مرحبا
انا تخرجت الفصل الماضي وعندي سؤال عن ماجستر الأدبيات
بينطلب بالعادة علامات أعلى لماجستر الادبيات او اللغويات؟
اول شي معدلي 65 ممكن يطلعلي عالنظامي او عالموازي؟ بالعادة اديش بيطلبو عالنظامي واديش عالموازي؟
شو نسبة المعدل وشو نسبة نتيجة امتحان القيد من النتيجة النهائية للقبول بالماجستر؟
امتا بيبلش التقديم واديش بالعادة بتاخد وقت النتايج لتطلع؟

بالنسبه للمعدل___مامطلوب نسبه معدة الا تكون اكتر من 60 بس كل ماكان معدلك مرتفع هاد بيساعدك في الامتحان_____نص العلامه ع المعدل ونص ع الامتحان الكتابي طبعا___وهاد الشي بدو جهد اكتر ودراسة لتجيب علامه منيحه بالامتحان___اما بالنسبه للموعد ___اكيد هالسنة رح يتأخر شوي ___خاصة نحن لسا عم نقدم امتحانات السنة الرابعة___بالتوفيق

مشكور كتير
بس عندي سؤال هلأ امتحان القيد سهل ومافي عنا عليه حكي
بس الامتحان المعياري انو شو نموزج الاسئلة ؟ عندك فكرة؟

بصراحه ماني متأكد اي ماجستير ___بس السنة الماضية اجت اسئلة مؤتمته واسئله منوعه____ادبيات___قواعديات___انشاءت___مثلا بتذكر كان في اسئله عن
simple sentence
compound sentence....
وانشالله بالتوفيق___

طيب انا معدلي تقريبا 67 بقدر سجل ماجستير لغويات وهوي بدو امتحان مقابلي وشكرا

بالنسبة للوقت مافي فيدك اما بالنسبة للمعدل ع الاغلب بيطلعلك ع الموازي لان السنة الماضية طلبو للغويات بحدود ال 80 وع الموازي ب ال70 والادبيات 70 وانقبل طالب ع الموازي ع ال65
الموازي 110الاف بالسنة(مشان تعملو حسابكن قبل ماتتورطو)
ماستر اللغويات والادبيات الو امتحانين الامتحان الاول اسمو امتحان القيد هاد مابيدخل بمعدل القبول هو امتحان مؤهل للامتحان التاني فقط النجاح ع ال60 يعني اللي بياخد 60 متل اللي بياخد 100
الامتحان التاني هو امتحان القبول وهاد المهم لانو بيدخل بلمعدل بالنص 50%امتحان 50%معدل السنوات
نصيحة اخوية بما اني عم ادرس ماستر ادبيات
نصيحة فوتو ماستر تأهيل وتخصص وخصوصي اذا حابين تشتغلو بمجال التدرس بالخليج مثلا او بالمدارس الخاصة كتيييييير مطلوب
اما اللغويات وبالاخص الادبيات محصور مجالو بالجامعة يعني الله وكيلك مابتدرس غير روايات وشعر ونقد ومقارن وكلو بالكوام وشي بيعلللللل القلب وفي السنة الاولى مواد والسنة التانية رسالة اما التأهيل سنتين مواد يعني متلو متل الجامعة بس طبعا بلنهاية كل انسان وشو بيرغب ادرسو خياراتكن منيح والله يوفق الجميع

بلمناسبة هنن بيطلبو المعدل للتقدم يكون فوق الستين فقط يعني ممكن تختلف معاكن كتير امور بالامتحانات يعني لاتقولو معدلي قليل ومابيطلعلي ممكن يطلعلكن اذا جبتو علامات عالية بالامتحان بقى قولو الله ولااااااااااااااااتخافو

مشكورين ع المعلومات....

ثانكس