اقتباس:
بانة ... آخر زيارة الي لعندك
اقتباس:
رح اسئلك كام سؤال مع انك لسا ما جاوبتي على سؤال شكسبيريان ..لذلك نحنا با الانتظار ...
أكيد ماني نسيانة سؤال شكسبيريان , بالبال  بس هو عاطيني فترة فكر وانا لسة ما خلصت تفكير  
اقتباس:
1- لا اسمع لا ارى لا اتكلم ,, ايمتا بانة بتطبق ها لمقولة بحياتها ؟؟
 ... المشكلة إنه بانة ما بتعرف تطبق هالمقولة  وياريت تعرف كيف فيها تطبقها  .. بس في حالة الأسرار التي أؤمن عليها منقول : هون حفرنا وهون طمرنا بتشبهها أحياناً لــ :لا أرى لا أسمع لا أتكلم ..
اقتباس:
2- عطيني عنوان لكتاب حياتك ...
هذا السؤال جاوبت عليه بموضوع كان بساحة حوار للعضو عمار وجاوبت تماما كالتالي :
والله بصراحة فكرت كتير للاقي عنوان لقصة حياتي
وقلت إنه لسة يمكن بكير
بس حاليا الى الآن بقول : كل شيء تغير وسيتغير ..
هيك بقدر أشمل الماضي والحاضر ..
اقتباس:
3- عطيني تعريفك لكل مما يلي ...
المجنون .. أنا بعرّفه على إنه مرتاح 
العاقل ... عايش بصعوبة لأنه الطريق غير سالك 
المتكبر .. إنسان مريض
المتواضع ... ولا في أحلى منه
اقتباس:
- هل بانة راضية عن نفسها ...؟؟
خلينا هون نحكي بالنسبة المئوية :
رضيانة عن نفسي بنسبة 75 % ....... ومو رضيانة عن نفسي بـ 25%
اقتباس:
5- ايمتى بانة بتشعر بنشوة السعادة ؟؟؟
وقت بتكون سعيدة والحواليها سعيدين ووقت بتكون عاملتها شي شغلة ونالت إستحسان
اقتباس:
- شو هو شعورك اذا كنت عم تناقشي شخص مانو متفهمك.. و كيف بتتعاملي معو
يا إلهي   ,,, بعيد النقاش أكتر من مرة , وبشرح وبشرح بعدين آخر شي بقلله : طيب متل ما بدك
اقتباس:
- شو رايك با المقولات التالية عن المرأة ؟؟؟ ...
-الشيطان يكفيه عشر ساعات ليخدع رجلاً والمرأة تكفيها ساعة واحدة لتخدع عشرة شياطين ..
رح صلحها : والمرأة تكفيها ساعة واحدة لتخدع عشرة شياطين من الرجال
اقتباس:
-الشيطان أستاذالرجل وتلميذ المرأة
هون لازم نطالب بمعرفة المقررات الدراسية اللي بيدرسها الرجل وبتدرسها المرأة
اقتباس:
- شو هو الذنب يلي بانة ما بتقدر تغفروا ؟؟
بشكل عام انا ما بحب الكذب , بس ممكن إني أغفره لمرات عديدة إذا عرفت السبب وأقنعني , أما غير هيك فلاء ...
اقتباس:
- مين كاتم أسرارك ؟
أكيد أختي  
اقتباس:
10 - مين هو العضو يلي بتحسيه قريب كتير من أفكارك ؟؟
بصراحة كل الأعضاء اللي بعبروا عن آرائهم بشكل واوقعي , هم رح يكونوا قريبين من افكاري , غير بعض آراء الأعضاء اللي بحسسوني إنهم عايشين بمدينة أفلاطون المثاااالية ..
اقتباس:
- تخيلي انو معك محاية ..شو هو الشي يلي بتمحيه من الماضي ؟؟
بمحي من الماضي القريب شغلة عملتها فيها خبث شوي وملعنة ..
هلق هي ما فيها شي بس كان بدي منها هو فرضا هيك<=== وانفهمت هيك ===>
وحسيتها أزعجت بعض عالم , وأوحتلهم بفكرة أنا ما كنت قاصدتها أبدا .. حتى إني بالنهاية اضطريت إعتذر مجبرة على شغلة ما كانت ببالي ولا كنت متوقعتها
(((  بالله ثائر فهمت شي )))
اقتباس:
- تخيلي حالك بعد 10 سنين ... شو هو الشي يلي رح يكون تغير فيكي ؟؟
و شو هي الانجازات يلي بتتمني انك تكوني حققتيها ؟
رح كون كبرت10 سنين وصار عمري 31 سنة , وفيني قللك إنه الشغلة اللي رح تكون تغيرت فيني إنشالله إني كون تحجّبت ..
بتمنى على الأقل كون درست ماجستير
اقتباس:
3 - شو هو أكتر سؤال حيرك من الأسئلة يلي انسألتيها ... سواء من اسئلتي او من غيرها ؟
سؤال شيكسبيريان حيرني ومحيرني , حلو كتييييييير بس صعب كمان 
اقتباس:
- شو هو السؤال يلي كنت متمنية انو يكون حدا سألك اياه ..
ماشاء الله كل الأسئلة انسألت .... بكل جوانب حياتي أو أغلبها ..
اقتباس:
16 - قليلنا سر ما قلتيه قبل ها المرة ؟
 صعب
اقتباس:
- كلمة أخيرة بتوجهيها لثائر ... ( عميد كلية الحب )
عنجد الله يعطيك العافية
يعني والله شغلة حط الأسئلة مو سهلة وكمان بتاخد من وقتك كتير ..
بس بتعجبني واقعية أسئلتك . يعني كلها من واقع حياتنا المعاش 
اقتباس:
الحمد لله عا السلامة ...
الله يسلمك يارب
 هي الزلاغيط إلي انا
|