luck

سيرين,


تسلمي و الله يوفقك انتي كمان يا رب

أحلى شي مبارح أخدنا محاضرة أنا و غاندي لحالنا
كتير حلو شخصين بس ياخدو محاضرة .. شوفي عالهدوء الي بالقاعة

جبران من أعظم أدباء المهجر .. و أنا كتير بحب اقرالو .. و ان شاء الله ما رح اكتفي "بالنبي" ...
الله يسمع منك .. و أنا هيك متفائل .. و متفائل لأنو كل الدكاترة الي اجو علينا بالماجستير بحبون و بلاقي التعامل معون "سهل"

يمكن العكس هو الصح يعني العمل بالإنكليزي و تترجم للعربي لاحقا

ثانكس جداا و غود لك الك كمان

Ala Al-Ibrahim, معناها بتصور يصير مقارنة بالأمور اللي بتتعلق بالنقاط المترجمة اللي إلها علاقة بالثقافة المختلفة للغتين و كل وحدة كيف اترجمت حسب ثقافة اللغة
ياريت تخبرنا شو قارنتوا و ممكن نتابع نقاش فيها بموضوعك المميز Literary Works... And Quotations! بعد قرائتها فعلاً الخيميائي من أغنى الروايات و أحلاها إن شاء الله يوافقوا

بالتوفيق

يا ريت تخبرونا عن ناجستير الأدبيا ت اكتر عن كل مواد السنة يعني ؟؟؟

انا معدلي 68.47 في الي فرصة بالموازي بالله عليكن تخبروووووووني ...

يا جماعة سؤال
في حدا بيعرف انو دبلوم التأهيل التربوي بشكل عام ايمتا بيداومو؟
والدوام الزامي او لا ؟
واذا الزامي ضايعة الطاسة ولا في تدقيق ؟
مشكورين