استفسارات بخصوص قرارت هامة ..

Nora A · **مرسل:** الأحد نوفمبر 11, 2012 4:29 pm

الله يعطيكم العافية جميعاً

عندي شوية استفسارات بخصوص القرار اللي نزل بحمل 8 مواد للترفع واذا فعلا فينا ننزل 4 مواد للسنة الاعلى عند عدم الترفع ؟؟
وسؤال اضافي بخصوص القرار اللي نزل ع موقع جامعة البعث باصدار النظام الفصلي على هالرابط ..

http://humanities.albaath-univ.edu.sy/m ... le&sid=257

والاستفسار الاخير كوني لسة جديدة طبعاً .. عند تقديم المواد الحاملتن بكونوا مخصصين موعد للامتحان كمان لمواد الفصل التاني بالفصل الاول ؟؟؟

والف شكر سلفاً

hesham-alfaris · **مرسل:** الخميس نوفمبر 15, 2012 10:41 pm

السلام عليكم : مشان القرار اللي بيتعلق بحمل 8 مواد للترفع هاد أكيد رح يطبق السنة هي بس . .بس تنزيل المواد الأربعة: كان قديماَ يحق للطالب اللي رسب بالسنة ،و بعدين يالسنة اللي بعدا نجحت موادو بالفصل الاول ،هون كان في ينزل 4 مواد بالفصل التاني ،أما اذا ضل مادة فكان ينزل 3 مواد ،و اذا ضلو 2 فبنزل 2 من السنة الاعلى ...
ومشان القرار الفصلي يعني : رح يرجع النظام القديم فصلين بس ،أول و تاني ،و بامتحان
الفصلين الاو ل والتاني رح يكون برنامج الامتحان شامل لمواد السنة كلها.بس أنت طالبة
مستجدة يعني ما بحقلك تقدمي بالفصل الاول غير مواد الفصل الاول ، اما الفصل التاني
فبتقدمي في مواد الفصل التاني و المواد اللي رسبت معك بالفصل الاول .
و طبعا ترتيب المواد بامتحان الفصل الاول و التاني رح يكون مختلط يعني : بيجوز تكون عندك أول يوم مادة فصل اول و بعد يومين مادة فصل تاتني و هيك .... بالتوفيق للجميع.

Nora A · **مرسل:** الجمعة نوفمبر 16, 2012 4:21 am

عن جد شكرا كتير كتييييير للرد مع انو صابني اليأس من انو حدا برد عليي الف شكر .. بهالحالة انا مابقدر نزل ولا مادة في حال عدم ترفعي عالقرار مو ؟؟ وبالنسبة للبرنامج الشامل مابقدم الا كل مادة بقصلا واذا رسبت من الاول بقدما بالتاني ؟.. ...تحياتي

gegak · **مرسل:** الجمعة نوفمبر 16, 2012 5:19 am

اي اذا ارسبتي في مواد الفصل الاول بيحقلك اتقدميها مع الفصل الثاني
واذا انت هلق مستجدة مابيحقلك في الفصل الاول غير مواد الفصل الاول
واذا انت ارسبتي في الصف الاول يعني صار اسمك قديمة بيحقلك اتقدمي مواد الفصل الثاني في الفصل الاول
اهلا
في شي ثاني تستفسري عنو

Nora A · **مرسل:** الجمعة نوفمبر 16, 2012 5:46 am

gegak, شكرا للمساعدة وللتوضيح كلك ذوق ... وبما اني لسة مستجدة وما حالفني الحظ السنة بسبب الوضع بشكل عام لهيك ماني متفائلة بالنجاح

بس سؤال بسيط كتير لو سمحت .. بالنسبة للمحاضرات اللي دراستا خلال الفصلين ومع بداية هالسنة بدرسن نفسن ولا بشتري من اول وجديد ؟؟؟؟ عذرا انا لسة مستجدة

ولكم تحياتي وشكرا

gegak · **مرسل:** الجمعة نوفمبر 16, 2012 5:53 am

انت شوفي اسماء الدكاترة اذا نفسون خلي المحاضرات العندك
انا عندي في الفرنسي نفسها الدكاترة ورح ادررس المحاضرات نفسها سنة الماضية
بس انت افضل اتشوفي الدكاترة وبعدين بكرة اشفي مقرار بينزل ع موقع الجامعة انت شوفي نفس المقرار نفسو في المحاضرات وع ضوها قراري

gegak · **مرسل:** الجمعة نوفمبر 16, 2012 5:55 am

Nora A,

انت شوفي اسماء الدكاترة اذا نفسون خلي المحاضرات العندك
انا عندي في الفرنسي نفسها الدكاترة ورح ادررس المحاضرات نفسها سنة الماضية
بس انت افضل اتشوفي الدكاترة وبعدين بكرة اشفي مقرار بينزل ع موقع الجامعة انت شوفي نفس المقرار نفسو في المحاضرات وع ضوها قراري

Nora A · **مرسل:** الجمعة نوفمبر 16, 2012 6:35 am

gegak,

الف شكر الك .. نفس الدكاترة

alialiali2011 · **مرسل:** الجمعة نوفمبر 16, 2012 6:39 pm

هلق بالنسبة للدكاترة مو مقياس : في كتير مرات اجو نفس الدكاترة وغيرو بالروايات او المسرحيات .. لهيك يفضل كل فترة وفترة اشتري شي محاضرة عشوائية وقارنيها باللي عندك .. اذا لقيتيها نفسا كملي دراستك المعتادة فين .. واذا كانو متغيرين لازم تنتبهي احسن ما تنصدمي بالفحص
وبالنسبة لموضوع المواد بالفصلين : انتي كنتي مستجدة بس هلق انتي صرتي سنة تانية بالجامعة بغض النظر ان نجحتي او رسبتي .. يعني هاي السنة فيكي تقدمي كل فصل الفحصين سوا ( هادا في حال رسبتي لا سمح الله يعني ) .. اما في حال ترفعتي فمتل ما حكو الزملاء قبلي

Nora A · **مرسل:** السبت نوفمبر 17, 2012 4:31 am

alialiali2011, شكرا الك كتير وشكرا للشرح ولصبركن

طيب آخر سؤال هههههههه في حال بدي قدم مواد الفصل التاني بالفصل الاول بدرس نفس المحاضرات ؟؟؟ وبشكركن كتييييييير

LATEST_POSTS

قوانين المنتدى

استفسارات بخصوص قرارت هامة ..

الموجودون الآن