أحياناً عندما أرى بعض النتائج الإمتحانية  أحب أن أتأمل قليلاً فيها ، فمن يحب ليشاركني هذه الومضة على نتيجة إحدى المواد سنة رابعة  .

طالبة سنة رابعة فرنسي تحصل في مادة الشعر3 على العلامة الكاملة (100) .

الطالبة معروفة وأعتقد أن غانم يعرف تماماً عمن أتكلم ولكن لا داعي لذكر الأسماء احترماً لقوانين المنتدى وللابتعاد عن الأمور الشخصية فالفكرة عامة والمقصود هو الحالة أكثر منه الشخص .

ولكن ما معنى أن تأخذ طالبة العلامة الكاملة 100 في مادة كمادة الشعر3 ، يفترض أن تكون مادة عملية تفترض فهم الطالب ورؤيته الخاصة لشرح القصيدة في ضوء ما شرحه الدكتور ، فما احتمال أن تتطابق أفكار وفهم وطريقة كتابة الطالبة 100 % مع تفكير الدكتور وما يريده ووفق سلم التصحيح حرفياً لتنال الدرجة الكاملة ؟

نحن لا نتحدث عن مادة مؤتمتة بل عن مادة كتابية يبرز من خلالها مجهود الطالب ، ورغم أن الأسئلة سهلة نوعاً ما وقد سبق أن تحدثت عنها والقصيدة التي جاءت نفسها قد تمت معالجتها ودراستها في الصف ، ولكن يبقى من بينها سؤال شرح وهنا غالباً وكما يعرف الجميع حتى الطلاب المتفوقين لا بد أن يكون لديهم ولو بضعة علامات ضائعة خاصة في مواد أدبية بحتة كالرواية و المسرح والشعر ، ولكن هذه الدورة كانت  هناك علامة 100 .

وقفت أتأمل علامتي التي ترزح بعيد الخمسينات بقليل ووقفت أتذكر كم من الوقت أنفقته في البحث والتحضير لمادة الشعر ، وكم حاولت أثناء الكتابة أن أستوفي جميع العناصر المطلوبة وبترتيب ونظام ودقة محاولاً تفادي أي نقص ، وكنت أتوقع علامة مقبولة ، ولكن ظهرت علامتي بالخمسينات وكأنني طالب أنجح شحط وهذا لم أرده  .

لعلني إنسان مشغول بعملي الخاص ومسؤوليات الحياة مما جعلني بعيد قبل الآن عن أخبار الجامعة ومعدلاتها و نادراً ما كنت أهتم بغير علاماتي ،  لذلك أريد السؤال هل علامة 100 هي أمر مألوف في قسم اللغة الفرنسية ؟ وفي السنة الرابعة عادة هل تكثر علامات 100 ؟ وفي مادة الشعر3 هل وجدت كثير من الـ 100 من قبل ؟

هل كانت الدكتورة سامية دكتورة هذه المادة شعر3 من قبل تعطي العلامة الكاملة ؟

وما هو تفسير حصول تلك الطالبة على العلامة التامة ؟

أرجو ممن يحب أن يشاركني الأفكار ووجهات النظر بكل صراحة ودون تردد كما تعودت .

Marc,  
لاتوجع راسك كتير  
كل شي بالحياة وارد والعلامة طبعا بتعجب بس خلي الشغلة نورمال
بس الحلو انو الطالب بيكون ما منقص حتى ال accent يلي كنا نتحاسب عليها علامتين احيانا  
الف مبروك للي اخد هالعلامة وانشالله عنجد بيكون المستوى بالبعث منافس

