الـــيـــوم بـــانـــة على كــرســي الاعــتــراف

ثـــائـــر · **مرسل:** السبت نوفمبر 08, 2008 3:37 am

السلام عليكم و رحمة الله و بركاته ...

اليوم ..على كرسي الاعتراف ... ابنة المدينة الفاضلة .... بــــانــــة .....

يلا لنشوف ...سنة رابعة ارشاد نفسي ... اضرب واطرح .

لنشوف شو بدو يطلع معك ..

و هاي أحلى كرسي ..هو هاد كان لازم يكون لكندا ... بس يلا طلعت براسك انت ..

1- شو اسمك الحقيقي ؟
2- مين هاي بانة ... المرشدة النفسية ؟؟؟
3- مين هاي بانة ...الانسانة ؟؟؟
4- سميلي كل واحد من هدول .... العضو المحبوب ...العضو الرائع ... العضو المبدع ..العضو الذي يملك أعلى شعبية با المنتدى .... العضو المكروه ؟؟

5- انسان أثر بحياتك ؟؟؟
6- حدث غير مجرى حياتك ؟؟
7- اكتر شي بتندمي عليه لهلأ ؟

حاجتك كوجبة مبدأية .... بس الاسبوع لسا باوله ... و الله يعينك ..و حسب أجوبتك رح تكون أسئلتي ...

عامر الرشواني · **مرسل:** السبت نوفمبر 08, 2008 3:54 am

بــــــــــانــــــــــة

أول شي مبروك للكرسي ...

أسئلتي شوي كتار

1 - شو هي الجملة اللي خطرت ببالك مباشرة وقت شفتي اسمي بها الموضوع و شفتي أسئلتي ؟؟

2 - رح أعطيكي كم اسم لغنية و بدي على كل اسم تعليق من 3 كلمات ..

مذهلة ( محمد عبده )
الأماكن ( محمد عبده )
بنت النور ( محمد عبده )
نامت عيونك " الفجر البعيد " ( محمد عبده )
شبيه الريح ( محمد عبده )
كيفك إنت ( فيروز )
وحدن ( فيروز )
نطرونا ( فيروز )
داق خلقي ( فيروز )
لا تنتقد ( نجاة )
أيظن ( نجاة )
يا مالكاً قلبي ( حليم )
تخونوه ( حليم )
خلي القلب ( حليم )
كيفك إنت ( آدم )
مخادع ( أصالة )
و الله أحتاجك أنا ( أحلام )
كيف أسيبك ( عبد المجيد عبدالله )

3 - شو أكتر موقف صار معك و زعجك بالمنتدى ...؟

4 - شو أكتر موقف صار معك و حبيتيه بالمنتدى ...؟

5 - بنسبة من 10 شو بتعطي لحالك من حيث ... ( الوعي - المسؤولية - الكمال - الثقافة - الصبر - التأقلم )

يمكن صارو كتار بس بوعدك إنو لي عودة

بانة · **مرسل:** السبت نوفمبر 08, 2008 11:34 am

إي شو هالكرسي يا ثائر

قللي حدا موصيك فيني يعني

وللا مافي داعي إنت متوصي لحالك

.... على كل ما بدي أقعد ,, خليني واقفة أحسنلي

[quote]
- شو اسمك الحقيقي ؟
[/quote]
إسمي الحقيقي هو بانة متل ما موجود بالمنتدى ..

[quote]
- مين هاي بانة ... المرشدة النفسية ؟؟؟
[/quote]
هي طالبة في كلية التربية

جامعة البعث

وبانة المرشدة النفسية لم تكتمل بعد

مو بس لأنها ما تخرجت ...لأنه بينقصها الخبرة والإندماج بالحياة العملية , فالمقررات النظرية منها والعملية اللي عم تؤخذ بالجامعة غيييييييييير كافية تماماً حتى الواحد فينا يصبح مرشد نفسي على سن ورمح

..

[quote]
3- مين هاي بانة ...الانسانة ؟؟؟
[/quote]
بنت بتنتمي لعائلة صغيرة مؤلفة من أم وأب وأخت .. عمرها 21 سنة و 8 شهور

...

