الصورة تتكلم ...(للمقرقعين فقط)

سليمان عمر · **مرسل:** الخميس أغسطس 11, 2011 2:06 pm

أنا الذي نظر الأعمى الى جوزتي وأسمعت قرقعتي من به صممُ

قرقعوا المتّة ولا تبالوا ففي القرقعةِ رفعةٌ وفخارُ

في أي مكان وفي أي حتة مليش مشروب الا المتّة

صـورة لشجيرة المــتـّة

دمتم مقرقعين

موسى محمد موسى · **مرسل:** الخميس أغسطس 11, 2011 3:32 pm

ايييييه يا عين فعلاً كاسات حلوة
أخي سليمان أيمتا بدك تهديني متل هيك كاسة
وطبعاً ما تقول إني غليظ بطريقك كاسة لأختي رحاب الله يخليك ما تقول عنّي غليظ
وكاسة لأختي يارا وكاسة لأختي رشا أو أقلك احسوب حساب كل الشباب والصبايا بآرتين
والله يخليك لا تقول عنّي غليظ
يعني طلبي كتير بسيط وبعدين بين الأخوة ما في كاسات ما

والله شهيتني على ضرب متّة
بس صايمين
يلا بعد الافطار رح نقرقع وبتكون أخي سليمان جبتلّي معك الكاسة
******************
عم أمزح أخي سليمان شكراً الك فعلاً كاسات أو جوزات حلوين كتير
يسلمو هالأيدين
******************
(ودّي مع حفنت طيب وردي)

سليمان عمر · **مرسل:** الخميس أغسطس 11, 2011 4:00 pm

يا أهلا وسهلا فيك أخي موسى وما عاش اللي يقول عنك غليظ
بالعكس أخي العزيز كل كاسات المتّة ع حسابك وأنا بالعادة بهدي كل شخص بدو يبدى يقرقع متّة جوزة حلوة يتذكرني فيها
ولعيونك أحلى جوزة متة الك ولأختي رحاب ولأختي يارا ولكل ارتيني ناوي يمشي ع درب القرقعة
والحمدلله عندي بالبيت كاسات ومصاصات بتكفي لجلسة قرقعة ل50 شخص
نورتني أخي الغالي

1rami5 · **مرسل:** الجمعة أغسطس 12, 2011 12:44 am

إي شوهل الكاسات يا سليمان شغغغغغغلي
الله يعطيك العافي
أحلى دراسة مع قرقعة المتة

بس أمئت شي بدو الواحد يمد إيدو ويحط سكر وبعدين يشيل الابريق ويصب مي
من شان هيك انا عطول بجيب معي تنين من رفقاتي واحد بيصب سكر والتاني مي
حمصي قليل مروي
حولو شباب

رشا · **مرسل:** الجمعة أغسطس 12, 2011 1:03 am

nouar86 · **مرسل:** الجمعة أغسطس 12, 2011 8:41 am

سليمان عمر

سليمان عمر · **مرسل:** الجمعة أغسطس 12, 2011 1:32 pm

1rami5,

أهلا وسهلا فيك أخي ,ورح أعطيك حل منشان قرقعة مريحة والحل انو تحط بابريق المي شي معلقتين سكر وهيك ما بقي عندك الا تصب المي(لهون وبس أكيد ما في قرقعة بدون مي؟؟!!)

رشا,
nouar86,

نورتوني وأهلا وسهلا فيكن

سليمان عمر · **مرسل:** الجمعة أغسطس 12, 2011 2:44 pm

[img][URL=http://imgur.com/t3Tij][IMG]http://i.imgur.com/t3Tij.jp[/img]

سليمان عمر · **مرسل:** الجمعة أغسطس 12, 2011 2:45 pm

رح أعطي بعض المعلومات والنصائح اللي بتخلي قرقعة ضرب المتّة ممتعة وسهلة

_أول شي ممكن نحط سكر بقلب ابريق المي وهي الحركة خاصة للناس قليلة المروّة(الكسولين)

_لما منحط متّة بالكاسة أو الجوزة لازم تكون كمية المتة ربع الكاسة بس ولازم تكون الكاسة صغيرة بحجم كاسة الشاي العادية

_المي لازم تسخن سخونة عادي قبل ما توصل لدرجة الغليان واذا كانت المي عم تغلي أو كانت مفـتّرة ما رح تظهر النكهة الحقيقية للمتة ورح يقطع الضرب من أول كاستين

_اذا بدنا يكون ضرب المتة عمرو طويل ويمد معنا لازم ننقع المتة بمي باردة لمدة دقيقتين بالكتير وبعدها منقلب الكاسة ومنفضّي المي الزايدة

_لما منسكب مي بكاسة المتة لازم نسكبها ببطئ وبشكل دائري وما لازم نرفع ايدنا عن الكاسة ونحنا عم نسكب مي منشان مايقطع ضرب المتة

_اذا تقيدنا بالكلام السابق رح يمد ضرب المتة ويحافظ على نكهتو تقريباً شي 8أو 10 كاسات للضرب الواحد وأفضل أنواع المتّة الموجودة بالسوق حالياً _خارطة الخضرا_خارطة البيضا_خارطة الكحلية(هي أنا بشرب منها)رائعة جداً

نرجو لكم الفائدة ودمتم مقرقعين

رشا · **مرسل:** الجمعة أغسطس 12, 2011 5:03 pm

[quote]
بس أمئت شي بدو الواحد يمد إيدو ويحط سكر وبعدين يشيل الابريق ويصب مي
من شان هيك انا عطول بجيب معي تنين من رفقاتي واحد بيصب سكر والتاني مي
حمصي قليل مروي
[/quote]
اي والله

والله بدنا متل هلكاسات عفوا هلجوزات ما النا غير سليمان

سليمان عمر,

عن جد نصائح مفيدة مشان يضل عايش الضرب مدة طويلة

تفضلو بعد الافطار لكن عضرب متة

ودمتم مقرقعين

LATEST_POSTS

الصورة تتكلم ...(للمقرقعين فقط)

الموجودون الآن