موقع لتعليم اللغة الانكليزية - المنهاج المدرسي للطلاب السوريين

laloushy · **مرسل:** الاثنين أغسطس 30, 2010 1:47 pm

السلام عليكم و رحمة الله وبركاته
زملائي طلاب الباكالوريا
العلمي و الأدبي
زوار الموقع
أقدم لكم موقعي الشخصي
و فيه ترجمة لكل دروس الباكالوريا
و شرح لقواعد كل درس على حدى
بالاضافة الى المواضيع
و بالاضافة الى كافة الصفوف الانتقالية
sites.google.com/site/luayajeeb

أندلسية · **مرسل:** الاثنين أغسطس 30, 2010 11:11 pm

ظريف الموقع ...بذكرني بالنوط يلي كانو الطلاب يشتروها من المكتبة ..هيك كان فيا الدروس مقسمة و مترجمة..

الشي يلي عجبني هو الفكرة ...و الجهد يلي عملتو بتنسيق الدروس و وضعها ادام الكل ... بحب الناس يلي بتشتغل بعلما أد ما كان حجم الشغل ...شي رائع

... شخصياً لهلأ لهلأ بخاف من التدريس

و مااابحب خوض هالتجربة.

سنا · **مرسل:** الثلاثاء أغسطس 31, 2010 11:31 am

ما عم لاقيه ..
ممكن تتأكد من الرابط ..

عبد السلام الجاسم · **مرسل:** الثلاثاء أغسطس 31, 2010 12:05 pm

laloushy
موضوع حلو كتير ومفيد وفي عندي أخ بكالوريا وانشا الله رح يستفيد منو
لأنو متل مابتعرف ماظل دورات
وقبل كل شي أهلا وسهلا فيك في المنتدى المميز والرائد على مستوى المنتديات (أرتين)

laloushy · **مرسل:** الثلاثاء أغسطس 31, 2010 1:28 pm

شكراً للجميع
أخت أندلسيّة انشا الله يكون الموقع عجبك
و بأكدلك الموقع أخد شغل سنين و عم يتجدد بشكل دائم
و الدروس كلها منزلها مجانية للطلاب السوريين
و أنتي فيكي تستعيني فيه اذا حبيتي تدرّسي
و رح قلك أنو التجربة ممتعة
و أنا جاهز للمساعدة
الأخت سنا الموقع صحيح
فيكي تنسخيه و تلصقيه بشريط العنوان بدون www
و انشا الله يفتح
أخ عبد السلام شكراً لمرورك
انشا الله يستفاد أخوك من الموقع
و أنا جاهز للمساعدة بأي سؤال

و السلام عليكم

Mohammed · **اشترك في:** الجمعة مارس 23, 2007 2:02 am

شكراً جزيلا الك أخي العزيز والله يعطيك العافية عالموضوع المفيد
برأيي أنك تعمل موضوع بقسم البكلوريا باسمك
تحط فيه الروابط وتتابع الردود أسهل للتواصل ومنتشرف فيك

جنى · **اشترك في:** الأحد يناير 11, 2009 2:26 am

laloushy,
شكرا اخي والله يجزيك كل خير

laloushy · **مرسل:** الأربعاء سبتمبر 01, 2010 11:42 am

السلام عليك أخي محمّد
بس أنا ما عرفت كيف أعمل موضوع بقسم الباكالوريا باسمي
فيك تساعدني؟؟

Mohammed · **اشترك في:** الجمعة مارس 23, 2007 2:02 am

متل ما عملت هاد الموضوع .. يكون عنوانه مثلاً الانكليزية للبكلوريا باشراف الاستاذ لؤي .. أو اي عنوان انت بتلاقيه مناسب

ضمن هالموضوع بتحط الروابط لملفات التحميل بالطريقة :

أولا بتعمل نسخ لرابط الملف اللي بدك تحطو بالموضوع
بتضغط ع رمز ادراج رابط ( السلسلة الموجودة بين الرموز) بيطلعلك "أدخل رابط" بتعمل لصق للرابط اللي بدك تشاركو بالموضوع
بعدها بيطلعلك نافذة حط عنوان الرابط : مثلاً "تحميل الدرس الأول "

لتنسيقات الخطوط :
منحدد الأسطر اللي بدنا ننسقها وبعدها منضغط عاللون
ومنرجع منحدد كل سطر بدنا ياه يكون كبير ومنضغط بعدا ع خيار الحجم ومنختار الحجم المناسب .. أو خط عريض .. أو مائل
وآخر شي ازا بدك تعمل النص منتصف متل هاد الرد بتحدد الكل ب ctrl+a وبتختار شكل النص المناسب من بين الخيارات

LATEST_POSTS

موقع لتعليم اللغة الانكليزية - المنهاج المدرسي للطلاب السوريين

الموجودون الآن