[quote]
سميلي كل واحد من هدول .... العضو المحبوب
[/quote]
هي مشرفة ساحة حوار بيبا

[quote]
العضو المبدع
[/quote]
أكروبات

[quote]
العضو الرائع
[/quote]

ما زلت أفكر ..
[quote]
..العضو الذي يملك أعلى شعبية با المنتدى
[/quote]
عامر الرشواني

[quote]
- انسان أثر بحياتك ؟؟؟
[/quote]
مافي

...

[quote]
- حدث غير مجرى حياتك ؟؟
[/quote]
انتقالي للدراسة بالسعودية وقت كنت بصف التامن .. وعودتي لسورية بعد ما أخدت شهادة الباكلوريا

[quote]
7- اكتر شي بتندمي عليه لهلأ ؟
[/quote]
ندمانة إني ما انتبهت على قصة المعدل بالجامعة من السنة الأولى ...مخربطتلي الدنيا

ثائر

[/color][/font]

رندة العلي · **مرسل:** السبت نوفمبر 08, 2008 1:01 pm

مبروك الكرسي بالأول
ما رح كتر أسئلة
شو هوي الشي اللي كنتي بتتمني أنو تحصلي عليه وما حصلتي عليه؟
هل بانة تعيش حالة حب؟
ما هي مواصفات فتى أحلامك؟
إلى أي حد بانة إنسانة عاطفية؟
هل تؤمنين بالحب في هذه الأيام ؟

بتمنى ما كون تقلت عليكي بالأسئلة

موفقة

بانة · **مرسل:** السبت نوفمبر 08, 2008 6:04 pm

عامر الرشواني,
[quote]
أول شي مبروك للكرسي ...
[/quote]
الله يبارك فيك

[quote]
- شو هي الجملة اللي خطرت ببالك مباشرة وقت شفتي اسمي بها الموضوع و شفتي أسئلتي ؟؟
[/quote]
قلت الله يستر......... وبعدين صرت هيك

[quote]
- رح أعطيكي كم اسم لغنية و بدي على كل اسم تعليق من 3 كلمات ..
[/quote]
ما بكفوني 3 كلمات

لذلك رح إتجاوزهم

... بس حاسة حالي واقعة بسيدي أغاني منوعات

مذهلة ( محمد عبده ): بيعجبني كتير الوصف اللي موصوفته هالمذهلة بالقصيدة .. والأغنية كل شي فيها طبيعي ومو طبيعي ..
الأماكن ( محمد عبده ): بتذكرني ببعض الأشخاص اللي ماتوا

بنت النور ( محمد عبده ):إلي فترة معلقة عليها

نامت عيونك " الفجر البعيد " ( محمد عبده ): ماني نعسانة هلق لذلك عيوني ما نامت لسة

شبيه الريح ( محمد عبده ): ما بفهمها ..لا إن سمعتها عم بفهمها ولا حتى إذا قريتها عم بفهمها ......

كيفك إنت ( فيروز ): قصة من موسوعة قصص ..

وحدن ( فيروز ): بيبقوا ورح يبقوا ورح يضللوا باقين

نطرونا ( فيروز ): ما بحب الإنتظار

داق خلقي ( فيروز ): بالفعل مرقت فترة داق خلقي كتير وتعبت ..
لا تنتقد ( نجاة )
أيظن ( نجاة ): كأغاني لنجاة فأنا ما بحبهم لأنه بالأساس صوتها بيزعجني .. بس كقصائد لنزار قباني وبالأخص أيظن فهي قصيدة رائعة برددها بس كقصيدة

يا مالكاً قلبي ( حليم ): بعرفها أغنية لعبد الحليم بس ما بعرفها غير من بإسمها ..
تخونوه ( حليم ) : وعمره ما خانكم ..
خلي القلب ( حليم ): ؟؟؟؟؟؟؟؟؟؟؟؟؟؟؟؟
كيفك إنت ( آدم ):وأظنك مثل ما أذكر

مخادع ( أصالة ): مخادع .. والطبع غلب التطبع

و الله أحتاجك أنا ( أحلام ): من روائع احلام مع اغنية تدري ليش أزعل عليك

كيف أسيبك ( عبد المجيد عبدالله ): بالعود والدندنة .. وكيف أسيبك وإنت نظر عيني وانا حبيبك ..

