السلام عليكم ورحمة الله وبركاته ،،،

بداية أتوجه بالتهنئة لكل زملائنا الأعزاء أعضاء المنتدى الذين تخرجوا في هذا العام ،، وقد كانت الدورة التكميلية هي الفرصة الأخيرة للطلاب لتحقيق حلم التخرج الذي حالما يتحقق ستكون لحظاته من أسعد لحظات العمر لأن الطالب يشعر بعدها بأنه أحرز انتصارا على وحش الكابوس الذي لا يهزم بسهولة .........
ولمن لم يحالفهم الحظ : عليكم ألا تيأسوا ،،، لأنه مادامت الهمة موجودة فإنكم ستتخرجون إن شاء الله .... وأدعو الله بأن يعينكم على دراستكم ويوفقكم للتخرج عما قريب ....


والآن يا أصدقائي الأعزاء ،، وبعد أن تخرجتم ،، ما هي خطتكم في هذه الأيام ؟؟ وماذا ستفعلون في العام الجديد ؟؟؟

ستتنوع الإجابات والردود ،، وسيكون منها :
- سأتابع دراستي
- ذاهب للعسكرية
- سأتزوج
- سأسافر من أجل العمل
- سأبحث عن عمل
- يوجد لدي عمل
- سألتحق بدورات لزيادة المؤهلات والكفاءة
- سأبقى في البيت لمساعدة الوالدين
- سأتسلى بإعادة قراءة كتب المواد التي أحببتها
- لا يوجد لدي خطة حاليا
- غير ذلك ... ( يرجى ذكره )

طبعا سأبدأ بنفسي : سألتحق بدورات لزيادة المؤهلات والكفاءة

عـلاء,
وعليكم السلام ورحمة الله وبركاته
ألف مبارك تخرجك يا رب و عقبال كل طالب

مممم بس أكيد فينا نجمع أكتر من خيار مو وعهالحالة ما رح أقدر صوّت فوق رح أكتب هون
أول شي : سألتحق بدورات لزيادة المؤهلات والكفاءة ... وأهم شي التوفل
و رح حاول سأبحث عن عمل يلائمني ولكن غير التدريس في المدارس
وان شاء الله السنة الجاي رح كفي دراستي

أنا بما اني تخرجت عالتكميلية هلأ
فراح الماجستير للسنة الجاي

بقا حطيت لنفسي مشروع صارم جداً وبدو شغل كتير بيتضمن اني قوي نفسي بدورا تأهيلية
بس ما بالانجليزي طبعاً

طموحي أوصل لشهادة هندسة المايكروسوفت

ورح ابدا هلأ بدورات جافا وفوتوشوف وICDL مبدئياً
وبعدا mhtl php A plus
وبس خلصن ببدأ بالمايكروسوفت بشهاداتو السبعة كامليييييييييييين

ووقتا احتمال بسيط يضل عندي اهتمام بالانجليزي ويمكن ارتاح منو عطول

عـلاء,
وعليكم السلام اخي علاء

انا ناوي كمل دراسات عليا و اشتغل بان معا ان شاء الله

الملاك, والله نيالك على هالخطه وشهيتيني أتخرج

أما بالنسبه الي فأنا بدي أقعد بالبيت وأستنى نصيبي وأتستت

عـلاء,
صح ماني متخرج بس حابب شارك بالراي
يعني ليش انا مزروع براسي انوا بس خلصت دراسة رح تخلص الدنيا
يعني طول عمري عايش مشان ادرس بجد عفكرة هي فترة مو سهلة بنوب لانها نقلة نوعية بحياة الأنسان كبيرة و ان شاء الله الكل بيتاقلم معها

اما بالنسبة الي فحابب كمل دراستي دبلوم لانوا قصير سنة و التفت لهمومي kma,
ابو الخل صح متفقين انا و انت هيك بس ما بعرف و بركي ما اجانا نصيب ؟؟ يعني بركي عنسنا
ههههههههههههههههههه

بالنهاية الله يوفق كل متخرج يارب و يسرلو دربوا و اكيد ربنا بيختار الخير لكل انسان
و الله يوفقك علاء

kma,

اي تخرج ...شو ناطر
ومن بعدا تستت

Obada Arwany,
نفس نية كما لكن

وشكراً لدعئك إلنا ...والله ييسرلك الخير ويخرلك اياه

احم احم ...

