السلام عليكم دكتور محمد :
بالاول انا حابة اشكرك لان ساعدتنا بهالامتحان وكانت الاسئلة سهلة وواضحة وبسيطة ....
تاني شي دكتور انا عندي استفسار ... بالنسبة للتعليق ... انا عندي تعليق كتبت في المتحدث والمتلقي غلط ... بس كتبت الفكرة الرئيسية للتعليق صح مع اني شرحتها من خلال موقف تاني بس كانت الفكرة الرئيسية نفسها .
رح تشطبلي السؤال كله وتعتبره غلط لان غلطت بالمتحدث والمتلقي وما رح تحسبلي شي عالفكرة ولا بس رح تنقص علامات ع غلطتي وبس ؟
وبرجع بتشكرك مرة تانية لان الامتحان و الاسئلة كانت سهلة وواضحة .... شكرا كتير دكتور على جهودك معانا .

بداية شكرا دكتورنا الغالي
حابب بس قول للأخت وردة البنفسج أن الدكتور محمد حقاني
أنا خربطت متلك بالأدب الأمريكي سنة3 بس أخذت حقي وعطاني الدكتور 58
يعني مابضيع حقك أن شالله

الله يسمع منك يا اخي وانا مجاوبة ع الباقي صح .... بس يعني لو بزيد كم علامة من شان المعدل بكون احسن ....
كلشي من الله حلو .... بس الله ييسر
شكرا كتير الك

العفو زميلتي
وتاكدي ومتل ما قلتلك الدكتور محمد مابضيع عندو حق أنشالله وشو بتكتبي بتاخدي عليه علامات
والشكر لدكتورنا العزيز

[size=150]بسم الله الرحمن الرحيم

تحية أطيب من البنفسج للجميع

الأخوة الأعزاء فادي و وردة البنفسج مع جميع أحبتي الطلاب اللذين انقطعت عنهم لبعض الوقت بسبب عدم وجود الانترنت عندي .... أتمنى أن تكونوا أولاً بألف خير وأن تكون امتحاناتكم على أفضل ما يرام.

بخصوص تساؤل العزيزة وردة البنفسج فأقول لك "تفاءلي بالخير وإن شاء الله تكون الأمور لصالحكم إذا لم يكن هناك أخطاء مميتة في إجابتكم.

والحمد لله أن هناك من الشباب الطيبين - من أمثال الأخ فادي - يقومون بمساعدتي والرد عني ضمن ما يعرفونه عني من خلال السنوات السابقة. وكونكِ من طلاب جامعة البعث - كلية الآداب الثانية - أعتقد أنني كنت قريباً جداً من الطلاب ووضحت لهم كل شيء ولم أنكث بما وعدتهم به من حيث التساهل معهم من خلال الأسئلة والحمد لله أنكِ أشرت إلى أن الأسئلة سهلة ومنطقية.

ختاماً أتمنى النجاح للجميع وأغتنم الفرصة لتوصيل سلامي إلى كل العاملين في آرتين بالخصوص الأخوة فارس وعصام وجميع الآرتينيين النشامى.[/size]

السلام عليكم دكتور
بحب اتشكر ع تجاوبك معنا و لأنك رديت على سؤالي ... طمنتني وريحتني
شكرا لجهودك معنا وشكرا لتعاونك وتعاطفك معنا
بصراحة حضرتك بتعاملنا كأخوة وهاد شرف كبير إلنا
بتشكرك مرة تانية......