هيك منكون خلصنا الأغاني

[quote]
- شو أكتر موقف صار معك و زعجك بالمنتدى ...؟
[/quote]
ما صار معي موقف محدد وزعجني .. بس أذكر إنه زعجني رد إحدى الأعضاء هون بالمنتدى تعقيبا على رد لإلي ... وكان بالفعل رد بيجلط وما توقعته من بنت

[quote]
4 - شو أكتر موقف صار معك و حبيتيه بالمنتدى ...؟
[/quote]
التصويت الأخير اللي صار بكرسي الاعتراف حبيته ..
يعني بصراحة آخر مرة فتحت آرتين كان تصويتي 18 .. كان عاجبني ومقتنعة فيه بغض النظر إذا كنت رح إنصمد على كرسي الإعتراف أو لاء

...
[quote]
بنسبة من 10 شو بتعطي لحالك من حيث ... ( الوعي - المسؤولية - الكمال - الثقافة - الصبر - التأقلم )
[/quote]
الوعي :8 من 10
المسؤولية :9 من 10
الثقافة : واحد أو تنين من عشرة ما أكتر

الصبر : هون بقى حسب الموقف .. فيمكن كون صبورة كتيييير وأخد 10 على 10 وممكن كون لجوجة بمواقف تانية وأخد صفر من 10 ..
التأقلم : 10 من 10 ويمكن كمان 12 من عشرة

وهلق الكمال : فانا كونه ناقصني درجات بالوعي وبالمسؤولية وبالثقافة ,, فأكيد مافي كمال ... وممكن حط لحالي 5 من 10 بس
[quote]
يمكن صارو كتار بس بوعدك إنو لي عودة
[/quote]
أهلا وسهلا .. بس العودة والدخول لم يعد مجاني

[/font]

بانة · **مرسل:** السبت نوفمبر 08, 2008 6:18 pm

رندة العلي,
[quote]
مبروك الكرسي بالأول
[/quote]
الله يبارك فيكي .. وعقولة عسولة صار بدنا نقوط

[quote]
شو هوي الشي اللي كنتي بتتمني أنو تحصلي عليه وما حصلتي عليه؟
[/quote]
بصراحة كنت حابة إني أدخل هندسة عمارة .. وبداية هالتمني شبه تحققت بعدما حقللي إني قدم على المفاضلة الأولى .. وقدم على إمتحان الرسم ..
بعدين ما نجحت بالإمتحان وما كان بيطلعلي أساسا بالمفاضلة التانية ..

وبعدها اخرت الإرشاد النفسي عن رغبة

[quote]
هل بانة تعيش حالة حب؟
[/quote]
لاء

..

[quote]
ما هي مواصفات فتى أحلامك؟
[/quote]

عدي معي :
بحبه يكون إجتماعي ومحبوب إجتماعيا... علاقته بأهله كتير حلوة وجيدة جدا .. وبحبه يكون كريم .. وطموح وناجح .. وأخلاقه حلوة

[quote]
إلى أي حد بانة إنسانة عاطفية؟
[/quote]
ما بعرف حددلك هالحد يا رندة ...بشكل عام وباختصار فيني قللك إني انا بقدر سيطر أحيانا على هالعاطفة لأني بعتبر إنه ما بكون وقتها وبنجح

[quote]
هل تؤمنين بالحب في هذه الأيام ؟
[/quote]
إي ليش لاء .. إن خليت خربت

[quote]
بتمنى ما كون تقلت عليكي بالأسئلة
[/quote]
لا والله بنوب ...

