هذا ما حدث في احدى المحاضرات
اثناء محاضرة ما دخل رفاق من حزب البعث
تبروعوا لغزة بكل طيب خاطر الكل تبرع

لكن احداهن لم تتبرع فوجهه لها كلام أنت اما مصرية او سعودية وحصلت مشادة الي ان تدخل الدكتور وفصل بيناهما

احداهما ايضا اعطته ملبغا صحيحا من المال من فئة 500 ليرة وكاد الا يرجع لها شيئا!!!!!!!!!!!!!!!!!!!!!!!!!!!!!!!!!!!!!!!!!

نعم جميعا نحب عزة والتبرع لها واجب قومي وديني ومع احترامي الشيد للحزب ونشاطه ودعمه لغزة

لكن من حقي الا اتبرع !؟

واذا لم أكن أملك المال
فانا طالب في النهاية قد اعمل وقد لا
ومصروفي في النهاية هو من اهلي
وقد أكون طالبا مسافرا اتي من محافظة اخرى طلبعا للعلم و مصروفي الشخصي يكاد يكفي أو لا يفكي
ياترى هل كانت طريقة لائقة منه أن يتوجه اليها بتلك الطريقة !!!!!!!!؟؟؟؟؟؟
مصرية أو سعودية ألا يتوجب فصل الحكام عن الشعب؟؟؟!!!! ونحن نعلم تماما
عن مدى كراهية اشقائنا المصريين لسياسة رئيسهم !!!!!

ونعلم بمدى عروبتهم وحبهم ل اهلنا في غزة !!!!!

وهل أجبر أنا الطالب على التبرع بمبلغ معين من مصروفي الخاص الذي أقبضه من أهلي ؟؟؟
نعم أتبرع بمصروفي كله وبل وبكل مدخراتي و بروحي فدائا لإخوتي لكن
السؤال الملح هنا هل تصل كل تلك التبرعات لهم؟؟؟؟؟؟؟؟؟؟؟؟؟؟؟
ولماذا لا توجه هذه الحملات لأصحاب رأس المال والملايين لماذا توجه للطلاب؟؟

من يجيب؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!

سحر,
اول شي بحب قول للي قال هالحكي انوا اهل مصر
رجال رجال .. و على فكرة في حديث بيقول اوصيكم بأهل مصر خيرا و تأكدوا من الحديث

هلق بالنسبة للتبرع هي شغلة نسبية و ربنا ما بيكلف كل واحد الا وسعها ..
و اللي تبرع قدام الناس مشان يقولوا عنو تبرع فرح ياخد جزاءوا بالدنيا و للاسف بالاخرة ما رح يستفيد شي من تبرعوا

و الله اليوم بصلاة الجمعة دعا الخطيب للتبرع .. و بعد ما خلصت الصلاة خطب فينا رجل من أهل الفضل شغلة خمس دقائق و ترك المجال للناس تذهب مشان تجيب مصاري
و الحمد لله علىصلاة العصر بشرنا انواالمبلغ لوقت صلاة العصر كان 660 الف ليرة سوري
و كان في 3 أشخاص تبرعوا ب 100 الف كل واحد منن
يعني الشغلة مو بالاكراه ..
متل ما تفضلتي انتي و اللي بيتبرع لله بيلاقيها عند الله و اللي بيتبرع للناس بياخد اجروا بالدنيا فقط

أول الشي سحر بالنسبة للسعودية ومصر الشعب مالو ذنب اذا كان رئيسون السبب..
هلق بالنسبة للتبرع أو للشي اللي صار يمكن يكون الطالبة مامعها مصاري ويمكن معها ومابدها تدفع..
بشل عام الله يجزيهون الخير على هاد العمل اللي عم يقوموا فيه الجهات المسؤولة بالدولة هلق أنا بشكل عام بحس أنه كل هالمصاري اللي عم يلموها ماعم يصل شي منها للجهة المتضررة يعني أكيد بدها تروح هي المصاري على جهة معينة بفلسطين مايوصلوها للجهات المطلوبة..
وبالنسبة لهاد الشي نحنا بنتبرع بسبيل الله وهنين يستطفلوا منون لربون..
أكيد محدا مجبر أنه يدفع بس هذا الشي واجب ويمكن مايكون التبرع بس بالمادة بإمكان أي شخص يتوجه بالدعاء لأهل غزة أضعف الايمان ..
بعدين حتى اللي عم يتبرع لازم مايقول على الرقم اللي عم يتبرع فيه وحتى كمان لازم يكون في صناديق للتبرع بأماكن معينة يعني هي الطريقة خطأ وأيام بينحرج المتبرع اذا اجا حامل الصندوق لعندوا ....

التبرع هوي اهم شي ممكن يقوم فيه الانسان
وطبعا" التبرع مو بمقدار الكمية أكتر انو بمقدار النسبة
يعني مثلا" انا برأيي انو انت كطالبة لو تبرعتي بعشر ليرات من 500 معك
أحسن بكتيير من ألي تبرع 100000 ومعو مية مليون
التبرع شغلة رمزية ورؤس الأموال خليها تتبرع بكمية المال ألي بتجود فيها أنفسها
انا بأكد انو التطوع شي كتيير نسبي شي كتيير طوعي
وما في شي بالإجبار يمكن الحماس هيك هب بالرفاق مو أكتر
نحنا التبرع بالدعاء وبوقتنا الفاضي هاد خير تبرع
موضوع مهم شكرا" سحر

هلأ نحنا بنعمل يلي علينا و بنتبرع باللي نقدر عليه ( لا يكلف الله نفسا الا وسعها )
بس المزعج بالموضوع انو احيانا ببعض الدوائر الرسمية عم يصير التبرع اجباري و بتجي كل جهة تطالب بتبرعات لغزة يعني انا شخصيا انعرض علي التبرع من تلت جهات رسمية و بيضل السؤال نفسو :
بس برد بقول نحنا بنعمل يلي علينا نحنا لما نتبرع اكيد رغبة منا انو نساعد اخوانا بغزة و لو بجزء يسير لكن اذا ما وصلت تبرعاتنا بظن بهالحالة الاثم واقع على من تولى هذه المهمة

سحر شكرا لطرحك هيك موضوع مهم

سحر,
والله هالشغلة صايرة بتضحك
يعني الواحد والله ما بيشعر بمتعة الي عم يعملو بهالطريقة
أنا لما بدي اتبرع بدفع عن طيب خاطر بس والله لما بصير هيك يعني عنجد بتروح بهجة هالعمل
بس بنضل نقول الله ينصر إخواننا وانشالله هالمساعدات توصلن....آمين

بشكر الجميع على مروره وتعليقه وأفكاره

وبتمنى انه ما حدا يفكر اني ضد التبرع على العكس تماما
وانا تبرعت بما قدرني ربي عليه

لكن انا ضد الاسلوب الي استخدموه وردة فعلهم على الطلاب وعدم تفهمهم وضعهم كطلاب هاد المقصود من موضوعي

بالعكس سحر شكرا الك لأنك جبتي هي السيرة لأنه كلنا عم نمر فيها ومحدا عم يحكي ...
الله يجزيكي الخير..

أنا مو ضد التبرع بس هيي اسمها تبرع يعني الشغلة طواعية مو إجباري وفي ناس وإلها ظروفها الخاصة يمكن هيي بحاجة للتبرع
نحنا كسوريين من أكتر الناس يللي منقدم مساعدة للآخرين بقا كيف إذا كانت غزة الحبيبة
مشكورة سحورة موضوعك مميز متلك