ولأنو عجبتني كتير اجابتك على اسألتي بتجيك الدفعة التانية توديعة

1- قلت أنو اسمك بعبر عنك..وأنت اسمك ثائر..فعشو ثرت وكيف ثرت؟..وهل تحمل الجانب العنيف من الثورة أما ثورة ذاتية داخلية تثور فيها على نفسك؟
" يعي باختصار بتصير الحرب جواتك ولوحدك بتحس فيا؟"
2- مانك ملاحظ انك رح توهب حياتك لجمهور؟ يعني لناس بيحضرولك هلأ وبيطلعوا مشان يحضروا لغيرك؟
يعني أنت ما كتير بتهمن...فأكيد بالتبادل ما بهموك كتير...فليش اللعب بالألفاظ وتقول انك رح توهبن حياتك؟؟؟؟؟؟؟؟؟؟؟
"أنا مع اعجابي بروعة ألفاظك وجمال اختيارك للكلمات..بتعجب من المبالغة "

3- يا ثائر...أنت أول واحد بالدنيا عذبتو كلمة مستحيل...وكان حبك مستحيل
فهل أنت حالياً تؤمن بهالمثل "لأنو مانا حكمة " أما لمجرد انك ألفتا وبتحبا ذكرتا هون؟

4- وشو كانت نصيحتك إلو؟ وكيف وقفتك معو بهيك بحث على اعتبار انو صديقك وبما أنك فعلاً قدوة لرفقاتك؟
ولسبب مهم..انك قلت انك فيك تفوت لقلب الناس وتحس فين..بقا بيوثقو برأيك
5- أنت ما جاوبت شادي عن اسم العضو اللي بتخاف أنو يسألك...فأنا بكرر سؤال شادي

6- أنت كتبت انو هدول برأيك مواصفاة الرجل.عند هالمرحلة منسمي الذكر رجل
ويقال بأن سن الرجولة هو سن التلاتين...وسن النضج هو الأربعين
وكلنا منعرف أنو في ناس بتسبق عمرا..وفي ناس بتكبر وبتضل من جوا "طفل"

فأنت يا ثائر حسب عمرك ونضجك وتجاربك...طفل أم شب أم رجل؟
7- أنت بتبهرني وقت بتقتبس أبيات شعر...اقتباسك الأول لامرؤ القيس وهلأ لابراهيم ناجي رفعك بنظري أكتر
فسؤالي..بيرتفع الانسان بنظرك وبينزل حسب مكانتو من الشعر؟؟؟؟؟؟؟؟
" ما بالضرورة يكون بيكتب...ممكن يكون متذوق...متلي "
8-
سؤالي التامن أنو ثائر رسب بالبكالوريا واللي بعدا طلع الأول على عمر وبعدا رسب بالتانية
شو اللي بأثر على دراستك ثائر؟
طيش الشباب؟
الحب؟
أما شي أنا ما بعرفو؟؟؟؟؟؟؟؟؟؟
9- هلأ سؤالي إلك أنت كمشرف هالقسم ممكن تحذفو لو حسيتو كشف أشيا أصحابا بدن يخبوا
من فترة حسيت واحد من رفقاتك حب بنت من المنتدى...وأنا لاحظت أنو ردودك أنت عليا دائماً عم تكون أكبر وأهم وأميز من ردود رفيقك نفسو
فهل؟؟؟؟؟؟؟؟؟؟؟؟
هل ذلك بسبب كونك خايف على حبن وحاسس نفسك عرّابن؟
هل خايف على مشاعر رفيقك تنجرح بيوم متل ما انجرحت مشاعرك ولهالسبب حاضن حبن بكل قوتك؟
هل سبب دعمك الدائم لهالبنت لتحسسا بأنو حب حبيبك إلك كبير لدرجة أنو رفقاتو كمان بحبوكي؟
طيب
ساعدتن ليعرفوا بعض؟
بتنصحن؟
شو مكانتن منك وشو مكانتك منن؟

10- حكيت عن بنت بالمنتدى بتعبر عن صوت العقل بداخلك..فبتلجألا بعد الله..
ثائر وين بكون عقلك بهيك لحظات؟
كيف جمعتك الصدف مع انسانة قدرت تفهم أنو ثائر قلب وعقل ولكنة في حالات الحب قلب فقط واختارت أن تكون عقله؟
لأي مدى بتوثق برأيا؟ ولأي مدى بتنفذو؟

