ههههههههههه انشالله يارب بتفش وانا بطلع

مرحبا يا أعضاوات ارتين ..
والله هالفترة كانت أيامي متل زفتات سوريا الي منلاقيهن بالشارع كل ما حبوا يقبضو اصحابنا بفرد شكل خخخخخخ كل يوم نفس الروتين ونفس الشغل ...بس اليوم كان سبيسيال بشكل أو باخر
يعني اليوم لو بتعرفو شوصار مابعرف شعوركن كيف حيكون بس أكيد مومتلي أنا هلأ حاسة حالي قد ما معصبة قد ما طقو خواصري ضحك بس أكبر عقوبة وقت بيكون مافيك
تضحك بملا تمك وبعلو صوتك مشان ماتحرج الاخرين ..هالمقدمة طويلة للموضوع اللي بدي قلكن ياه بس أول ماحإبدا بالموضوع حإبدى بسرد شو صار من اول اليوم ..
معليش تحملو تاجو شوي ..؟؟؟؟!!!!

هاد يا سادة فقنا اليوم عغير عادة عال5ونص أصلا انا بالليل مانمت متل الخلق مابينامو مكوبسة وعم شوف منامات مش ظابطة بس وقت اللي فقت كنت مصحصحة ومروقة وخاصة اني اليوم رايحة عالشغل بلوك جديد وماحدا قدي ..فتت شوي عالمنتدى ولا بلاقي كوكي تقبر قلبي اون لاين منحكي معها شوي وبعديت بستأذن مشان جهز حالي وحال البابا لنروح عالشغل خخخخخخ المهم ماكذبت خبر ورحت عالشغل ولا مديري الي صاير حباب فجأة بيطلبني عالمكتب قال شغلي سريع ومتقن يابعدي ومبسوط مني ..قمت قلتلو بقلبي الله يبسطك دنيا اخرة ياحق طبعا أكيد موهيك قلت مية شغلة لانو هالزلمي بيعامل العالم عند مصلحتو يابالمنيح بالقبيح .
حاصلو طلعت وبوجهي عالجهاز وعالتلفونات الي ماكانت تخلص ..
وهون النهفة الي مهدتلها باول حكيي ....الي متابع اليوميات الي كنت كاتبتها بيتذكر اني حكيت عن واحد كل ماشافني بيحكيلي قصة حياتو البائسة ودائما بيخليني اشفق عليه ..بيني وبينكن كنت حس انو عم يلمح عشي بس اليوم تاكدلي ...المهم اجا لعندي وحط هالكرسي جمبي قمت أنا لمست عراسي وعرفت انو هلأ راحت معي قلتلو لحظة خيو خليني أعمل ركوة قهوة لصحصح (انا بصراحة كنت مصحصحة بس قلت بركي بيفهم انو اختصر مورايقتلك اليوم )بس عبس . بيجي بيحكي نفس الحكي الي داااائما بيحكيه على امي وابي اتطلقو وتركوني واجيت عامريكا ولقيت شغل ومديري مارقاني عأساس انا ماعندي مشاكل طامرتني طمر وبالاخير بقلي واخيرا ولقيتك ! ولا الاخ بلش ياخد راحتو قال بدو ارتبط فيه! ياجماعة هوي قلي هيك وانا من كتر ماعصبت كسرت ايد الفنجان انو قلت بعقلي يعني اذا من زمان متحملتك وعم اسمع حكيك معناها بتفكر هالتفكير الموطبيعي علما انو الاخ بيعرف وضعي وبيعرفني اني مرتبطة ..بس جد قد ماكنت معصبة صابتني نوبة ضحك رهيبة بس صرت اتحجج بشغلات تافهة لاضحك لاني رح موت وكنت ضابطة حالي لانو عيب اضحك وهو عم يطلب شي متل هيك ..
عاد هو أحلا شي فيه انو حموي والحموية عندي شي عظيم ومقامهن عالي ..حاصله قلتلو انا ماخرج تفكر فيي نحنا زملاء ومن واجبي اسمعلك وهالقصص ..وياقلبي راح وهو زعلان وأخد اذن وهلأ انا كتير دايقة خلاقي خايفة لاقوم جرحتلو مشاعرو بس مابعرف ليش جاييتني الضحكة كتيرر كإنو حكالي نكتة خخخخخخخخخخخخ (بس بدي قول لكندا للأسف ماتحققت أمنيتي تبعت بكير)خخخخخخخ
وهلأ سلام الي موعد اخر

أحلى يوم لأني شفت رفيقي اللي كان معي من الابتدائي وقعدنا وحكينا كيف كننا ولحد اليوم ..

بما انو هلأ لسا الساعة 9 الصبح رح احكي عن مبارح ..
فقت من النوم باااكراً وعلى تلفزيون ونت وأكل ... من أول ما فقت للساعة 1 الضهر أكلت تلات وجبات مدري شو صرلي انفجعت فرد فجعة
بعدين اتصل خالو عم يعزم خالتي على مشوار وأنا قاعدة جنبا ..وما عزمني
قالتلو مافيني اترك أوركيدا الحلوي لحالا ... قمت انشكيت معن بالسيارة
رحنا مانا عرفانين وين بدها تاخدنا رجلينا .... قصد دواليبنا ..
فقررنا ننور طرطوس .. وصلنا كانت الدنيا عتم ..بس انبسطنا ..
في محل هونيك عالشط فيه درج .. آآآآآآآآآآآآآخر درجة عبيانة صراطعين
وهون شمرتلكن عن سواعدي وبلشت صيد صراطعين
بس والله بيعزبو كتير وعم يهربو ... كانت خالتي مشتهية أكلة ثمار البحر رحنا لعند البياع بس ما لقينا ...... قلتلا لك لعيووووووووونك ماني مرجعتك عالبيت إلا بشوربة صراطعين بس خفت يقرصوني
صدت 8 ...... وبالبيت عملتن شوربة ... والله طيبين
وبعدين نمت لهلأ....

انا اليوم فقت من بكير فطرت حلاوة واشربت قهوة واتسمعت عفيروز بعدا ساعدت المامي شوي وبعدا عملت جولة قضي غراض مو الي وبعدا رحت عطيت ولد درس طبعا كنت لوقتا انعست وقعدت اتاوب بوجه الصبي يا حرام وبعدا مشيت شي 2 ساعة من بيت الصبي لبيتي لاني اساسا ما حابة ارجع عالبيت المهم طبعا ارجعت وفورا على آرتين نزلت موضوع وعلقت على مواضيع تانية وفتت على هالموضوع وطبعا فرطت من الضحك على مشاركة أوركيدا, و ثـــائـــر, وهلئ خلصت كتابة مشاركتي