رابعة ....تفضل لهون ضروري .. (الزبدة ) :)

العز بالإسلام+ · **مرسل:** السبت مارس 12, 2011 7:01 am

السلام عليكم ورحمة الله وربركاته

حياكم الله جماعة الانكليزي عموما وجماعة الرابعة خصوصا

ان شاء الله يارب بالتوفيق و يكون الفصل الجديد بداية خير للكل

صحح ان المواد مكثفة بس ما بعرف ليش أنا متفائلة كتير و الله كريم

فخلونا نجمع كل معلومات المواد .... و الاساليب لمختلف الدكاترة و كل دكتور بشوف بيهتم من خلال تدرسية ...هون بهالموضوع ... وانا رح راجع كل مواضيع المدرجة بهالفصل وانسخ ( الزبدة ) مشان ما نضل مشتتين ... وبنفس الوقت في مجموعة من الاسئلة مني ومن غيري بنتمنى نلاقي الاجابات الها .... طبعا المشكلة في البعد انه دائما بنصير ندور ولو على معلومة زغيرة لان جهلنا بكتير امور صراحة بخوفنا ... فالمهم انا اخر هالشهر راجعة لاداوم ان شاء الله ووقتها رح قول للكل .... وخصوصا المغتربين ... اطلبوا وتمنوا وما رح ابخل ( متل ما تعودنا بآرتين ) بأي معلومة او تفصيل بفيد الغير باذن الله

يلا رح انسخ

بلا كتر حكيي

[quote]
الادب المقارن ..
عطاها بالفصل الاول الدكتور فؤاد من الكتاب القديم المعروف نفسه تبع الفصل الاول و أنت عرفت أنو أسلوب هالدكتور هوي الدراسة من الكتاب مثلا و مواضيع من الوحدات .. يعني إذا كفا معكن للفصل التاني حيكون نفس الاسلوب فلازم إذا بدك تبدي دراسة تبدي مثلا بقراءة الوحدات الستة الباقية بالكتاب للاطلاع علين و ترجمتن ..
و إذا عطا المقارن الدكتور جانسيز فكمان نفس الاسلوب ..
أمـــــــــــــا إذا عطاها متل السنة الماضية الدكتور الياس خلف فلا تقربي ع الكتاب و استني لأنو احتمال كبير وقتها تكون أتمتة .

الأدب العالمي :
حسب السنة الماضية عطا الدكتور مؤيد مسرحية غلغامش و بستان الكرز و الدكتور حلمي مسرحيات للوركا و قصة عاصفة الاوراق لماركيز ... غالبا الدكتور حلمي ما بغير .. ع عكس الدكتور مؤيد .. الي بايدك هلء تقرأي يلي بتقدري عليه من هالاحتمالات.

المسرح الحديث :
وكمان حسب السنة الماضية عطاها الدكتور المميز محمد حاج محمد .. و رغم أنه مو وارد كتير يرجع يعكي هالسنة .. بس مابضر ع كل حال ازا عرفتي أو قريتي شو عطانا السنة الماضية بهالمادة: مسرحية انتظار غودو ، و ميجر باربارا

الادب الامريكي :
كمان إذاا كان الدكتور ماجد .. فكمان ع الغالب ما بغير بين تلاتة : يا رواية : حرف قرمذي ، ديزي ميلر ، جوهرة ,,,

طرائق التدريس :
مابعرف أي شي عنها ..
إذا كنت دارسة مزبوط كتاب الي عطاكن منو هالسنة الدكتور بالفصل الاول فشي كتير منيح

ترجمة :
بتعرفي مالها غير قراءة و قراءة و قراءة مقالات بالانكليزي _عربي من الاخبار ومن هون وهون .

بتمنى كون فدتك بشي [/quote]

[quote]من ناحية العالمي فالروايات هن عاصفة الاوراق والتراجيديات التلاتة ورواية تالتة [/quote]

[quote]الأمريكي :
1- The Awakening
2- Light in August
3- The Scarlet Letter

بالنسبة للمسرح الحديث:
1- Major Barbara
2- Look Back in Anger
3- Waiting For Godot[/quote]

[quote]ومشان المقارن لسا الدكتور ما اجا ولا حكا شي يعني راحت للأسبوع الجاي انشالله بس بتوقع رح يبلش من السابع[/quote]

[quote]
شكرا كتير الك يا اخت صبا ع المساعدة انا ما اقدرت احصل الا
the scarlet letter
major Barbara
waiting for Godot
ورح اعطيكي الرابط اذا عند روابط لمسرحيات وروايات تانية بليز عطيني و بتمنى من اخواتنا بالمنتدى يساعدونا

http://www.4shared.com/account/dir/3338 ... tml?rnd=31
و يا ريت تلحقوا اسم كل رواية او مسرحية مع اسم الؤلف حتى نبحث عنها ب google[/quote]