11- على الرغم من وجود جوانب كتير بشخصيتك...كأي انسان
وأكيد إلك مواقف من المجتمع ومن السياسة..ومن الدراسة ومن العيلة ومن علاقات انسانية
بس عندك جانب الحب بيطغى على كلشي...وبحسك "عرّاب الحب"فحل احساسي صحيح؟

12- أمك
أنت عشت تجربة عنيفة مع الحب...وأكيد أثارا ظهرت عليك بالبيت
فشافت أمك تلفونات ورفقات ويمكن هدايا....يعني كانت على اطلاع
بس بما أنك مريت بأيام صعبة
فهل شافت دمعتك؟
عرفت انك كنت تبكي بسبب الحب؟
تمرض بسبب الحب؟
شو كان موقفا؟ ولأي مدى تأثيرا؟ كنت تسمع كلاما أما لأ؟
أنت كنت تحكيلا أما تكتفي باللي هي تشوفو وتلاحظو؟
كانت تقلك لأ ممنوع تروح..واي مسموح تطلع وتمارس دور أي أم ؟ أما تركتك لعنفوان شبابك وحرب حبك؟
سمعتا شي مرة عم تتناقش هي وأبوك بموضوعك؟؟

يلا ثائر بكفو هدول بما أنو آخر يوم ولازم تلحق تجاوب
بس بهمني أعرف شو ما انسأل واسأل لهيك تركت الفرصة لغيري
بس ما كون تقلت دم عليك...أنا ما عندي بمكانتك تنين
موفق

على فكرة أنا حطيت أسألتي بالموعد الصحيح بس بسبب سوء الاتصال راح الرد

وعدتو أكتر من مرة...وما شفتو إلا هلأ
فأطالب بحقي الكامل باعتبار الأسئلة

ثـــائـــر,
ماشاء الله الأعضاء ماخلوا سؤال إلا و سألوه
موفق إن شاء الله بحياتك و كل انقلاب و انتي بخير

يالله يا ثائر إنتي جد إنسان رومنس

رجعت أنا
ثاااااااااااااااائر
عندي لسه كم سؤال:
اذا قالولك انو هلا رح توقف دقيقة مع أهم شخصية عالمية(بهي اللحظة وانت قاعد محلك)شو ممكن يكون شعورك؟؟؟
شو رح تقول لهالشخصية بهالدقيقة بس.....
-طيب شو شعورك لو كانت هي الشخصية هي الرسول عليه الصلاة والسلام؟؟؟
-شو ممكن تقلو بدقيقة؟؟؟
-طيب شو أحلى لحظة بحياتك سواء بالماضي أو هلا يللي بتحس انو بدك الزمن يوقف عندا؟؟؟
-مين أقرب انسان لقلبك؟؟؟أخوك,أمك أبوك؟؟؟أختك؟؟؟مين؟؟

-شو رأيك بلينا؟؟؟

طولو بالكون شو خلص ما خلص

أنا لسا ما اجا دوري

مشان هيك أنا هلأ بدي اسأل

شو مشانك يا غالي معليش أسألك كم سؤال

وبما انو انت موافق يلا مع الاسئلة

1- أنا من لما كانت بانة على الكرسي من قبلك سألتا سؤال وجوابا كان ظريف أكتر من انو يكون منطقي لذلك رح شوف شو ممكن اجابتك تكون على هيك سؤال
السؤال هو: انو لو منحوك الموكا لمدة خمس دقائق والشي اللي رح تحكي رح يسمعوا كل العالم من دون استثناء شو ممكن تقول بهالوقت القصير؟؟

2- شو هي الآية الكريمة اللي انت دائماً بتحطا نصب عينيك وبتقتدي فيها ( طبعاً القرآن الكريم كلو قدوة) بس إلا ما يكون في آية معينة بتخطر على بالك كتير وشو بتعنيلك هالآية

3- بعد ما ترك توأم روحك شو الايجابيات وشو السلبيات اللي صارت بحياتك وليش كانت الايجابيات ايجابيات وليش كانت السلبيات سلبيات؟

4- النت ,,, شو الطموح اللي انت حابب انك توصلو من خلال النت وهل ممكن انو يكون عندك هدف معين رح توصلو عن طريق النت وشو أول شي بتعملو انت أول ما تشبك نت واذا فتحت المسنجر مين أول شخص بتفتقد وجودو أون لاين

5- مين العضو اللي رح يورث الكرسي من بعدك هل يا ترى ممكن انو يكون من الي اجتمعوا حتى يحطوك على الكرسي أو ممكن يكون شخص محايد

يلا أنا هلأ خلصت أسئلة وانشا الله تكون خفيفة ولطيفة

بتمنالك التوفيق يا غالي

تحياتي