[align=center]الف الف مبروك للأخ نعيم كيشي بمناسبة نجاحه كترجمان محلّف و أتمنّى له المزيد من التقدّم و النجاح .
و نسأل الله أن يكرمنا كما أكرمه
صفوة حنوف[/align]

و لك مبروك يا خيو
و الله الف مبروك و الله يوفقك و يكرمك
و يكرمنا نصير متلك
و السلام عليكم

نشالله ألف مبروك زميل ونشالله منها لأحسن

من أعماق القلب أتقدم إليك أخي نعيم بأحر التباريك و التهاني ، و كلي رجاء للمولى العلي العظيم أن يكلل طريقك بالنجاح و التقدم ..

محمود حميد

ألف مبروك نعيم والله فرحنالك

انشالله ألف ألف ألف مبروك لأحلى ابو بسام والله يا أخي انك بتستاهل كل خير و الله يوفقك و يزيدك يا رب

ألف مبروك لأبو بسام الغالي رغم إنو نحننا رفقاتو المقربين على أساس على طول آخر من يعلم , بس هالمرة تسربت أخبار من مصادر مقربة رفضت الكشف عن شخصيتا إنو أبو بسام عازم الشباب على المزرعة بوم الجمعة
بس إينو جمعة الله العليم رغم إنو كل يوم جمعة مع بعض

الف مبرووووووووووووك ابو النعيم وان شاء الله من احسن لاحسن

الله يبارك فيك صفوة وشكرا عالمباركة الجميلة انشالله يارب عقبال ماتتخرج وتكمل وتصير دكتور .. لانك انسان طموح بتمنالك كل الخير ..
وبحب انا بدوري بارك لزملائي عماد العنيزان وفراس الدقاق بنجاحهم كمان بامتحان الترجمان المحلف وبالتوفيق انشالله بحياتهم ..

تسلم يا فارس هادا من لطفك .. بالنسبة للتحلاي يوم الخميس كانت عالسريع مامحسوبة ..
شكرا لكماتك الجميلة والفضل الك على افتتاحك الموقع وللمشرفين وكل الاعضاء اللي بدونهم ماكان استمر المنتدى بهالنجاح بخلال 4 اشهر بس من افتتاحه ..
وانا بنصح كل واحد بدو يعمل موقع شخصي يروح لعند فارس لان الشغل اللي بيشتغلوا من قلب ورب وبحب يخدم كل الناس .. الله يعطيك العافية
الله يبارك بعمرك ابو عبدوا وانشالله قريبا منتعرف عليك شخصي ومنحليك كمان وشكرا على مساهماتك في القسم وبتمنالك التوفيق بدراستك
االه يبارك فيكي رورو وانشالله يارب بتخرجي وبتكملي دراسات عليا وبتصيري دكتورة كمان بالجامعة وشكرا على مشاركاتك معنا بالترجمة ومتابعتك للمواضيع
أهلين اخي محمود و شكرا عالكلام الجميل والحمد لله اللي الله اكرمنا بهالشي وعقبال عندك انشالله ماتتخرج كمان وانا بهنيك على حبك للعلم والمتابعة و موفق انشالله.
تسلم أسامة والشرف كان الي اني تعرفت عليك بالجامعة وبالنسبة للتحلاي ولا يهمك انشالله الي نزلة قريبة وهالمرة ماني تاركك لتتحلى ..


الله يبارك فيكي لجين وعقبال ماتوصلي لاعلى الدرجات بالعلم
فعلا لجين انسانة كتير أكابر و ومحترمة واكيد محبوبة من الجميع
بتمنالك التوفيق انشالله ومنو لاحسن وعقبال الشهادة الكبيرة انشالله


تسلم فراس هادا من لطفك وبتمنالك التوفيق انشالله بحياتك ان كان داخل او خارج سوريا


ابو الطل الغالي اسف جدا بس النتائج طلعت يوم الخميس وانا بنهارها عرفت لما رحت عالسرايا وشفت النتائج ..
بس حقك علينا ومتل مابتعرف بعد التخرج ماعادا شفنا بعض متل لما كنا بالجامعة بسبب العمل والمشاغل .. هيك الحياة ؟!
وبالنسبة للمصادر فبأكدلك انو اشاعات مغرضة اكيد لو كان في هيك شي كنت اول واحد رح يعرف !!
ولو ياابو الطل! .. بس تكرم عينك انتي اعتمد وانشالله قريبا منعمل اعادة لم الشمل ..

الله يبارك فيكي يارب واهلا وسهلا فيكي معنا بقسم الترجمة وبالتوفيق بحياتك الدراسية..