هلأ نهار جديد ولسه ماشفت خيرو من شرو
مع انس حاسستو شرير من اولو
يلا مارح اظلمو ورح انطر شوي صغيرة

مبارح شي عادي ومش عادي
يعني أيام مع الطلاب بتتورخ
بس والله دمن خفيف كتييييييير هالشباب

بس أثقل شي يضل الواحد هيك

خييييييييي ألي زمان ما كتبت بهالموضوع
بفوت بقرا شو عم يصير معكن وبجي لأكتب بس بلتهي بكتابة شغلات تانية
بعدين ايدي بتوجعني من الكتابة فبقرر اختصر

عنجد آخر أسبوع مر متل الكابوس...مع أنو حلو كتير ومافيه شي حزين إلا درس العقل بس لأنو كان زحمة بشكل ما طبيعي
مليااااااااااااااااااان...ومافي ولا ساعة فراغ إلا ساعات النوم...بس بتعرفوا بكون نايمة خلالن

يمكن أسبوع الماضي متل اليوم ..مدري اللي قبلو
المهم إجو لعندي مشرفات آرتين كلن بئبشوا قلبي كان واحد من أحلى أيامي
كتير كيفنا وانبسطنا وجاوبولي هدية التخرج
وكانت جمعة لرفقاتي من الجامعة وبرا لجامعة ومن المنتدى...بس عالمختصر

بس هبة ما تحكيني بنوووووووووووب لهلأ زعلانة منا وقلبي هالقد صاير
الشعنونة كانت بالجامعة وشافتن قبل ما يجوا لعندي وما اجت
ويارا ظروفا ما سمحتلا كمان

ومن بعدا معاناة يومية مع دكتور السنان وفوتات وطلعات بلا طعمة مشان كورسات الكمبيوتر المتراكمة فوق بعضا...واليوم درست امتحان الجغرافيا مع أخي صدقاً ما قدم بكرة لآخد عشرة من عشرة
تاج,
إذا بتغيبي نهار واحد عن اليوميات بدي ازعل منك...لأنو كتير حبيت يومياتك وبستمتع بقرايتن كتير
بس قوليلي شو بتشتغلي بالضبط؟
وسلميلي على مديرك أماني والله مبين عليه مهضوم ..انتي كمان طعميه مكدوستين بصير حباب أكتر

مررررحبا

اليوم حطمت الرقم القياسي بعدد المشاوير

أحلى نهار بيمر عليي من فترة طويلة ...طبعا بكرا كمان فيو هيك فتلات طويلة بس ما هون
كتييييير كانوا مشاويري متعبين وخصوصي انو بكذا مكان ...بس انبسطت فيهم

بعد نهاري ماخلص ولسه عليي اشيا تانية وانشالله ضل مروقة هيك

مع انو راحت عليي شوفت عبودي الصغير

الملاك,
هي لعبودي خصوصي ها
يلا سلاااااااااام

Maya,
بس قوليلي وين كنتي....
اليوم وقت عبودي حكالي أنك ما داومتي ما سدقتو..إلو بالعادة يتغالظ
بس لا تقوليلي رح تتركين من هلأ
بعدين ما بكفي تحكي أنو كان في مشاوير...احكيلنا لوين هالمشاوير

أنا يومي كان حملة تنضيفات متل سنا, على اعتبار لازم جهز البيت للسجاد
نيالنا رح ندفا
بالاضافة للمعاجة طول الوقت مع أخي الزغنوط مشان يدرس..هالولد ليش طالعلي ما بعرف
أحلى الشي بقلي بدك مني شي وأنا عم أدرس بقلو لأ
بتوصيني شي وأنا عم ادرس لأ
طيب أنا رايح أدرس...بروح بيقرا كلمتين بينعس...بيجي لعندي
بدك مني شي وأنا نايم...لأ
بتوصيني شي وأنا نايم...لأ
طيب أنا رايح نام...وبروح بنام
وبالليل بيسألني...أختي رضيانة عني...أختي شقد بتحبيني
يالله هالولد ايمتا بدو يكبر

وبكرة عندي أول درس من سلسلة ضخمة من الدورات نويت علين وبلشت بالتسجيل فين...طبعاً كلن دورا كمبيوتر
يلا ادعولي وطلو...ما تطولوا

مع انو لسه بداية نهاري
بس بيكفيني انو طلع قبولي بالجامعه والحمدلله علوم صحيه متل ما انا بدي
والله هلأ بصير بدرس وانا الي نتفة نفس
مبسوووووووووووووطه وطاير عئلي حلو شعوري لأ
ومشان التحلايه الكل معزوم وبدون اعذار من حدا الكل جايه بس انتو حددو الزمان والمكان
اوك
بتمنا للكل يوم حلو

ËVË أأأأألف مبروك حبيبتي .. كتييييييير منييح .. ان شااء الله عطول مبسوطه ..

هلأ أماني صاروا مكدوساتي سيرة المنتدى خخخخخخخخخخ
حاصله ...تسلمي (الملاك ) بس يومياتي صايرين نفس بعضن مافي شي عم يتغير بس طوليلي بالك الا مايجي يوم يكون أنهف من الباقي
وبالنسبة لشغلي انا بشتغل عالسكرتاريا لشركة خاصة وشغلي بس ادخال معلومات عالكمبيوتر ورد عالتلفونات
يعني مافي كتير ضغط وراتب محرز ( بقا بالحمصي بقولوا باكلو أكلاتو وبضحك ععقلاتو)

واذا بتحبي بسلملك عمديري النهفة وبعملك ديعاية متل أبو الفوارس انت بس طلبي ..
ولي عودة ..

تاج,
مو قصة سيرة المنتدى بس غريب تتغزلي بالمكدوس هالقد
بتعرفي هون بحمص شي بكب وبيعمي بس عندكن خطي
ËVË,
مبروك ايف وانشالله بتطلعي التانية عدفعتك لأنو بدي ابن عمي يطلع الأول
يعني صحي بحبك بس ما قدو