قالوا في تعريف المثقف :

" المثقف : هو الشخص الذي يعرف كل شيء عن شيء واحد , و يعرف شيئاً من كل شيء " .

و لكن و في وقتنا الحالي و لأسباب شتى اتخذ تعريف " المثقف " منحى آخر فأصبح يطلق لقب " المثقف " على الشخص المتعلم و المتخصص في مجال ما بغض النظر عن مستوى و درجة ثقافته . و كأن مفهوم الثقافة أصبح مرتبطاً بالشهادة الجامعية التي يحملها الشخص و حسب ..

برأيكم :

1- هل ثمة مقياس للثقافة ؟؟

2-ما هي صفات الشخص المثقف من وجهة نظركم ؟؟

3-هل ثمة ارتباط ما بين تبدل و تغير الزمان و تعريف الشخص " المثقف " ؟؟ بمعنى هل

تعريف " المثقف "مرتبط بتغير الزمن ؟؟

شكرا كتير اليك "سيرين" ولكل واحد بيشارك بهادا الموضوع لأنو حسب اعتقادي, الثقافة بهلايام هي أكتر شي بنفتقر عليه بمجتمعنا واللي بأدي الى قلة الابداع للي بأدي للانقراض.

طبعا وأفضل حل بنتوصلو بيكمن بفهم شو معنا كلمة "ثقافة" يللي بيبدأ فيه هادا الموضوع المهم

هل ثمة مقياس للثقافة ؟؟
حسب اعتقادي لا, بس في مقومات, متل العلم, التقبل و الاجتهاد.

ما هي صفات الشخص المثقف من وجهة نظركم ؟؟
طبعا هي أهم صفة
"المثقف : هو الشخص الذي يعرف كل شيء عن شيء واحد , و يعرف شيئاً من كل شيء"
بس كمان هالشي يللي بيعرف عنو كلشي, بنظر نفسو ولا شي, وبيعتبر حالو ظالم لكل شي لأنو مبيعرف غير شي قليل عن كل شي.

متواضع: لأنو شاف من العلم عظمة لا يمكن انو يتواصلا
محب: لأنو عرف الشر وقباحتو حق معرفة
مجتهد: لأنو حامل علم كتير فوق ضهرو
موضوعي: لأنو بيعرف انو التطرف هو من أهم هدام الثقافة
عقلو نضيف: وهي كلمة كبيرة كتير وصعب الواحد يوصلو لهلعقل.


هل ثمة ارتباط ما بين تبدل و تغير الزمان و تعريف الشخص " المثقف " ؟؟بمعنى هل تعريف " المثقف "مرتبط بتغير الزمن؟
لا,

كانو من زمان يقولو عن ال شخص الاّخد سرتفيكا انو متعلم وخاتما والثقافة اكلتو أكل, وهلق بيقولو نفس الحكي عن الدكتور....... يعني اذا كان في ارتباط بين الثقافة وشي تاني فحسب اعتقادي تعريف "الثقافة" مرتبط بعلم البشر المحيطين.

أما المثقف هو نفسو سواء من ألف سنة أو اليوم أو بعد ألف سنة, لأنو رح يضل عندو هدف اساسي وهوي انو يعرف كل شيء عن شيء واحد , و يعرف شيئاً من كل شيء.

وشكرا كتير عطرح هيك موضوع

سيرين,
يسلمو كتير عالموضوع...و المناقشة بهيك موضوع هو بحر واسع بس ممكن نحصر أفكارنا بنقاط رئيسة : من حيث المبدأ كلام صحيح بالإضافة لما قاله الأخ Hemlock, و هيي صفات لازم بالفعل تتوفر بالمثقف ..نضيف إليها :
التوازن : يعني التوازن بإعطاء كل فرع من العلوم حقه حتى و إن كان متعارض مع أفكاره الشخصية ...لأن أي فرع من هذه العلوم له مؤيدين
الإحاطة : أن يعرف الرأي و الرأي الآخر
متطور : يعني يهتم بالمواضيع التي يتعامل بها أبناء جيله و التي تهم عصره أيضا
أن يعرف سياسة المناقشة : أي أن يعرف كيف يناقش الآخرين ...كل حسب ثقافته و فهمه و عمره بطريقة تناسب الشخص الذي أمامه ..دون أن يهاجم و دون أن يدافع عن أفكاره بطريقة متعصبة ..و أيضا أن يعرف كيف يناقش الشخص الذي أمامه بمواضيع معروفة بالنسبة للآخر و أن لا يناقش مواضيع مجهولة للآخرين حتى الآن لا......لكن مستقبلا أتوقع أنع سيرتبط بشكل أو بآخر ....
شكرا عالموضوع مرة تانية

