السلام عليكم ورحمة الله وبركاته ... كل عام وانتم بخير بانتهاء عيد الاضحى المبارك وعساكم من عواده .. وانشالله قارئ موضوعي يكون من الحجاج سنة الجاي ..


المهم كيفكم وشو اخباركم .. هلاء بتقولوا هي اكيد الها مصلحة معنا لانو ما بتحكي كل هالحكي لولا تكون مصلحتها كبيرة .. بس لا والله يا جماعة وقتي ضيق كتير ..
عن جد منتداكم بده وقت مشالله كبير ومواضيعه واعضاؤه كتار .. يعني بدي يوم كامل لالحقلكن

ايه .. ياريت حدا يساعدني لانو كل سنة الي هالعلقة مع المواد .. بقعد بتقاتل معهن ولبين ما نتصالح بكون ماضل حدا لحدا ..


بفوت عالموضوع دغري مشان ما عزبكن وتقولو يييييييي شقد كرارة

اول شي هداك الفصل نزلت اربع مواد قلت لحالي بركي بنجح فيهن .. قام للاسف رسبت بالترجمة 3 مع اني والله درستها هالمادة والمقال يلي ما درستو نجحت فيه الحمدلله معلش خلصت منو ..
هلق انا كنت بدي عيدها بس شفت بموضوعكن انو تغير الدكتور وصار ماجد عبد الكريم ..

انا اول مرة بسمع باسمو هالدكتور يعني ما بعرف خيره من شره ولا بعرف نمط اسئلتو
بقى شو رايكن فيه ؟ واعيدها ولا لاء؟

والمعاجم دكتورها كان الياس الخلف .. ماعندي مشكلة معه متفاهمين الحمدلله .. يعني انشالله ثابتة عهالمادة

وعلم الترجمة دكتور مزعل ..
بقى هون حطنا الجمااااااال .. شو رايكن ؟ صعبة المادة ؟ رفقاتي قالولي لا تنزليها مع المعاجم تقال كتير ..؟؟؟؟

الصوتيات .. قال ما بصير انزلها بدون ما احضر .. بس عنا بحلب في محاضرات صوتيات بجوز احضر هون مابعرف ؟؟ وغير وحدة قالتلي بعطيكي كتابي فيه البركة ورا بتنجحي

مقال وقراءة وفهم من اسمها برتعب .. لانو مابحب المقال ما فهمته لهلق
مع اني شفت الموضوع يلي منزله نوركم بس مابعرف وحملت الكتاب الالكتروني بس طلعلي تاني صفحة وقرات الفاتحة ووعلق الكومبيوتر وعصلج .. مابعرف مابعرف نصحوني قبل ما اطلع عحمص واوقف ساعة هونيك احتار شو بدي اختار مواد ....


ناطرة ردودكم السريعة لاني واقعة بحيرة فظيعةةةةةةةةة


وشكرا

زين نحاس,
الدكتور ماجد كثير كويس وانا درسني مادة القراءة وفهم 1 من شي خمس سنوات وعلم الترجمة صحيح صعبة بس اذا كتبتي كويس بنجحي مع العلم اني رسبت بيها اول دورة ونجحت بالثانية على الخمسين بس الصوتيات في مادة ممتعة وشيقة وتحتاج الى دراسة طبيعت نجحت بيها من اول دورة ب 90 علامة اما المعاجم كمان قدمتها عند الدكتور لياس ونجحت بيها من اول دورة وهي مادة سهلة نوعا ما طبعا هل الحكي من خمس سنوات تماما ربما كل شي تغير بس هؤلاء الدكاترة ممتازين
وبالتوفيق للجميع

هلا حبيبتي والله مودك صعبة بس الحل عندي
ترجمة 3 بتعتمد على القواعد الصحيحة لازم تكون قواعدك صح حتى تنجحي والدكتور واصيف بيعطيكي حقك
معاجم شغلتها سهلة لانو دكتور الياس حباب كتير وبيحذف جزء كبير من الكتاب
الصوتيات مادو فهمية حظفية صعبة بدها حفظ كتير بصم بصم بصم ثلاثة
علم الترجمة يا عزيزتي مادة صعبة بصعوبة ترجمة 3 هي من والى العربية
القسم الأول سهل جدا بالنسبة للقسم التاني الي كلو نظريات فلسية انكليزية
والمادة تحتاج الى قواعد متينة وصحيحة لانو الدكتور مزعل صعب جدا بالتصحيح
اذا فيه اي مساعدة تانية نحن بالخدمة

اهلين اهلين سحر ..

ايه والله صعبة الحمدلله في حدا بيحس فيني .. ومنيح انك مو ناسية المواد لانو انا بعد ما اطلع من الامتحان بعمل غسيل دماغ

علم الترجمة قلتي اول شي لدكتور واصف بعدها بالاخير قلتي للدكتور مزعل .. وهي هلق صارت لدكتور ماد عبد الكريم ؟ مين هو ما بعرف ؟ شو رايك فيه ؟
بس والله انا قواعدي صحيحة كتير بس اول نص خبصت شوي بالترجمة ..

هلق اعتمدت عالمعاجم ..

وخوفتيني من علم الترجمة كتير ....

صوتيات بصم .. انا اكره ما علي البصم اصلا ما عندي وقت ابصم نهائيااااا ياربي كيف بدي لحق ..

شكرا كتير سحر واحلى سحر واحلى توقيع كمان
بس ما قلتيلي عالمقال والقراءة والفهم ؟

وشكرا مرة تانية الك حبيبتي ..

Mokhlef,

عفوا ما قرات ردودكم ..
الحمدلله منيح طمنتي عدكتور ماجد .. اصلا انا بتطمن لهالاسم دوما .. بس ما بعرف نمط الاسئلة بالمتحان لالو ..

الصوتيات ممتعة .. وناس عم تقولي بصم ..

بشكل عام انا بحب الصوتيات يعني هداك الفصل قدمتها رفيقتي وتمنيت انو اكون منزلتها معها بس هي رسبت مشان هيك انا خفت منها شوي ..

المعاجم خلص استقريت عليها .. بقى لنشوف ..

صحي نسينا العربي ابوسو شقد بحبوووو .. مشان هيك بدي اتركو للصيف لانو بالصيف مستحيييييييييييييييل ادرس ..



يسلموا عن جد ساعدتوني .. كتير خلص هلق ترجمة 3 ومعاجم وووو ؟؟؟

قولولي شو انزل مقال وقراءة وفهم ولا لاااء؟؟

زين نحاس, ولا يهمك
آسفة اذا لخبطت معك دكتور المادة هو الدكتور مزعل
ماعم خوفك بس انتي سألتي عن المادة وهاد رأيي فيها
مادة مقال و قرءة وفهم صارت للدكتور واصف وهو بعطيكي حقك متل ما قلتلك
هي صعبة كمان لازم تعرفي كيف تكتبي مقال
مبينة من اسمها على فكرة انا حاملتها كمان
ومشان العربي ترى مابقدر قلك شي لانو 3 دكاترة
اي شي تكرمي
ولازم تقري كل نص وتشوفي كلماتو وتحفظيها
لحظة بخصوص ترجمة 3 هي للدكتور عبد الكريم
ومقال وقراءة وفهم هي للدكتور واصف