[quote]لقيت رابط لمسرحية
THE AWAKENING BY Kate Chopin

http://www.gutenberg.org/ebooks/160
بس ما بعرف خيفانة تكون مو هي لانو ما بعرف اسم المؤلف[/quote]

[quote]
مشان كتاب المقارن عحسب ماسمعت نفس كتاب السنة الماضية
Comparative Literature Method and Perspective
وسمعت أنو بدو يبلش من الوحدة السابعة هاد اللي قالولي ياه
وشكرا عالرابط نور[/quote]

وشكر لكل من افاد غيره و ان شاء الله نستفيد كلنا سوا

سؤالي هلأ هو :

ممكن تخبرونا شوي بخصوص الدكاترة و اساليبهم بالمواد وشو بهمن
مثلا الروايات .... مواضيع تعاليق ام اتمتة ام شو تحديدا
وهل في تحديد مقاطع متل ما اتعودنا ؟
والدراسة محاضرات ام كتب ؟؟؟

بتمنى متابعة من الكل ونحاول ما نكرر الاسئلة مشان ما تضيع الطاسة

siba-m · **مرسل:** السبت مارس 12, 2011 8:29 am

شكرا عهالموضوع المفيد
بس عندي سؤال مكتبة وضاح بلشت تبعت محاضرات للطلاب المشتركين معن ولا لسا لأن عأساس كل خميس يبعت ومضى هالأسبوع ومابعت شي

shamya · **مرسل:** الاثنين مارس 21, 2011 11:57 am

http://www.sparknotes.com/lit/scarlet/
هذا رابط بتلاقوا فيه شرح كتير حلو عن هي الرواية وهذا موقع ممكن نلاقي عليه اغلب رواياتنا ومسرحياتنا لي عم ندرسهن مع الشرح وتحليل الشخصيات وتقريبا كلشي لازم نفهمه عن تفاصيل الأعمال
وبالتوفيق للجميع.

shamya · **مرسل:** الاثنين مارس 21, 2011 12:12 pm

http://www.sparknotes.com/lit/awakening/
http://www.sparknotes.com/lit/lightinaugust
وهي كمان روابط لتتمة روايات الأميركي

عصام · **مرسل:** الثلاثاء نوفمبر 15, 2011 2:44 pm

shamya,
يعطيكي العافية عالمتابعة

siba-m,
بالعادة وضاح بيبعت كل اسبوعين مرة مو كل اسبوع

sponge7bob · **مرسل:** الثلاثاء نوفمبر 15, 2011 3:45 pm

نصيحة من مجرب:
لا تقرب على اي عمل ادبي "بالعربي"
حاول قراءة جميع الروايات والمسرحيات بالانكليزي
خصوصا الدكتور مزعل...لن تنفعك قراءة الروايه بالعربي, والاجاابة على اسئلتو تتطلب قدرة نقدية وتحليلية كبيرة تليق باسم" طالب ادب انكليزي سنة رابعه."
وبالنسبة للنقد فانتو اكيد درستو عند د.ميرفت : دكتورة ممتازة ومن افضل الدكاترة في التعامل مع الطلاب وتحمل " اسئلتهم" الكثيرة. كلما سالتها اكثر جاوبتك اكثر , وبالنهاية هي ماراح تضيعلكم تعب (معدلاتها ممتازة)

وبالنسبة للدكتور الياس خلف : بانصحكم تحضرو جميع المحاضرات وتكتبو وراه وتلخصو بالبيت اهم المواضيع وشرط "تدعيم المواضيع من الصفحات اللي قرأها الدكتور." اسف عالاطــــااالة واعتذر عن الخلط بين الفصحة والعامية!!!!

crespo1989 · **مرسل:** الثلاثاء ديسمبر 13, 2011 1:00 am

aشكرا لهالموضوع الراااااااااااائع

حكم يحيى محمد · **مرسل:** الثلاثاء ديسمبر 13, 2011 4:49 am

عما طارق انا مابشوفك غير عم توزع تشكرات شارك بشي موضوع مفيد لا تكون هيك متل 0000 ومبروك للبرشا وهارد لك إلي بس مارح سامحك بحق الكروز0

زينة · **مرسل:** الثلاثاء ديسمبر 13, 2011 4:31 pm

ياريت اذا في شي حدا عندو معلومات عن مادة المقارن 1و لوين وصلوا فيها اذا الدكتورة حكت شي عن نموذج الامتحان يخبرنا
شكرا كتير

Rimo · **مرسل:** الأربعاء ديسمبر 14, 2011 12:25 am

اي والله ياريت إذا حدا بيعرف شي عن المقارن 1 يااااااااااااااريت تيفيدونا

LATEST_POSTS

قوانين المنتدى

رابعة ....تفضل لهون ضروري .. (الزبدة ) :)

الموجودون الآن