اذا بتريدوا بدي تساعدوني اناساكن بالشام وكتير صعبة نزلتي عحمص ومسجل سنة أولى ادب انكليزي موازي وهي تاني سنة بسجل
انا مابعرف شي عن المواد ولاطريقة تقديمهم لاني ماحضرت ابدا
السنة الماضية سجلت مع كوة التصوير وكان يبعتلي ياهن عاى الشام للمحاضرات كل اسبوعين بس المشكلة ماعرفت طريقة الدراسة وكنت بدي اطلع للفحص النهائي وقدم كل المواد سوا بس الوالدة عملية عملية وما قدرت اتركها
والفصل الاول هي السنة عملت انا عملية المرارة(ولي عالنحس ) المهم بدي اطلع اقدم كل المواد بالفصل التاني
بس بدي اطلب منكم شغلة تشروحي شو المواد وطريقة دراستهن وشلون تقديمهن
واذا بدي انقل عالشام لازم رفع كل المواد انا رحت عنا بالشام عالجامعة بس كل المواد عنا مأتمة وغير مواد حمص
وسؤال كمان جيب المحاضرات من عند وضاح وفي مواد تغيرت عن السنة الماضيةولا لأ وصحيح في مواد أتمتت
وبيمشي الحال بدون مااحضر ولا لأ وايمتى الفحص انا آسف إني طولت عليكن والله اناخجلان منكم
الله يخليكم ساعدوني

شباب ماحدا حط ولا رد

ahmad-taki,
أهلا و سهلا فيك معنا
الحمدلله ع سلامتك و سلامة الوالدة أول شي بدي أنصحك و يا ريت تعمل بنصيحتي أنو ما تقدم أبدا" أبدا" كل المواد مع بعضا لانو أنت هلأ سنة أولى و لساتك جديد عالجو يعني برأيي بما أنو عندك 12 مادة متل ما عم تقول انو تقدم 8 أو 9 maximum هلأ كل مادة و إلها طريقة دراسة مختلفة عن التانية فيا ريت أنو أنت بعد ما تجيب المحاضرات تسالنا عن كل مادة بالظبط لحتى نقدر نساعدك تمام و كمان مشان نمط الأسئلة بإمكانك تجيب أسئلة الدورات و رح يفيدوك كتير بطريقة التقديم إي طبعا" محاضرات وضاح ممتازة يعني ما بتفرق من الكوة أو من وضاح هلأ المواد لاء ما رح تتغير بس إذا كان في بعض الروايات تغيرت رح نستعين بصديق لنعرف الجواب إي في مواد تأتمتت و رح نعرف شو هية قريبا" طبعا" هو الحضور أحسن بكتير من عدمو بس إذا كان الطالب مضطر أنو ما يحضر رح يلاقي شوية صعوبة بس ان شاء الله بيمشي الحال إذا كان شاطر متل العادة عأول السادس

طبعا" أنت خليك على تواصل معنا لانو الموقع ان شاء الله رح يجيب الأخبار اول بأول بالنسبة للمواد المأتمتة و جدول الفحص و ما شابه
بالتوفيييييييييييييييييييييق

Raghad
ماشاء الله شوووووووو الشرح الرائع وشو هالمعلومات القيمة
والله اشتهيت إني أنا كون السائل
إنشاء الله يكون إستفاد أخونا ahmad-taki

الله يشفيلك الوالدة ويوفقك المواد
الله يجزيك الخير يا Raghad
وكل الي حاولوا المساعدة

شكرا كتير RANA حااستنى



Raghad بتشكرك كتير على شرحك بس انا كنت مفكر قدم كل المواد لانو مابقدر انقل إلا اذا نجحت بكل المواد مو؟
بس اذا متل ماقلتي صعب كتير كم مادة لازم رفع لأنجح وشو برأيك اسهل مواد لازم نقيهم



وياشباب معقول 51 مشاهدة ومافي غير ردين

يعني شو ماكتبتوا ممكن تفيدوني

والله يااخي ahmad-taki ذكرتني بحالتي والله انا متل منك حالتي بس انا تانية بس متل ماقالتلك رغد لا تقدم كل المواد ...والافضل انك تحضر بالشام القواعد والترجمة يعني المواد يلي مابتختلف كتير مشان تقوي مستواك وبعدين مشان النقلة عالشام كل سنة عم يطلع قرار شكل يعني انا عاصرت كتير قرارات : شي ماتكون حامل ولا مادة وشي بس مادتين والسنة الماضية اخدو بس الترفع لذلك مافي شي مضمون يعني مابتعرف السنة شو بيطلع براسهم بس ادرس واتكل على الله ..انا اسفة والله كنت ساعدتك بالمواد وطريقة دراستهم بس انا السنة الاولى ماقدمتها بحمص يعني مابعرف...وموفق انشالله وانشالله كلنا بننتقل عالشام

الحمد لله على سلامة الوالدة وسلامتك..
وأتمنى لك التوفيق فأنا من دمشق ولاأعرف شيئا عن جامعة حمص..
تقبل تحياتي..

أولا :

arty شيرلوك هولمز سلمى AMD شكرا

ثانيا:
مافي حدا من الأولى ياجماعة يفيدني شو المواد المأتمته


طيب حأسلكم عن مادة مادة بالنسبة للترجمة 1
ع-E
E-ع

مابعرف حسب البرنامج عندي بتعطيهم د - سلوى
عندي المحاضرات
عربي لل انكليزي 6 محاضرات

وانكليزي لل عربي 6 محاضرات من عند وضاح

سؤال كيف اسلوب الدكتورة يعني اللي بالمحاضرات منيح وبيكفي جيب علامة النجاح ولا لأ

وسؤال تاني عم شوف بامنتدى انو بتقدموا حلقات بحث يعني لازم قدم حلقات بحث ولا شو

ياريت تجاوبوني