الملاك,
ولك مية السلامة بوجودك...وما كنت متوقع إنك تكوني من بين الجمهور يلي رح يسألني....أسئلتك بنبسط فيها والي الشرف بالرد عليها...بس أسئلتك قاتلة..ورح جاوب عليها رغم صعوبتها....ومشان قسم امهارات أنا جاهز لأي شي بطور القسم...لأنو القسم غالي عليي كتير...والوسام يلي أخدتوو كان من أروع الشغلات يلي أخدتها بالحياة....
اقتباس:
واح هلأ أنت عحد علمي عم تمر بظروف صعبة...كنت مريض وتوفت ستك الله يرحما ويجعل مثواها الجنة وأمور تانية ما بعرفا وتسببت بأنو نفسيتك تعبانة ونظرتك للحياة تشاؤمية شوي هالأيام
فهل......
قعدتك على كرسي الاعتراف بهالوقت رح تتأثر بالمود اللي أنت فيه؟
هل ممكن لو حدا سألك عن المتع بالحياة وجوانب حلوة ومزهرة من الأيام انك تتفها وتستنكرا لمجرد أنك هلأ عم تمر بأيام صعبة؟
هل أجوبتك وملامح شخصيتك اللي رح تنرسم بعد هالقعدة رح تكون " أحمد الحقيقي"؟ أم " أحمد هالأيام"؟
يمكن جلوسي على هالكرسي وبهالوضع يلي أنا فيه تكون من الشغلات يلي رح تخليني انهض واكتشف شغلات عن نفسي كانت مخباية...
والأسئلة يلي رح تجيني رح اتقبلها بكل ود..وأجوبتها هي يلي رح تخليني حس بالحياة والجوانب المزهرة...رح اكتشف من خلال الأسئلة شغلات غامضة فيني..لأني يمكن كون ما جربت إني اطرح هالأسئلة على نفسي...وما بتفاجئ بأي سؤال مهما كان....
أجوبتي رح تكون عن أحمد الدالي الحقيقي..بس بعض الأسئلة ممكن اني انجبر كأحمد هالاأيام...لأنو في شغلات بتتحكم فنا ومافنا نسيطر عليها... 
اقتباس:
تنين عندك آراء بالحياة والمجتمع والناس وسياسيات التعامل كتير..ولكن هل كونتن من خبرتك بالحياة وتجاربك الشخصية؟
أم من تجارب الآخرين ومراقبتك عن كثب؟
الخبرة بالحياة علمتني كل شي..وأنا من الأشخاص يلي بحب اتعلم من كيس غيري قبل ما اتعلم من كيسي..وعندي قدرة على تحليل الشخصيات ولكن بضل كاتمها بيني وبين نفسي...بحب كتير دقق بالتفاصيل والجزئيات وبوقف عند كل نقطة..وبعدين بطنش عنها بعد ما كون أخدت يلي بدي ياه... 
اقتباس:
تلاتة شو هي أسوء تجاربك بالحياة لهلأ؟
كل شي جربتو بالحياة كان يأثر عليي بشكل سلبي...وأغلبو من ايدي أنا..لأنو عقليتي أحيانا أنا ما بفهمها....بس ما بندم على شي عملتو...وهالشي ما بيعني اني اتوقف عن التجارب ..بحي جرب كل شي مغامر ومتهور من الدرجة الأولى.... 
اقتباس:
أربعة هل يتصف الأشخاص اللي حبيتن بحياتك وقربتن منك أو تمنيت قربن...بمواصفاة وحدة؟ وهل لهم شخصيات متشابهة؟ وهل لو تعرفوا على بعض رح يكونو خير الأصدقاء؟
نعم الكل بيتصفوا بصفات وحدة..حتى اختلاف الآراء بوصل لنتيجة وحدة عند الكل..
يمكن هالشخصيات ما تكون متشابهة بس بجمع منها يلي بدي يا و بضمو لشخصيتي ...بحب عرف الكل على بعض ومن المرة الأولى....وهنن خير أصدقاء لحد اليوم والحمد لله.....وان شاء الله دووووم بكونوا هيك.. 
اقتباس:
خمسة ركز منيح
لو أنا هلأ طلبت من أمك توصفك...وتقلي مين أحمد.....
شو أول صفة بتذكرها أمك؟
وكيف ممكن توصفك بشكل عام؟
" ليك بدون غش ها لا تروح تسأل أمك"
قلي أنت كيف بتتخيل وصف أمك إلك وكيف ممكن تشرحلي شخصيتك...
 ركزت....
أول صفة بتقولها (الغالي الحنون)...
وبشكل عام..بتعتبرني مثل أعلى للكل...
وعمجاوب وبدون غش وأمي مسافرة حاليا ومانها جنبي.. 
أنا بتوقع وصف أمي الي رح يكون في كتير من المبالغة..يمكن لأنو ما بصارحها ببعض الأمور...على الرغم إنها ما ممكن تلومني على شي...بس في شي من الإحترام والخجل أمامها...وعلاقتي فيها علاقة انفرادية ما بظن أي حدا عندو نفس العلاقة...ما عندها شي بالنسبة اسمو (((لا))) كلو مختوم بالموافقة... 
فكرة هالأسئلة هاي بالذات الها أكتر من جانب وما بعرف شو بتقصدي فيها بالضبط..بس جاوبت على حسب ما فهمت...واذا كان مو هيك القصد..فيكي توضحيلي..
اقتباس:
ستة مدري سبعة من ايمتى بدأت ذاكرتك بتسجيل الأحداث بحياتك؟
بمعنى آخر..شو أبعد حدث بتتذكرو؟ وأديه كان عمرك وقتا؟
" ترى هالسؤال صعب ها "
من عمر السنتين على ما اذكر...أبعد ذكرى هي وفاة أخي الصغير بعد يومين من ولادته..بتذكر اللحظات لهلق وبعمر السنتين متل ما قلت... 
اقتباس:
وهلأ عراسي أحمد الدالي بتمنالك السعادة والهناء والمتعة وأنت عم تجاوب على هالأسئلة
تسلمي يا رب وأنا بتمنالك كل خير ..وعنجد استمتعت بالأسئلة لأنها صعبة ....
|
و هاي أحلى كرسي لأبو حميد .
.. وأخيراً بدي انتقم 
...بس مرة سألني الأستاذ بالصف الخامس بالانكليزي شو بتتمنى تصير: قلتلو بايلوت.(طيار)...ما بعرف ليش هيك قلتلو..يمكن لأني بحب كون مميز....