السلام عليكم:
أرجو منكم تقديم ما تستطيعون من النصح في فتح مكتب ترجمة ذو المواصفات التالية :
1- المكان: حماه
2- جهة التعامل: دمشق (فقط مبدئياً)
3- الترخيص: لا يوجد ترخيص
مع العلم أني قمت ببعض أعمال الترجمة في دمشق خلال السنة الماضية

السلام عليكم
أخ نور الدين كيف حالك
ان شاء الله تكون بخير
و الله برأيي الفكرة نارية ..
في كتير شباب هون خرجن فعلا يترجموا و يعربوا بس بينقصهم الاشراف و الفرصة
برايي فيكم تبدؤا من العمل الحر freelancing
و هيك ما بيكون في الا مكسب ..
و قتها بيشوف الواحد مين خرج يعتمد عليه و مين لا و حسب الشغل برأيي

يعني الفكرة من ناحية المبدأ حلوة و انا معكم

سلام

السلام عليكم :

نور الدين
هي ما فهمتا :

كيف المكان حماة و الوجهة او جهة التعامل دمشق

نور الدين,
الله يقويك يا نور

برأيي يكون في خدمات للترجمة ايضا ضمن حماه خصوصا الطلاب و مشاريع التخرج للطلاب غير المختصين . بالإضافة انك تسعى بموضوع الرخصة

و الله يسمعنا الأخبار الطيبة

موفق

شكراً إلكن المكتبات يلي رح تعطيني الشغل هية من الشام( وصار إلي معارف الحمد لله) بس مشان ما إستأجر بالشام وإتكلف رح ترجم بحماه مافي مانع فكرة حلوة عندكن فكرة عن تكلفتها؟
أنا حكيت مع الإستاذ مسلم وعطاني رأيه. وفي إلي لقاء معه قريب لمناقشة الموضوع أكتر.

الله معك
بركي بتشغل طلاب دبلوم الترجمة عنك
بس برأي الرخصة ضرورية

السلام عليكم و رحمة الله.
أخي الكريم
الرخصة هي من أهم ضروريات العمل و بما أنك متخصص بالميدان ففيك تأخذها و بسهولة.
أما بخصوص الجهات اللي راح تتعامل معاها ففيك تتعامل مع السفارات الأجنبية و مكاتب الهجرة و تتصل بهم لاعتماد ختم مكتبك على الوثائق المترجمة من العربية الى لغتهم. وفيك تكسب منها الكثير من الخبرة و المال.
و انشاء الله موفق.
أخوك حامد من تونس.

في ناس كتير ما نصحوني بدخول هاد المجال على اعتبار إنو بتجيني نصوص إختصاصية (بالطب - بالكهربا - بالكيميا...) وبهالحالة رح قضي نهاري عم ترجم بصفحة وحدة ويمكن على 150 ل س. بس أنا لسا عندي أمل فكرة... بس إنشالله يقبلو باعتماد مكتب (مانو ترجمان محلف)؟ أنا ماعندي مانع بالعكس ياريت جماعة الترجمة والتعريب يدرسو معي فكرة العمل مع بعض

السلام عليكم:
اخي انا فتحت مكتب ترجمة من فترة قصيرة, لحد هلأ ما في شي اسمو رخصة مكتب ترجمة
هي عبارة عن شوية وراق بسيطة, - اذا بتحب بعتلي عالخاص-
اذا ما كان في عندك خطة عمل واضحة و صريحة لا تشتغل طول بالك
انا صرلي شي سنة عم اشتغل بهالمجال, و معي كادر ضخم جداً واجهتنا كتير مشاكل و كتير صعوبات

انا بتمنى فيدك بخبرتي المتواضعة
و على أية حال بالتوفيق

على سيرة المشاريع،،،

K/S/U Translation & Arabization Center