[/font]

بانة · **مرسل:** الأحد نوفمبر 09, 2008 1:45 am

من بعد إذنك يا ثائر ,, جبت كرسي جديد لحالي

اتباعا لقاعدة : دلل نفسك مع لورباك

Opeth · **مرسل:** الأحد نوفمبر 09, 2008 1:55 am

ماشي اجا دور الغليظ ...............
بانة شو هدفك بالحياة لاي مرحلي حابي توصلي و برايك اذا تزوجتي و انشالله هالحديث بصير طبعا هادا الشي اذا انتي حابي ممكن تتوقف احلامك ...؟؟؟؟؟
سؤال تاني الارشاد النفسي انتي برايك هوي فرع اخد حقو بجامعاتنا و ليش..........و الوظيفي اللي يعطيكي ياها تخصصك بترضي طموحك.؟؟؟؟

Asyl · **مرسل:** الأحد نوفمبر 09, 2008 2:44 am

بالأول بحب قلك الله يعينك...وتاني شي أهلا وسهلا فيكي.....بتمنى تجاوبي بالتفصيل الممل وخصوصي ما في شي وراي والأسئلة قليلة :

*شورأيك بصهر البيت؟؟؟وليش..؟

*شورأيك بالمرأة التاجرة؟؟كمان...ليش؟

*شو رأيك بالإرشاد النفسي وخصوصا إنت سنة رابعة..عقبال التخرج بأعلى الدرجات... ؟ عطيني ميزة جيدة؟ ميزة سيئة؟

*بغض النظر عن الدراسة..بأي حال ممكن تغاري من فتاة أخرى....أحلى....أغنى...أطول.....؟؟؟؟؟

ماتقوليلي أكيد ما كتار
تقلبي مروري ..وتحياتي....

ثـــائـــر · **مرسل:** الأحد نوفمبر 09, 2008 3:03 am

عفكرة بهنيكي ..اجوبتك رائعة و كتير عجبتيني ..
لذلك ما رح تقلك عليكي كتير با الاسئلة ...يعني رح خليهم سهلين ...

1- انت قلت انك بتآمني با الحب ..طيب بانة شو هو الحب بنظرها ؟؟

2- انت بتحبي شخص و هو بحبك ... بيوم من الأيام بقلك انو انا بدي سافر يا بانة لأنو مستقبلي برات البلد مو هون ... و يمكن طول كتير و انت اذا بدك تنتظريني انتظريني و اذا ما بدك انت حرة ..شوفي حياتك ... شو بكون جوابك ؟؟

3- بدي منك تحكيلي عن موقف تمنيتي من قلبك انو يكون عندك أخ ؟؟ ..

4- اختك اديه عمرها ؟؟ و شو بتعمل بالحياة ؟؟

5- بدي اياكي تعطيني نهاية لكل من الحالات التالية ..طبعا بدي بانة المرشدة ..

-- شب بحب بنت اكبر منو ...
-- انسان أغضب امو و اتزوج بنت غربية ...
-- شب حب بنت اغنى منو ...بس بحبو بعض ..
-- بنت حبت رجل متزوج و عندو اطفال ...

6- اعطيني تفسير لكل مما يلي ...

--- اتنين كانو قاعدين مع بعض و مافيهم شي و عم يضحكو و مبسوطين ..و فجاة بتلاقي العالم حواليهم عم يحاولو يفكوهم لانهم عم يتخانقو و يتضاربو ..

--- واحد كان قاعد مع حبيبتو و عم يغازلها و عم يطلع بعيونها ..و فجاة بتضربو كف و بتقوم بتركض و هي عم تبكي ..

--- شب وحيد على اهلو .سافر لبلاد برا و ما رجع مع انو اهلو رح يموتو علاي و هو بيعرف ها الشي ..بس مع ها الشي ما عم يرجع ..

-- واحد ماشي با الشارع و عم يحكي مع حالو .. مع انو مانو مجنون ..

7- ( بتمنى الله يسهلي مشواري بكرة )
وين كنت رايحة ؟؟؟

8- ( اليوم عملت إنجاز هو صحيح بسيط بس مهم )
شو هو هادا الانجاز ؟؟؟

يلا حاجتك اليوم .. نلتقي غدا ... بس انا حباب و اسئلتي ليكيهم شو سهليين ..

LATEST_POSTS

الـــيـــوم بـــانـــة على كــرســي الاعــتــراف

الموجودون الآن