يمكنك من هذا الإختبار أن تعرف ما إذا كنت من أصحاب الحاسة السادسة أم لا:
وذلك عن طريق الإجابة بكلمة (نعم) أو (لا).
1- هل تتخذ قراراتك من دون أن يكون هناك سبب محدد؟
2- هل تستيقظ من نومك قبل رنين المنبه؟
3- هل تتحقق أحلامك دائما؟
4- هل رأيت شخصاً وأحسست بأنك رأيته من قبل؟
5- هل ترى أشخاصاً متوفين في أحلامك؟
6- هل تأخذ وقتاً طويلاً كي تتخذ قراراتك؟
7- هل يلازمك سوء الحظ ؟
8- هل تعتبر نفسك شخصية محظوظة؟
9- هل تؤمن بالحب من أول نظرة؟
10- عندما يطلب منك أحد أصدقائك أن تخمن رقماً،هل تقول الرقم الصحيح؟
11 – هل تشكل الصدفة جانباً حقيقياً في حياتك؟
12- هل سبق أن ألغيت مشروعاً أو قراراً، لأنك أحسست بشيء غامض تجاهه؟
13- هل تستطيع أن تتوقع ما في داخل علبة هدايا من دون أن تفتحها؟
14- هل تستطيع أن تشعر بشيء سيء قبل حدوثه؟
15- هل تشعر متى سوف تقابل شريك حياتك وتوأم روحك؟

نتيجة الاختبار
إذا كانت معظم إجاباتك بكلمة (لا) فأنت لست من الاشخاص الذين يتمتعون بالحاسة السادسة بقدر كبير.
وإذا كانت معظم اجاباتك بكلمة (نعم) فأنت شخصية تتمتع بقدر كبير من الحدس و التوقع لما يحدث.

والله طلعت أنا معي حدس و حاسة سادسة .. بس هي بالدولة بيعطو عليا فوايد؟؟؟ اي نحنا حواسنا الخمسة ماعم نعرف نلبي حاجاتها
بس فعلا الي عندو حاسة سادسة بيتعذب لأن بيشعر بالحزن قبل مايصي وبهالحالة بيقضي عمرو متأهب ومستعد .. عم احكي عن تجربة
بتمنى مايطلعو الحساسين كتار
شكرا للموضوع الحلو

the sweet,
عزيزتي أنا بعرف إنك بس تقري جوابي رح تقولي أنو أنتي أخدتي الموضوع كوبي بست من المكان الفلاني وهو محطوط متل ما هو بموقع "نفساني أو ما شابه" ومع ذلك الاختبار فيو غلط

ما لأنك نقلتيه غلط طبعاً وإنما طريقة تنسيق الإجابات غلط

رح قلك كيف
بعض الأسئلة بجاوبو عليا بـ "نعم" اللي معن حاسة سادسة.... هالشي صح... بس في أسئلة تانية لازم اللي معو حاسة سادسة يجاوب بـ "لأ"

لهيك كان في غلطة بالتقييم النهائي أنو إذا أغلب إجاباتك نعم أو أغلبا لا...إلخ.

وأنا رح اتساعد معك مشان نشوف اللي عندو حاسة سادسة شو لازم يجاوب ومننسى تقييم الاختبار
أوكي؟ جماعة الحاسة السادسة لازم يقولو "نعم"
كمان نعم
نعم
بصراحة ما بعرف هالسؤال شو دخلو بالختبار أو بالحاسة السادسة
وهون لازم نعم
هون قطعاً الجواب "لأ" لأنو جماعة الحاسة السادسة بقررو بدون تفكير
كمان لازم "لأ" لأنو احساسن بدلن عالصح دائماً
المفروض "نعم"
كمان "نعم"
هي كذبه لا تمت للواقع بصلة ومافي حدا بالحقيقة هيك.... بس حسب هاد الاختبار لازم الجواب يكون "نعم"

المفروض "لأ" لأنن ما بينصدمو بشي قلبن محسسن بكلشي سلف
هوووووووووووووووووووون صار اسما حاسة سادسة بكل معنى الكلمة
أنو الظروف الخارجية والمنطق خلتك تقرر المضي بالمشروع... بعدين احساسك بخليك تلغيه
المفروض "نعم"
متل شغلة التفكير برقم... حكي فاضي
هي يا ضرب بالمندل يا أنو بيعرف هالرفيق أي نوع من الهدايا بيهدي... مابدا حاسة سادسة هالشغلة
بس حسب الاختبار "نعم"
نعم

المفروض "نعم" بس....
حتى اللي عندو حاسة عاشرة بخيب قدام هالموقف

عموماً

اللي عندو حاسة سادسة ينتبه أنو في إجابتين لازم يكونو لأ

ترى أنا ماعندي سادسة... حتى الخامسة مضروبة من فترة

the sweet,

بس تمنيت يكون في خيار اسمو أحياناً
تقريباً طلعو الأجوبة نص هيك ونص هيك..

فعلاً هاد السؤال غريب... معقول حدا يحزرو؟

خلاني فكر شو هي الحاسة السادسة؟؟؟

طلع التعريف:

الحاسة السادسة : لفظ يطلق على بعض الظواهر الغريبة التي قد يعجز العلم عن تفسيرها ، ولكن ما هو التعريف العلمي لها.
تعرف بأنها إحساس فطري لا إرادي بعيد عن المنطق يمكن صاحبه من معرفة المجهول والتنبؤ بالمستقبل، وأغلب الناس يمتلكون مثل هذه الحاسة وبدرجات متفاوتة ، وبما أن الإنسان العادي ليس له وسيلة اتصال بالمستقبل فإنه من المرجح أن يعتمد على الروح لاكتشاف المستقبل المجهول فهي نفحة من الله ولها قدرات عظيمة لا تدركها العقول ، وكان قديما يعتقد بأن تلك الحاسة خرافة وليس لها تفسير علمي ولكن، الدراسات العلمية الحديثة أثبت أن الحاسة السادسة لدى كل إنسان وتظهر بصورة واضحة عند الشعور بالخطر، وتوجد فعليا في جزء من المخ يتعامل مع حل الصراعات .

يعني إزا زتينا حجر نرد وأخفينا النتيجة عن شخص عم نختبر حاستو السادسة وبدنا نعرف شو الرقم اللي طلع؟
التجربة بهالحالة متساوية الاحتمالات بالنسبة النا وإلو..
يعني ممكن يطلع الرقم 1أو 2 أو 3 أو 4 أو 5 أو 6 بنفس النسبة!
هل ممكن انو شخص عندو حاسة سادسة يحزر هيك شي؟
أنا ما بظن .. وما قدرت اكشف هالشي من التعريف

حسب اعتقادي
انو شخص بيمتلك الحاسة السادسة بيقدر يحزر شي من خبراتو ..
يعني بيعرف انو فلان خاين .. بيتوقع منو خيانة ..
يعني مو بهالبساطة .. بس بهالسياق..
و الله أعلم ... واللي بيعرف يفيدنا


the sweet,

شكراً ع طرح الموضوع