موضوع مميز
والاهم انو مفيد في تعاريف كتير للمثقف كل انسان بيعرفو بطريقتو
هلا انو يعرف كل شي عن شيء واحد ما بعتقد في هيك انسان خارق لانو مافي شي كامل او صح بالمطلق والمعرفة نسبية
ممكن شخص يعرف بموضوع اكتر من شخص اما يعرف كل شيء هي صعبة شوي .
يعرف شيء من كل شيء
هي يمكن اصح والمثقف هو الشخص الملم باكثر من مجال
وهي فيها نقطة سلبية انو يقطف من كل بستان زهرة
بدل ما يكون عندو بستان زهر من نوع واحد
بمعنى اخر الاختصاص بمجال معين بخليه يتميز اكتر لاننا بشر بالنهاية مو الات
في فرق كبير بين المتعلم و المثقف
المتعلم هو لي بيكون خاضع لنظام تعليمي (مدرسة جامعة معهد)
اما المثقف ما شرط يكون معو شهادة
في ناس كتير مثقفين وما معهن شهادات بس ملمين بمواضيع كثيرة برجع بقول
في ناس كتير معن شهادة جامعية ومانن مثقفين حتى بالاختصاص لي مختصين فيه
يعني في فرق لما بينجح الانسان من ورا الحفظ وبس
وبين الشخص لي بيدرس بهدف المعرفة فبيدرس اي مادة بدقة وبحللها وبيربط الاشياء الموجودة فيها بامور اخرى بالحياة
المقياس نسبي يعني في شخص بيعرف اكتر من شخص
فيني احكم انسان مثقف اكتر مني بيعرف اكتر مني وهدا الشخص اكيد في حدا بيعرف اكتر منو وهكذا دواليك
اما مقياس مطلق اكيد مافي
المقومات لي ذكرها الاخHemlock رائعة العلم التقبل والاجتهاد
وانا بضيف عليهن الابداع والابداع هون انو الشخص لما يكون ملم بموضوع معين او باكثر من موضوع فينا نقول عنو مثقف بس لما بيستعمل ثقافتو بالحياة العملية من خلال تحليل الامور وربطها بالواقع بيكون مبدع هذا الانسان كنز بحد ذاته
برايي مافي صفات محددة للانسان المثقف لانو عم نحكي عن الثقافةبالمجمل
في ناس مثقفين وعصبيين او مغرورين ..............الخ
اذا كنا عم نحكي عن الانسان المثقف لي بيعرف وبس
اما المثفق المبدع اكيد فيه صفة بارزة وهي الحلم وكمان متل ما قال الاخ Hemlock التقبل وهي مهمة كتير كتير كتير
لاء طول ماهو انسان متقبل للتغير لي عم يصير بالمجتمع
شكرا على الموضوع
سيرين
وهدول ل
Hemlock

سيرين,

كالعادة .. المميز لا يأتي إلا بمواضيع مميزة ..

فعلا الموضوع مهم كتير .. و حلو

بالحقيقة ما رح ارجع اكتب اكتب رد لأنو الي بدي احكي نطقت فيه ليلك ..
LILAC,

رأي بيتوافق مع رأيك 98 بالمية .. واللي كنت بدي ركز عليه هو النقطة التالية:
اذا برأي انا انو الشخص المثقف هو الشخص الي بيستخدم علمو ببراعة و "شطارة" بالحياة العملية" ...
ما بكفي انو نعرف كلام موجود بكتب بس .. لازم نستخدم هاد الكلام وقت الحاجة ..
على العموم .. المواضيع التانية بهالموضوع حكيت عنها لييلك باسهاب .. والي فيها رأي مطابق تقريبا .. لذلك لاداعي للتكرار
LILAC, هي سنة الحياة ..
اذا شخص بيعرف اكتر مني بمجال الشعر انا ممكن كون اعرف اكتر منو بمجال المسرح مثلا .. او شخص بالأدب و شخص بعلم الحياة مثلا ... مو النقطة السلبية انو يقطف من كل بستان زهرة .. النقطة السلبية انو يقطف من كل بستان زهرة مع اهمال بستانو الأساسي .. اما اذا عندو بستان كامل و بعدين راح للبساتين التانية هادا بيكون الشخص المثالي والي كل واجد لازم يكون متلو حسب تعريفي للمثقف لازم تبدلي كلمة "مثقفين" بكلمة "متعلمين" لأنو عم تحكي عن علم مو ثقافة
أنا الشخص التاني .. شو بيكوني برأيك؟؟؟

سيرين موضوع رائع لكن لضيق الوقت لم أتعمق بالإجابة
LILAC,
لاحظت ان لك آراء جميلة في مواضيع عدة

لفتت نظري الأفكار و الآراء المتباينة بخصوص هالموضوع

و هي آراء بتستحق منا أنو نوقف عندها ..

