السلام عليكم
مممممممممم عندي بصراحة استشارة..هلأ ممكن انتحر لو كان الجواب بديهي والشغلة ما بتستاهل اسأل عنا
بس انتو حبابين ورح تحسسوني انو سؤالي محرز ما

القصة انو كانت عندي فلاشة من العصر الحجري ووقت اشتريتا استخدمتا فوراً وعين الله عليا
وما كان في بقلبا شي من وقت طالعتا من كيسا
وكل رفقاتي نفس الشي فلاشاتن ,,ومن زمان منستخدم الفلاشة بنفس الطريقة

بس من كام يوم اشتريت فلاشة ماركة (إماشن) سعتا أربعة جيجا..وأول ما حطيتا بالكمبيوتر...دونكن عن ساعة لاتعرف عليا وعملا استضافة جهاز جديد كأني والله موصلة شي طابعة أو سكنر

لقيت بقلبا برنامج ليقفلا بقفل سري...وبينحطلا كلمة سر.......وكأنو في برنامج حماية وأمان
وفي كمان ملف طويل عريض عن شرح طريقة استخداما وكيفية التعامل معا وكلو بالصور والرسومات
وكللللللللللللللو بالانجليزي
يعني رفقاتي بيدرسو وبيتخرجو وبيتوظفو وأنا لسا عم اقراها

بقا حبيت افهم انو معقول إلا طريقة استخدام مختلفة..ولازم ضروري اقارا كلشي

وسؤالي الأهم
انو معقول وقت بخزن فيا أشياء وبعبيا وبصير لازم فضيا..انو لو عملتلا تهيئة..أو القصد حذف لكل محتوياتا
معقول ينحذف برنامج الحماية وبرنامج التعليمات معن؟
لأنو بدي اياهن يضلو...في حال احتجتلن بعدين

ومشكور كتير اللي برد علي..واتحملوني لأني أمية بالكمبيوتر

الملاك,
اهلين انا فهمت عليكي شو قصدك ...
هلق الفلاشة اللي الجديدة عندك هي نوعها حديث يعني الها برنامج حماية
و كذا يعني بدل ما تطفيها من عند شريط ابدا المهام بتصير بتكبسي على ايقونة البرنامج عليها و بتعمليلها اخراج او كذا
هلق انت استخدميها عادي و كانك عم تستخدمي القديمة نفس الشي هلق ليش لينحذفوا الشغلات .. ما بينحذفوا و ما في داعي ينحذفوا
ولما بتهيئي الفلاشة يمكن بيضل البرنامج و اذا راح ... لما بيطلب تعريفها بينزلوا تلقائيا على الفلاشة
متل ما قلتلك يعني اذا ما حبيتي تتعليمي عليها او شي خلص استخدميها كانك عم تستخدمي القديمة ..
بتمنى انوا كون جاوبت عليكي
اذا لسا عندك شي ما وضح قليلي انا جاهز

بس على فكرة الفلاشة نوعها كويس و حديثة ... تتهني

Obada Arwany,
لك يسلم ايديك ويعطيك العافية ويخليك ذخر لهالقسم
وهو كذلك

الله لا يوجع قلب حدا الله يهنيك ويبعتلك وحدة أحلى منا

الملاك,

أختي الكريمة أغلب الفلاشات بتكون ذات طريقة وحدة بالعمل
لكن فعلا في نوع من الفلاشات ومتل اللي أنتي اشتريتيها ... بتعمل لحالها على الجهاز درايف خاص فيها .... يعني على مبدأ الهارد .... وهالفلاشات عالأغلب بتكون ذات سعة كبيرة ... أو بتكون هاردات متنقلة
...
فلذلك اللي صار عندك أمر عادي
وهي أول مرة بس بصير معك هيك
لكن بالمرات الجاية راح تلاقيها تعرفت عالسريع
.................
لأ مو ضروري تقري كل التعليمات فيها
الفلاشة شغالة معاكي عالحالتين وتمام التمام
وهالشغلات الإضافية مكملة للفلاشة ... ومهمة كمان بوقت من الأوقات
متل حمايتها برقم سري ....
........................
أي في حال عملتيلها فرمتة راح يروحو هالشغلات اللي منزلة عليها بالأساس
لذلك بانصحك إذا بدك ياهم ... أنو ساعة بدك تعملي فرمتة ألها ... نسخي هالمجلدات بمكان عالكومبيوتر ... وبعد ما تفرمتيها رجعيهم
..............

بتمنى كون فدتك ......
تحياتي

فعلاً فكرة..............وطريقة عملية

يسلمو ايديك عنجد جوابك كان كافي جداً ووافي
يعطيكن العافية آواخر الشتا وعبادة

امين و انت عيني
@أواخر الشتا@,
حبيب قلبي شكرا على شرحك
فعلا معك حق هيك فلاشات بيكونوا متل هارد متنقل و ذو سعة كبيرة
الله يجزيك الخير شرفتي الكل هون بانتظار اي شي بدكن اياه

تددلوووووووووووووووووووووووووووووووووووووووووووووووووووووو

امين و انت عيني
@أواخر الشتا@,
حبيب قلبي شكرا على شرحك
فعلا معك حق هيك فلاشات بيكونوا متل هارد متنقل و ذو سعة كبيرة
الله يجزيك الخير شرفتي الكل هون بانتظار اي شي بدكن اياه

تددلوووووووووووووووووووووووووووووووووووووووووووووووووووووو