لك ريتو ألف مبروك .. وأخيراً بدي انتقم
هلئ مو براسي شي اسئلة بس بعدين بفرجيك..مع انو حرام انت ما ساويتلي شي..بس هي اسمها عقوبة عسكرية ..يعني للكل

واح هلأ أنت عحد علمي عم تمر بظروف صعبة...كنت مريض وتوفت ستك الله يرحما ويجعل مثواها الجنة وأمور تانية ما بعرفا وتسببت بأنو نفسيتك تعبانة ونظرتك للحياة تشاؤمية شوي هالأيام
فهل......
قعدتك على كرسي الاعتراف بهالوقت رح تتأثر بالمود اللي أنت فيه؟
هل ممكن لو حدا سألك عن المتع بالحياة وجوانب حلوة ومزهرة من الأيام انك تتفها وتستنكرا لمجرد أنك هلأ عم تمر بأيام صعبة؟
هل أجوبتك وملامح شخصيتك اللي رح تنرسم بعد هالقعدة رح تكون " أحمد الحقيقي"؟ أم " أحمد هالأيام"؟

تنين عندك آراء بالحياة والمجتمع والناس وسياسيات التعامل كتير..ولكن هل كونتن من خبرتك بالحياة وتجاربك الشخصية؟
أم من تجارب الآخرين ومراقبتك عن كثب؟

تلاتة شو هي أسوء تجاربك بالحياة لهلأ؟

أربعة هل يتصف الأشخاص اللي حبيتن بحياتك وقربتن منك أو تمنيت قربن...بمواصفاة وحدة؟ وهل لهم شخصيات متشابهة؟ وهل لو تعرفوا على بعض رح يكونو خير الأصدقاء؟

خمسة ركز منيح
لو أنا هلأ طلبت من أمك توصفك...وتقلي مين أحمد.....
شو أول صفة بتذكرها أمك؟
وكيف ممكن توصفك بشكل عام؟
" ليك بدون غش ها لا تروح تسأل أمك"
قلي أنت كيف بتتخيل وصف أمك إلك وكيف ممكن تشرحلي شخصيتك...

ستة مدري سبعة من ايمتى بدأت ذاكرتك بتسجيل الأحداث بحياتك؟
بمعنى آخر..شو أبعد حدث بتتذكرو؟ وأديه كان عمرك وقتا؟
" ترى هالسؤال صعب ها "

وهلأ عراسي أحمد الدالي بتمنالك السعادة والهناء والمتعة وأنت عم تجاوب على هالأسئلة