السلام عليكم ورحمة الله وبركاته
بعد غياب طويل ارجع لكم اخوتي راجية منكم المساعدة في هذا الموضوع والاهتمام به كونه يمس مصيري في الجامعة
انا طالبة سنة ثانية قسم لغة عربية مغتربة عن الوطن
كنت عاقدة العزم على ان انزل ان اراد لي الله النزول لتقديم الامتحانات لكني مررت بظرف صحي اقعدني ولعدة مرات في المشفى واحيانا ليال عديدة وكنت قد حذرت من الحركة نهائيابسبب نزيف اصابني بحملي استمر معي مدة طويلة انتهت بولادتي بعملية عاجلة بطفلة قدر الله لها ان تاتي قبل اوانها مما اضطرها لدخول الحاضنة قسم العناية المركزة وهي الى الان فيها اسال الله لها الشفاء ولجميع الاطفال وان يقر عيني بها المهم انني بقيت طوال مدة الامتحانات في المشفى ذهابا وايابا لذلك لم تسنح لي الفرصة للذهاب لبلدي لتقديم الامتحان حتى ان الاطباء هنا حذروني من السفر لكونه خطر على حياتي وانا الان لااعلم كم ستبقى ابنتي في الحاضنة ومتى ستخرج هذه عند الله لكن وان خرجت باذن الله لااستطيع السفر بها كونه خطر عليها ان قدر الله لها الحياة
المهم اخوتي عذرا للاطالة لكني اردت ان اقول كل ذلك لاضعكم في الصورة
اخوتي انا ان لم اقدم هذه السنة سأستنفذ وهذا لااريده لذلك اردت منكم ان تساعدوني بان تسالوا لي هل استطيع ان اقدم تقريرا طبيا عن حالتي الصحية وعن وضع ابنتي عسى ولعل ان يقبلوه مني المسؤولين عن هذا الامرويعطوني فرصة اخرى للتقديم السنة القادمة راجية منكم الاهتمام ووضع المسؤولين بصورة وضعي الصحي وكيف الزمني الرقود في المشفى طيلة فترة امتحانات الفصل الاول وكيف ان وضع ابنتي قد يمنعني من التقديم ايضا في الفصل الثاني والله اعلم
والشكر الجزيل لكم جميعا ولكل من سيهتم بموضوعي سلفا0000000

السلام عليكم :

هلا ايمان و الحمد لله عسلامتك و سلامة الطفلة

أكيد بإمكانك , و اللي بعرفو انو بتقدمي اعتذار , بس بدك حدا من اهلك ينزل عشؤون الطلاب ( السنة الثانية ) لغة عربية

و يقابل الموظفة و يشرحلا وضعك و حبذا يكون معو وثائق اثبات و يفضل يكون معو اوراق بتثبت وضعك الصحي او يسألها شو الاوراق المطلوبة لحتى يجيبها .

وبإذن لله بيمشي الحال . و الله اعلم

و الحمد لله عسلامتك مرة تانية

نرجو لك الشفاء العاجل و لطفلتك

و تتربى الصغيرة بعزكم و دلالكم .

............................................

ايمان,
انشالله بتصح الزغيرة بسرعة وبترجعلكن سالمة ومعافاي يارب
ومن ناحية وضعك فمشان ما احكي من عندي فرح اسالك الاحد انشالله بالشؤون ويارب يكون بيمشي الحال

جزاكم الله خيرا اخوتي على مروركم في صفحتي واعانكم الله لان عملكم فعلا قمة في الانسانية فبارك الله فيكم وجعل مثواكم الجنة 00000
اخي عصام انا انتظر جوابك بفارغ الصبر والله يعطيك العافية سلفا

اخي عصام انا انتظر جوابك الله يعيطك العافية
الله يوفقك لا تتأخر علي لانو انا كل يوم بدخل بدوامة من ورا التفكير
دعواتكم

الله يبارك فيكم جميعا

ايمان,
من يومين فتت وحطيتلك رد معم لاقيه
بس انو طالما انتي لسا قدامك هالفصل ليش مابتعملي ايقاف تسجيل لانو بيحق لاي طالب ايقاف 4 دورات مستمرة او متقطعة

اخي عصام بارك الله فيك وبجهودك
بس المشكلة انو انا حتى ايقاف التسجيل مستنفذتو يعني ماعندي بالنسبة لايقاف التسجيل اي فرصة لانو اول سنتين بالجامعة كنت موقفة تسجيلي فيهم لظروف معينة وسنة بعدهم حسبوني راسبة كوني كمان ماقدمت وبعدها لقدرت ادخل على الجامعة وادرس فيها
لهيك اخي حاول انك تسالي على موضوعي الله يوفقك ويخترلك الخير يارب
واختي بالنسبة لاهلي بسورية اختي راحت وسالت بالادارة المركزية بس الموظفة ماعطتها ابدا امل بس تقول انو هي اذا ماقدمت هاي السنة رح تستنفذ ومافي غير هيك
بس انا مااعتمدت على كلام هاي الموظفة لانو معقولي الطالب اذا قعد بظرف غصب عنو مو بايدو محد يوقف معو ويقدر ظروفو!!!!!!!!!!!!!!!!!
وتاني شي لانو اختي راحت وسألت بالادارة المركزية للجامعة مو بالشؤون بكلية الاداب
وكوني انا بعرف انو انتو هون ماشاء الله ملمين بامور الجامعة اكتر من اختي لهيك لجأت الكم بعد الله عز وجل ماشاء الله شبكة مراسلين مو حيلاشي الله يوفقكم وتكونو اسم على مسمى دائما
وهلق انت اخي صرت بصورة الوضع على الاخر وفيك تسألي على حالتي بالجامعة ومشكورة جهودك سلفا