مرحبا بالجميع ،،،،،

الصراحة أنا كنت حابب رد على مشاركاتكم من وقتها ،، بس اللي عم بصير معي أنو الإنترنت بينقطع بعد الساعة 12 بالليل ،، يعني بعد 12 بالليل ما في نت ،، ولو كنت فاتح النت من قبل بس تصير الساعة 12 بينقطع فورا ... عن جد حالة غريبة .. ما بعرف إذا كان السبب هو الضغط على الشبكة .... وطبعا أنا من النوع اللي بحب أفتح النت ليلا .....

على كل حال ،،،،، أشكر كل من صوّت وشارك بالرد وكل من شرفنا بمروره ......


راح بلّش بالدور :


رغد

ومبارك تخرجك أنت أيضا ،، وإن شاء الله تتحقق كل أمنياتك وطموحاتك ..... وعقبال حصولك على أعلى الشهادات ...
وبالنسبة للتدريس أنا بئلك أنو كويس أول شي بيعطيكي الخبرة وتاني شغلة أنو صارت الساعة للمتخرجين بـ 120 ل.س
وإذا عندك معلومات عن شهادة التوفل يا ريت تعطينا فكرة عنها لأني ممكن أعمل هي الدورة .... ومشكورة سلفا ...


الملاك

أول شي أبارك لك بالتخرج ... وإن شاء الله بتحققي طموحك وبتدخلي ماجستير وبعدها بتصيري أحلا دكتورة إن شاء الله ..
أنا بشجعك على خطتك وطموحك أن تحصلي على شهادة المايكروسوفت ،، أظن أنك تقصدين MCSE
طبعا تعد هذه الشهادة من أقوى وأعلى شهادات مايكروسوفت ،، ومطلوبة جدا في قطاع التكنولوجيا .......
أنا كمان حاطط ببالي دورات الشهادات التقنية العالمية لأن فرص عملها أكثر من شهادة الإنكليزي لوحدها ،،، طبعا شهادتنا بدها شي جنبها يدعمها .... والعمل في قطاع المعلوماتية ممتع وأسهل بكتير من التدريس ...
حاليا أقوم بتقديم امتحانات ICDL ،،، وقد اخترت لغة الامتحان الإنكليزية ... لأنها منطقية أكثر من لغة الامتحان بالعربي .. وطبعا نحن دارسين إنكليزي : يعني ما في شي صعب
وإذا عندك أي استفسار مبدئيا بشهدة ICDL ،، وممكن حتى ساعدك ببعض المعلومات عن A+ & MCSE
وبالتوفيق


z-r-11

مرحبا بك أخي الكريم ........
بدعي الله يوفقك بدراستك وعملك .... أنت واحد مجتهد وشاطر ما دام عندك هيك نية ... بس طبعا لا تخلي الشغل يكون أولى من الدراسة ... إن شاء بتلاقي عمل يتناسب مع ظروف دراستك ..
تحياتي لك


kma

طول بالك يازلمة ،، راح تتخرج بإذن الله ،، بس بدها صبر ...... وحتى ولو قعدت بالبيت راح يجي نصيبك وتتجدد


مون لايت

جميل جدا ما تنوي إليه ........ وإن شاء الله بصير كل اللي ببالك ...
بس إذا بدك مساعدة مشان أهلك أنا بقنعهم


عبادة
كونك مشرف عن جد بتشرفنا بمرورك ،،، ولو مانك متخرج بئلك أهلا وسهلا فيك و 100 السلامة يا عبادة
إذا بتكمل دراسك هادا أحسن شي برأيي .... شد حيلك وتخرج ،،، ودير بالك على المعدل ...
موفقك يا عبادة


وبالأخير : بشكر كل اللي شرفنا بموضوعنا وشارك معنا ..... وبدعي الله يوفقنا جميعا إلى كل ما يحبه ويرضاه ..
تقبلوا تحياتي ...
وهي أحلى وردة لكل اللي تخرجوا

موضوعك حلو وكنت عم فكر اسال نفس السؤال
انا والحمدلله تخرجت
حاليا عم درس اخدت ساعات هاد الفصل
وسجلت عالدبلوم بالجامعة الافتراضية مشان ما انطر سنه وشوف يا ح يصيرلي يا لأ طبعا بالموازي لهيك قلت بكسب الوقت
اما بالنسبة لطموحي فبأذن الله لو جاء الرياح متل ما بشتهي ناويه اكمل دورات متل التوفل و اي سي دي لا بعدها دور على شغل
محترم بعيد عن التدريس بس اذا ما صارلي مالي غير انطر شي مسابقة تصدرها التربية
الله يوفق الكل وينول كل دفعتنا مرادها بجد كانت دفعة حلوة