عيب انو يكون من النادر نلاقي علامة كاملة بمحصلاتنا
و رغم هالشي منوقف منتفاجئ لما منشوف علامة كاملة او قريب منها يللي ما شفتهن غير بعلامتي بالتدريب الجامعي اول سنة
بس الشعر يا صديقي ما هو عبارة عن توافق افكار حتى التطابق بالعكس في كتير قابلية للاتساع بالشرح حسب وجهة نظر الطالب
بس المهم هو عدم تجاوز الخطوط العريضة يعني التيار الفكري
و الستيل تبع الشاعر وهيك شغلات
و عاد كل مين بيشرح الصور و باقي الشغلات من وجهة نظرو
أنا بحيي الدكتور عبد الجليل عهالخطوة الجريئة و بهني الطالبة رغم الغيرة منها
بس ما لازم ننسى انو الدكتور ما عمل متل غيرو و جاب قصائد غير مشروحة جاب من الشي اللي عطانا اياه
الله يسلم ايديه وويوجهلو الخير
و انشالله الله بيهدي الدكاترة و تاخد ايديهم عال100من يوم و رايح وللا حرام نكون متل الشام او حلب اوتشرين
اخفض معدلات عنا بحمص شي بيخجل
مع انو الحماصنة اذكى من غيرهن بس هي   نسبة الحموية عنا بتأثر عالمعدلات

marc
بالفعل معك حق تندهش من هيك علامة وخاصة بمادة ادبية غير مؤتمتة
بالنسبة لوجهة نظري بالموضوع انا بشوف انو علامة ال 100  الي حصلت عليها هالطالبة النجيبة كانت علامة فخرية لا اكتر ولا اقل  لانو من المستحيل انو طالب يحصل على علامة  100بهيك مادة  

غانم,

[color=#0000BF]أخي غانم في إمكانية توضح أكثر وبصراحة شو معنى "علامة فخرية " في هذه الحالة من وجهة نظرك ؟

وما هي الدوافع لمنح هكذا علامة ؟ هل هو تكريم لاجتهاد الطالبة ؟ أما أنها فعلاً لم يكن لديها لا فكرة ناقصة ولا خطأ إملائي ولا شرح غير مكتمل ؟

ما هي الطريقة برأيك كي نحصل ولو علامة فخرية صغيرة ؟ وتخلينا نفرح ولو بشي تسعين أو تمانين وما بدنا 100 ؟

أول شي ..بتمنى تتقبل مروري مسيو... ...و الكل طبعااا...

طبعا أول شي ما بتوقع القصة غيرة من طالبة نجيبة و الخ....إنما عنجد معك حق مارك مية بالمية...وبالمناسبة أنا زميلتي بمادة اللسانيات طردت من القاعة بسبب الغش من نصف الوقت تقريبا و ما كتبت إلا سؤالين و شوي من التالت... ..من كم يوم بالصدفة شفتها بالجامعة ((نحنا مجرد زملاء لهيك ما بعرف شي عنها وأنا توقعتها رسبت))..المهم بتقلي أخدت 75 بس هية متفاجئة لأنو يلي جاوبت عليه ما بيطلع 75..   ...طيب ..يا ترى من وين جاب الدكتور باقي العلامة يا تررررررى؟؟؟؟؟؟؟؟ ...لأزم نستعين بنجلاااا قباني...بلكي بتبصرلنااا و بتعرف ...وطبعا أنا المادة بقيت معي ع التكميلية..مع اني جاوبت عن جميع الاسئلة...وطبعا ما بعرف وين راحت العلامة ....
يعني مش بس هية..وكتير ناس انصدمو انهن نجحو بالمادة مع انو اجاباتهن كانت ((غبية و ضعيفة))...و ناس كتير تعبت ..وما نجحت..وناس نجحت ع الخمسينااات((وطبعا الكل ما عم يعرف وين مشيوووو هالعلامات ..يمكن عم يكزدرو بدفاتر غيرنااا..
فيا ترى هل الدكتور يريد طلاب تجيب إجابات سخيفة وغبية كطالب صف سابع لا يجيد كتابة موضوع من 5 أسطر ...هل يعاقب الطالب الفهمان باتهامو بالحذلقة والفزلكة؟؟؟...والله يا جماعة ما بعرف...بس الحمدلله ع كلشي..بس أنا بصراحة سألت الناس انو شو مستوى الغباء يلي بدو ياه دكتورنا حتى نكتبلو فيه     ...........
  سامحوني ع الاطالة...((طبعا هيدون الدكاترة طفرات مش الكل هييييك...و حتى هوي يمكن مش هيك...بس أبصر شو كان صاير معووو

صحيح جنى....

معك حق... ....يلااا بنقدم بهل المواااد وبنكب ع البحر..............يلا ما بيضيع شي....