أنا والمتّة2

سليمان عمر · **مرسل:** الجمعة يوليو 29, 2011 2:47 am

[align=center]أنا والمتّة2[/align]

[align=center]غاز وابريق وكاسات ...
مصاصات وصحن وصحنين

سكر متة وقداحة..
بتكمل عدتنا يمكن
صب المتة شطارة الها قوانين

الها أصول وعراقة بدها معلمين

بدها جمعة وسوالف بدها خبرة تفنين

بدها قعدة حلوة مرتاحة ومدت رجلين

وحتى عالكرسي حلوة ويتهنو فيها التنين

والأحلى تحت الشجرة ما أطيبها جنب العين

وأجمل مافيها الجمعة واللمة مع الحلوين

غازك ع يمينك خلي ....المية لازمها تسخين

انقعها هلق وحياتك عم بسمع وزا تخمين

أنت القاعد عاليمين وصّلها لاتكون لعين

وأنت القاعد عاليسار المتة بتدور عاليمين
لاأبو زيد ولاابن غانم الهن بالقصة تأمين

دارت دورة صار بدها الكاسة تحسين

شيل شوي وحط شوي لاتخليها كالقصرين

والدورا البعدا أكيد بتتغير من دون تمنين

خود وهات وهات وخود طيرت النوم من العين

بالسويدا والقلمون وبعض الاماكن التانيين

الكاسة بإيدك خليها لاتتركها وتنساها

المية سخنة ع التمام لاتهملها وتغليها

وان غلت المية اوام خيالك بتشوفو فيها

بإيدك بالله ياشرّاب الكاسة لاتفرّط فيها

وان وقعت عالبلاط الليلة ما بتنام فيها

بتصبغ تيابك والسجاد التنظيف ما بينفع فيها

لاتطفّحها وتملّيها لاتتتركها أو ترميها

ولادك عنا يكونو بعاد أحسن ما يحرو فيها

وان تعبت منك الجناب القعدة فيك تسويها

قعود منيح وع شمالك بس الحلوة خليها

الشَفة بعدا ياأصحاب طعم العسل بتعطيها

لاتقول ع راسي بكير وهزّة وحدة خليها

وان هزّت إيدك مرتين الكاسة لاتحلم فيها

لملم حالك قوم ارحال الليلة صارت تاليها

عالحمّام لاتسأل رايح أوجايي ليها

خلصت متتنا ياحباب وكل واحد نقطة فيها

قومو ع بيوتكن شباب المتة بكرة بنحييها

المتة مشروب الأحباب ما في بيت بيخليها

وشريب المتة جوال ينقع و يتهنى فيها

مابدنا رزق ولا مال بس القعدة نحييها

كاسة متة والبزرات بتسوى الدنيا وما فيها
كاسة متة والبزرات بتسوى الدنيا وما فيها[/align]

دمتم مقرقعين

موسى محمد موسى · **مرسل:** الجمعة يوليو 29, 2011 4:05 am

سليمان231,

كل الشكر لك سيدي مدير الربطة على هذا التفاعل بمهنتك المتمتية
ف واللهِ إنك مقرقعٌ ورئيسٍ مميز كل الامتياز
***********
شكراً الك أخي سليمان وتقبل مروري

سليمان عمر · **مرسل:** الجمعة يوليو 29, 2011 11:50 am

مرّ مرة قبال موضوعي
وكان بمشاركتو كتير موضوعي
ياموسى يا خيي أنا ما بيكمل موضوعي
الا لتشارك وترد بالكلام الدهب

حللت أهلاً ووطئت سهلاَ أخي موسى

سليمان عمر · **مرسل:** السبت يوليو 30, 2011 12:51 am

يسألون عن معنى الحياة بلا متّة حياتي بدونها لامعنى لها البتّة

LATEST_POSTS

أنا والمتّة2

الموجودون الآن