وافق مجلس التعليم العالي في جلسته السابعة للعام الدراسي 2011\2012 التي انعقدت ظهر أمس الأحد برئاسة الدكتور عبد الرزاق شيخ عيسى وزير التعليم العالي على السماح للطلاب الراغبين من جامعة البعث (حمص وحماه) وطلاب فرع ادلب في جامعة حلب بالتقدم إلى امتحانات الفصل الأول للعام الدراسي الحالي في الجامعات الأخرى .
وطلب المجلس من السيد رئيس جامعة البعث ورئيس جامعة حلب بوضع آلية لمعرفة اختيار الطالب للمكان الذي يرغب التقدم إليه لإجراء الامتحانات ، وذلك خلال عشرة أيام من تاريخه لتتمكن الجامعات الأخرى من تهيئة مستلزمات هذه الامتحانات والبدء فيها بتاريخ 29\1\2012.
مرحباااااااااااااا يا شباب و صبايا آرتين
هذا الحكي منقول عن الموقع الرسمي لوزارة التعليم العالي
الحقيقة أنا انصدمت و أكيد انتوا كمااااااااااااااان انصدمتوا متلي و يمكن أكتر مني
المهم اني حبيت خبركن
و ما على الرسول الا البلاغ
انشاالله بالنجاح و التوفيق للجميع

السلام عليكم ورحمة الله وبركاته
لا أخي العزيزليش حتى ننصدم أكيد مارح ننصدم لأن عالأقل المضطر يقدم ليمرق هالسنة من عمروبيقدم ويلي مابدوا براحته عكلن الدنيا آراء وكل أنسان بيشوف بهالقرار ازا بيناسبو ولا لأ حسب ظروف كل واحد
وبرجع بتشكرك كتير عمجهودك وبانتظار تجبنا باقي تفاصيل هالقرار
أخوك في الله

يعني منقدم باسم جامعه البعث بجامعات اخرى وبكون نفس المقرر معنا ؟؟؟ والله ما عاد فهمنا شي

طب سوال يعني فينا نقدم امتحاناتنا هون بحمص ولا شلون والله نخوتنا

القرار كتير منيح بالنسبة الي بس بدنا نعرف شومشان المقررات اذا نفسن جامعة البعث ولا بدنا نقدم حسب مقررات الجامعات التانية

القرار حلو كتير والمقررات هن نفسهون تبع جامعة البعث بالنسبة لطلاب البعث ونفسهون تبع فرع جامعة ادلب بالنسبة للطلاب هنيك.. وانشالله بهالكم يوم اللي جايين ببين كلشي ويبنزل قرار مفصل وموضح بهالخصوص ..

مبروك للجميع بهالقرار

عنجد السؤال الأهم أنو نقدم الإمتحان حسب مقرر كلية الأداب بجامعة البعث أو حسب مقرر الجامعات التانية وانو فينا نبقى نقدم أمتحاننا هون بجامعتنا بالبعث أو شو ؟؟؟؟؟؟؟؟

هلء بما انو "يسمح" و "للطلاب الراغبين" معناها يلي بدو بقدم هون ويلي بدو بقدم بالجامعات التانية القرار واضح ومابدو شرح والمقررات اكيد نفسا مو معقول تقدمو فحص بمقررات مااخدتوها وبالتوفيق للجميع

يا شباب و صبايا
صدقوني بس أعرف أيا تفاصيل جديدة عن هادا القرار رح خبركن فورااااااااااااااااااااااااااااااا مشان المعلومات يلي أعطيا تكون موثوقة 100%

هلق القرار حلو بس في عالم مارح تقدر تقدم غير بحمص شو مشان انو طرقات السفر خطرة عالعالم بهالاوضاع على كلن القرار مفيد لكل الطلاب وانشالله بالتوفيق