انا بدي قلك معلومة يمكن تنصدمي منها ... ( انا حبيبتي بحياتها ما قالتلي كلمة بحبك .. و لا كانت تقلي حبيبي ) اي لا تتفاجأي ... بقينا مع بعض سنتين .. حبيبين ...انتقلت هي عا الشام ..صرت انا بالشام .. و اما انو الحب يلي بينا متبادل ..فانا بقلك اي كان متبادل ... و الشي يلي كان يعلقني فيها أكتر ..هو انو كانت تعاند القدر .. انا كنت قول انو اول حب بدي عيشو بدي خلي الناس كلها تتمنى انو تحب من وراي .. و فعلا هادا يلي صار ..يلي ساويتو انا بحبي الها .خلا اناس يلي بيعرفو بقصتنا يتمنو انو يحبو ... و كانو رفقاتها يقولولي انو بدنا شب يحبنا اد نص حبك لحبيبتك .. انا الحب يلي كان عندي بوقتها عطيتها اياه بأروع طريقة و أروع لحظات ... و لسا بقلك انو أجمل لحظات عمري هي لما كون قاعد معها .. و هلأ عم اشتاق للهوا يلي كنت اتنفسو وانا معها ... بس ما رح اقدر ارجع و هي كمان ..

اي ... عنا حب كتير با الجامعة .. و كتير علاقات انتهت با الزواج و الارتباط ... اذا دققتي باجوبتي منيح ..بتلاقي انو أحلى وقت عندي هو بين الساعة 3 و الساعة 4 و نص ورا الندوة الجديدة بجامعة البعث .. طبعا انا بكون لحالي ... و يوميا بروح بعقد هنيك و بتمشى ..بكونو العشاق كتار و بصير طلع و حلل كل قصة و بشوف كل شي من وجهة نظر خارجية .. و بقدر اني اعرف نسبة التفاهم و نسبة الحب يلي بينهم .. وحتى احيانا بقدر اني اكتشف القصة كلها من مشيتهم ... و لا تنسي اني كنت واحد منهم بيوم من الايام ...

بس حابب قلك انو البنت يلي حبيتها ... ما حست بها الكلمة و لو حاسة فيها كانت قالتها و بدون مقدمات كمان ... بدها اياني حدها على طول ..ما اتركها و لا لحظة .. ماحب غيرها .. اذا مر يوم و ما قلتلها بحبك بتزعل ... .......
يا بنت الحلال بتحبيني ؟؟؟ لسا ما تأكدت ... ( هيك كان الجواب )
و مع ها الشي و لأني بعرف انو ما كل يوم بنلاقي يلي بنحبو كنت اصبر وقول رح يجي يوم و تقولها ....
مابدي اخسرك وما تتركني ..خليك معي ... بس ما بحبك ...

ما رح تفهمي ... لانو انا العميد ما قدرت اني افهم .. وتأكدي منيح لو ماكانت بتستحق انها تكون حبيبة العميد .. ماكنت حبيتها ...

دبحتيني بأسئلتك .. بس اهلا و سهلا فيكي ...