"إذا ما بدك تكمل هالحكي للأخير فالأفضل أنو ما تبدأ"
السؤال يلي أهم من أسئلة الفحوصات ،بنظري،هو ليش الفحوصات ؟
طبعا مع الاحترام للإدارة العظيمة لجامعة البعث و كلية الأداب بس كأنو عندن مهزلة حقيقة وطبعا ما بدن حدا يخبرن ليش وهني بيعرفوا بس مو غلط نذكرن بالأسباب:
1.قبل أي فحص معروف أنو الدكاترة ،وبشكل غيرمعلن، مجبرين بنسبة نجاح ضمن المواد بين 20% إلى 80% ووسطيا نسبة النجاح غالبا حوالي 50% خلونا نفترض أنو الإدارة والدكاترة معن الحق/طبعا صعب وجود نسخة تانية / بس نحن كطلاب "مساكين كتير ومالنا حدا" كمان معنا حق وقت بنسأل ليش؟
ببساطة معظم الطلاب الراسبين ما بيعرفوا شو سبب رسوبن أو تكرار رسوبن وحتى الناجحين بعلامات سيئة أو تحت المتوقع أو غير معتادة أو حتى أحيانا زيادة عن المتوقع ما بيعرفوا شو القصة وهادا هو السؤال شو القصة؟
طيب ليش أصلا عم نعمل فحوصات!!! إذا ما حدا أصلا بدو يخبرنا وين أخطائنا !!!مو معقول أنو الهدف من الفحوصات هو مجرد الفحوصات!!!المفروض أنو الهدف هو كشف الأخطاء لإصلاحا وتجنب التكرار بس ما حدا بيخبرنا وين أخطائنا (طيب معقول أنو دكتور يفحص مريض من دون ما يقلوا هادا مرضك وهادا دواك إلا إذا هالدكتور ما بيفهم وبس بدوا يفحص ليقبض وبصراحة في دكاترة ما بيعرفوا شو عم يعطوا حتى يعرفوا شو عم يصححوا)
وبكل الأحوال ماحدا لحدا وما بتوقع أنو في حدا ليرد بس ضروري نذكر إدارة الجامعة بأمور أكتر من بسيطة بغير جامعات لأنو احتمال يقتدوا أو يقلدوا:
1.جامعة حلب على سبيل المثال تلزم الدكاترة على إصدار سلم تصحيح لكل المواد بس عنا الطلاب مضطرين يسألوا الدكتور واحد واحد بمكتبوا عن حل هادا السؤال أو هداك بدال ما يعذب حالو كتير بكتابة سلم تصحيح لكل الطلاب
2.كل الجامعات بتعطي الطالب حق طلب إعادة تصحيح المادة إلا عنا أبدا ما بخلوك وأنا حاولت 3مرات بس ما في فائدة"من ناحيتي بس خبروني وين الغلط مشان ما يتكرر و مسامحكن بالعلامات"
بس بصراحة كطلاب أدب إنكليزي سنة تانية المفروض نتوجه بالشكر لدكاترة الفصل الأول لأنو بس أكتر من 25طالب من أصل 369طالب نجحوا بكل مواد الفصل الأول و19طالب بالتحديد معدلن أكتر من 70% وهادا إنجاز جيد نسبياااا بس في طلاب
"near of being infallible"
انظلموا للأسف وكانو بيستاهلوا أكتر خصوصا بالمسرح والترجمة و متل هيك طلاب كان المفروض إعادة تصحيح أوراقن حتى لو ما بدن خصوصا أنو معدلن فوق 85%أو يخبرون وين غلطوا
ويا ريت إذا أي حدا من إدارة الكلية أو الدكاترة أوغيرن سمعوا أو شافو هالحكي وتمسخروا‎‏ أو ما عجبن بس يتذكروا‎ ‎هالسطرين:
None so blind as those who will not see
None so deaf as those who will not hear

To be honest :
"there are none so blind as those who will not see
There are none so deaf as those will not hear"