ranoo.sh,
انا اول وحدة برد عالموضوع...
نيالي...
رح جاوب عالاسئلة...بسم الله.... والله انا رأيي بغرابة الاطوار بتكون حسب درجة هالغرابة...
يعني اذا شخص عندو كم شغلة غريبة او مميزة عن غيروا...عادي..
اما اذا شخص كل شي في غريب...فأنا بفضل ابعد عنو...
ومابظن التربية الها علاقة بغرابة الاطوار...لانو في واحد بعرفو وبعرف اهلو...
اهلو ناس عاديين متلنا...وهوي غرييييييييييب الاطوار بشكل مو معقول... اي والله بصف العاشر كان في معي بنت...غرييييييبة بشكل مو معقول....
دايما قاعدة لحالا....لبسها غريييييب....بتحط شي 100 سنسال وشي 200 اسوارة....
بموبايلا صور ابدا مو منيحة....ومو مفهومة....
واذا سألتها عن معناة هالصور بتقلنا انتو لسة صغار...ومابتفهمو..
هاد النوع من الغرابة خلانا نبعد عن هالبنت...
وفي عندي بنت تانية في عندها كم تصرف غريبين...متل انو بتشرب مع البيض شاي..
مابتنام غير اذا كان الضو شغّال بغرفتها....
هاد النوع عادي مابخلي حدا ينفر منو... متل ماقلت قبل حسب الغرابة ودرجتها... لا مابظن....لانو الغرابة الي عم تصير بجتمعنا عم تكون نتيجة تقليد اعمى لمجموعة او طائفة ما... والله اذا مانت غرابة غير منطقية...انا ببتعد فورا...
تقبلي مروري....

ranoo.sh,
حلوة غرابة الاطوار بحبها بس تبعاً للأشخاص و لنوع غرابة الأطوار, بحب الناس الغريبين و المجهولين و الي بتدور حواليهن إشارات الاستفهام و التعجب!
كنت اعرف شخص هيك, ما بعرف عنو غير اسمو و كنت لما احكي معو كان حديثو كلو عن العلم و الثقافة و اللغة العربية و الإنكليزية, كان يظهرلي بعدة اماكن بحلب, و لما بحكي معو و بشوفو عنجد بحس حالي كأني ببحر, مستمتع و بذات الوقت خايف هلأ انا الشي يلي بعرفو علمياً انو بتقرب الناس ألو مو مشان شي بس لحتى يعرفو اكتر و يفكو شيفرات حياتو, اما انو حببتو او لأ ما بعرف
بس برأي لأ, صح اني بستمتع لما بشوفو لهادا الشخص يلي قلتلك عليه , بس بصراحة ما بحب شوفو.
مو بالضرورة, بس انا بخصوص تجربتي ف أي, كان بيمتاااز بعبقرية و فكر عالي بجد.

متل ما قلتلك من قبل بفضل الابتعاد عنو, رغم استمتاعي فيو, بس ليش؟ لأنو رح يشغلي بالي كتير و اقعد فكر و اطرح براسي ألف سؤال عنو و عن شخصيتو

بداية موفقة بقسم ساحة حوار رنا
موضوعك كتير حلو

fofo star, و أنا بقلك 1000000000أهلا وسهلا بنجمة آرتين أكيد وهيك كل واحد فينا يتميز بشغلات خاصة فيه
أكيد الواحد لازم يبتعد عن غرابة مخيفة بهالشكل
كلامك مزبوط و هاد التقليد ياما عم يضيع شباب و بنات بطريق مجهول غالبا و جهة نظرك منطقية جدا و الهالة المحيطة بالغرابة الغير منطقية بتكون مخيفة
شكرا كتير كتير إلك لمشاركتك يلي كتير أنبسطت فيها شخصيا و أهلا فيكي حبيبتي و إنشالله عطول بشوف مشاركاتك

باسل العمروش, موبكل شي بس أحيانا تكون مبعث للفضول مشان هيك منحسها حلوة و عنجد هاد هو الشعور يلي براودنا تجاه الأشخاص الغريبين لأنو ما منعرف شو وجهتهم الحقيقية وهنا يكمن الجوهر ...فالناس أكيد بتحب أكتشاف خفايا هذا الشخص و ليس الشخص نفسو هيك ناس أنا بحسهم قلائل بمجتمعنا لأنو غالبا بينعزلو و هاد هو الفضول و نحن بالنهاية طبيعة بشرية بتحب لكتشاف أي شي شريب وجديد و غرابة الأطوار غالبا تترافق بصعوبة في إكتشاف الشخصية .....فالأحسن الواحد ما كتير يشغل حالو بالتفكير لأنو ممكن ما يوصل لنتيجة لهيك شخصية شكرا كتير باسل عالتشجيع و إنشالله شوف مشاركاتك بمواضيع قادمة

ranoo.sh


يا سبحان الله !
ما في حدا بهالكون ألا و في صفات بتميزو إما بشكل إيجابي أو بشكل سلبي تبعاً لنظرة الآخرين لهذا التميز أو التفرّد ..

برأيي غرابة الأطوار بشكل عام لها تأثير منفّر على الأغلب ...
ممكن تكون الصفات الغريبة سبب لابتعاد أشخاص عن حامل هذه الصفات , و ممكن و بنفس الوقت تكون عامل جذب بالنسبة لأشخاص آخرين ...

طبعاً هاد بيتبع ميول كل شخص و قناعاتو و نظرتو لمتل هي الصفات الغريبة...
و الشخص الغريب الأطوار مو بالضرورة يكون تربى في وسط مختلف من حيث العادات و التقاليد و المبادئ و غيرها و كتير منسمع و بمناسبات كتيرة عبارة " هالولد لمين طالع ... " لأنو أكيد الأهل ما علمو و وجهو ليسلك هاد السلوك طالما ما لقى عندن الاستحسان ...

ممكن يكون هاد الشخص عندو شي من العبقرية و الإبداع و ممكن لا .. يعني غرابة الأطوار مو شرط لحضور أو غياب الإبداع و العبقرية ..

بدي أشكرك رنا على موضوعك ألي أخدنا لمنحى تاني و نموذج معين من نماذج المجتمع و متل ما قال باسل بداية موفقة معنا و نحنا بانتظار كل ما هو جديد و جدير بالطرح و المناقشة ..
و تقبلي مروري

سيرين,
هلا و 100 مرحبا بسيرين كلام جدا جميل و حلو ... كلامك فيه وجهة نظر سيرين ...يمكن لأنو بمجتمعنا الناس بتشبه بعضها بكتير شغلات سواء بالتصرفات أو بمسيرة الحياة حتى ...
مشان هيك بخافو الناس من أي شي مختلف و متل ما قلتي هالشي بالنهاية يتبع قناعات كل شخص صح ...و أنا كتير بسمع هالعبارة طبعا مو لإلي لناس بعرفن
تسلميلي يا سيرين يا رب و أنا كتير بحب شوف رأيك بأي موضوع سواء إلي أو لغيري
شكرا كتير إلك عمرورك و مشاركتك المميزة كالعادة حبيبتي .....نورتي