بدي أشكر كل يلي شاركو بالموضوع و أغنو بآراؤن ..

و أكيد في ألي عودة تاني للموضوع .

Hemlock

ذكرت بردك " العلم , و التقبل , و الاجتهاد " على أنها مقومات للثقافة..

باعتقادي أن هذه الكلمات الثلاثة هي المفتاح الحقيقي لما يسمى " الثقافة "

و بالتالي تصح أن تكون " مقياس للثقافة " .... لأنني كإنسان عندما أتعلم

أصبح على مستوى معين من الثقافة , و عندما أجتهد على نفسي و أتابع

آخرالتطورات و الدراسات و أرتقي إلى مستوى أعلى و منه إلى مستوى

أعلى فأعلى , و ذلك عندما أكون منفتح الذهن , أسمع , و أجادلبما هو مفيد

و مقنع , مع التأكيد على احترام الرأي و الرأي الآخر و هذا ما أعتقد أنه

جزء لا يتجزأ من ثقافة الإنسان .


صفات أوافقك عليها 100 بالمئة , و عبرت فأحسنت التعبير.

أعود و أؤكد على نقطة مهمة جداً تطرأت إليها Hemlock و هي واحدة

من الأسباب التي دفعتني لكتابة هذا الموضوع و هي : أن تعريف الثقافة

أصبح مرتبطاً بعلم البشر المحيطين.

و هنا أعتقد أنه ثمة ارتباط بين تعريف المثقف و تغير الزمن لأنه و تبعاً

لما ذكرت أخي الكريم سنكون أمام ثقافتين مختلفتين , لجيلين مختلفين,

و من فترات زمنية متباينة .... و بالتالي الارتباط موجود .

بدي أشكرك Hemlock على المشاركة الرائعة و الآراء المميزة

و نورت الموضوع ..


ranoo.sh

الله يسلمك يا رنا كلك ذوق ..

ذكرتي بردك كلمة " متعصب "

كلنا منعرف أنو الإنسان وقت بكون واثق من أفكارو و مدى صحتها

بكون متعصب لهذه الأفكار ... و رخ يبقى يدافع لأبعد حد ..

نورتي يا رنا و يا مية هلا فيكي و شكراً على مرورك و آرائك الحلوة.

LILAC

كلامك صح ليلك 100 بالمية بخصوص أن المعرفة نسبية , لكن الإنسان

يحاول دائماً أن تكون معرفته متطورة و متقدمة قدر الإمكان و لو بنسبة

70 أو حتى 80 بالمئة و هي نسبة لا يستهان بها ..

أحب أن أؤكد على فكرة و هي : أن أمتلك بستانين من المعرفة , الأول

في مجال إختصاصي , و الثاني في شتى المعارف و العلوم , هو ثروة

علمية و حقيقية لا تقدر بثمن عند من يعرف للعلم وزناً حقيقياً .

كنت مميزة كتير بآرائك ليلك و بتمنى شوف مشاركاتك الرائعة معنا بساحة

حوار دائماً .

نورتي و شكراً على مرورك .

Ala'Al-Ibrahim

" مو النقطة السلبية انو يقطف من كل بستان زهرة .. النقطة السلبية انو يقطف من كل بستان زهرة مع اهمال بستانو الأساسي .. اما اذا عندو بستان كامل و بعدين راح للبساتين التانية هادا بيكون الشخص المثالي والي كل واجد لازم يكونمتلو"

برافو علاء ... جواب سليم و بمكانو هاد الشي يلي كنت حابي علق عليه ...

حسب تعريفي للمثقف لازم تبدلي كلمة "مثقفين" بكلمة "متعلمين" لأنو عم تحكي عن علم مو ثقافة "
صح , بس بدنا ما ننسى أنو العلم جزء لا يتجزأ من الثقافة ..

"يعني في فرق لما بينجح الانسان من ورا الحفظ وبس
وبين الشخص لي بيدرس بهدف المعرفة فبيدرس اي مادة بدقة وبحللها وبيربط الاشياء الموجودة فيها بامور اخرى بالحياة


أنا الشخص التاني .. شو بيكوني برأيك؟؟؟ "
يا أخي شو بدو يكون غير إنسان طموح و يصعد درب الثقافة درجة درجة ..؟؟

"كالعادة .. المميز لا يأتي إلا بمواضيع مميزة .."

تسلم علاء هاد من ذوقك الرفيع ... و أنتي كمان كنت مميز

كتير بردك.. شكراً كتير على مرورك .

و أكيد نورت .


بقي قول أني استمتعت كتير بقراءة هذة الآراء لأشخاص برأيي أنهم من أهل

الثقافة .