مواقف مضحكة عن الجامعة والدكاترة

الملاك · **Posted:** Thu Nov 03, 2011 3:46 am

يا جماعة أنا أكتر موضوع بعشقو بآرتين ... هو موضوع كنا نكتب فيه مواقف مضحكة صارت معانا ونحنا صغار كانو يدمعو عيوني وأنا عم أقرا قد ما اضحك

وهلأ حابة نكمل المشوار بس بأنو نكتب مواقف مضحكة صارت معنا أو مع حدا نحنا منعرفو... بس بالجامعة أو مع رفقات الجامعة وبالمحاضرات ومع الدكاترة
هيك عندي شعور أنو حتى لو كل واحد عندو موقف واح بس بالنهاية رح يكون عنا أرشيف بفرط من الضحك
ـأنتو وهمتكن

وأكيد أنا رح بلش

يتذكر بالسنة الأولى وبتاني محاضرة صوتيات عند الدكتور طيفور الله يذكرو بالخير "وكان ضابعنا بأول محاضرة" أنو اجيت متأخرة وما ضللي محل بس رفيقتي كانت حاجزتلي بلاطة جمب الباب
وقفت وعم احضر وكل نص دقيقة بيندق الباب وبفوت حدا... يا بيسأل شو هون يا بدون ما يسأل بيفتح الباب وبسكرو يا بيطلب يفوت وبقلعو الدكتور وبعضن كنت ما شوف خلقتن... ولازم زيح لكل واحد بين ما يمط راسو وحاااااااااااااااالة وأنا عأساس مركزة بالمحاضرة والدكتور ما عم يقطع حديثة وقت أنا عم اتعرض لهيك موقف
المهم بعدين واحد جرب يفتح الباب... قمت رجعت طبقت الباب بضهري وما خليتو يفوت
رجع حاول
قمت بعدت وفتحت الباب... هو مد راسو وقال ممكن ادخل ... قلتلو لأ ما ممكن طلاع "بصوت عاااالي" وطبقت الباب بقوة ودرت وسندت ضهري بكل ثقة....

والدكتور والطلاب هدوووووووء

وأنا ولا انهزلي رمش...

قام الدكتور قال... يا هيك البوابين يا بلا

هاتو مواقفكن بقا

Odysseus · **Posted:** Thu Nov 03, 2011 5:44 am

الملاك
:mrgreen:

موضوع لذيذ أوي :mrgreen:

أنا ما صار معي موقف بس صار مع أحد زملائي ..

عم نحضر مادة اسما "The Study of Literature Today" و بتعطيها مدرسة ايطالية اسما ماريا كريستينا .. المهم كان عنا وظيفة انو كل طلب يحضر مقطع من قصيدة بيولف و يشرحو لزملاؤه .. حضرنا والله و لما قالت مين بيطلع أول شي ما حدا استرجا .. المهم صارت تقرا من الأسماء اللي عندا عشوائيا :mrgreen:

طلعوا كم واحد و بعدا رجعت سألت مين بيطلع .. اجي انتخا واحد اسمو جوش قام و شرح عين الله عليه :mrgreen:

المهم بعد ما خلص :shock:

ما شفنا غير الدكتورة قربت على جوش و باستو :mrgreen:

و الصف فرط من الضحك و سفقوا لجوش و الدكتورة :mrgreen:

بعدا قالت مين بدو بوسة كمان :mrgreen:

اجي محدا طلع و اكتشفت الدكتورة انو ما حدا بدو بوستا هههههههههههههههههههههههه

hatch · **Posted:** Thu Nov 03, 2011 8:06 am

الملاك,
قام الدكتور قال... يا هيك البوابين يا بلا
______________________________________________

بصراحه ضحكت من كل قلبي وعشت الموقف تمام التمام ، هههههههههههههههههه
ههههههههههههههههههه
الله يرحم والديكي على هيك شغله حلوه ، بس بتعرفي برافوا
مثل ما قال ،، يا هيك البوابين يا بلا ،، اكيد نزل نضارته لتحت شوي وحكى الجمله
وكمل المحاضره ولا كانه حكى شي
ههههههههههههههههههههههههههههههههههههههه
تسلمي يا رب

الملاك · **Posted:** Fri Nov 04, 2011 1:21 am

Odysseus,
عيني بعينك لشوف :shock:

... نفسك ما همزتلك تقوم تحكي كلمتين بيستاهلو بوسة :wink:

اللي غايظني أنو هاد جوش رح يحكيا لولاد ولاو.... وأكيد الدكتورة بكرة بتنسى هالشغلة *---

hatch,

والله الدكتور طيفور ما بحط نضارات بس طبيعتو أنو بارد ولسانو حاد.... وفعلاً كمل المحاضرة عادي من بعدا :mrgreen:

مرة
بمحاضرة للدكتور طيفور كمان بمدرج ضخم وعدد طلاب هائل... بقا أول عشر صفوف ساكتين ومركزين مع الدكتور :idea:

بس العشر صفوف الورانية فين شوية ضجة :evil:

سكت شوي الدكتور واطلع بكل المدرج.... بعدا قال بكل برودة وهدوء:

الجهابذة...
الفطاحل....
علماء اللغة اللي قاعدين ورا.....

يخرسو :arrow:

في أغبياء قدام بدن يسمعو الدرس :idea:

bestman · **Posted:** Sat Nov 05, 2011 1:26 am

الملاك
موقف بيضحك كثير :lol:

بصراحة كل مابسمع قصة عن الدكتور رياض بحبو أكثر مع انو مادرسني
ولامادة علما هي السنة الرابعة الي بالكلية سبحان الله بس كنت احضرلو مع رفقاتي

الملاك · **Posted:** Sat Nov 05, 2011 10:44 pm

bestman,

أي بس ما قلتلنا موقف صار معك :roll:

والكل لازم يقول :mrgreen:

hatch · **Posted:** Tue Nov 08, 2011 9:45 am

الملاك wrote:

Odysseus,
عيني بعينك لشوف :shock:

... نفسك ما همزتلك تقوم تحكي كلمتين بيستاهلو بوسة :wink:

:mrgreen: :mrgreen: :mrgreen:
اللي غايظني أنو هاد جوش رح يحكيا لولاد ولاو.... وأكيد الدكتورة بكرة بتنسى هالشغلة *---

hatch,

والله الدكتور طيفور ما بحط نضارات بس طبيعتو أنو بارد ولسانو حاد.... وفعلاً كمل المحاضرة عادي من بعدا :mrgreen:

مرة
بمحاضرة للدكتور طيفور كمان بمدرج ضخم وعدد طلاب هائل... بقا أول عشر صفوف ساكتين ومركزين مع الدكتور :idea:

:idea: :idea:
بس العشر صفوف الورانية فين شوية ضجة :evil:

سكت شوي الدكتور واطلع بكل المدرج.... بعدا قال بكل برودة وهدوء:

الجهابذة...
الفطاحل....
علماء اللغة اللي قاعدين ورا.....

يخرسو :arrow:

في أغبياء قدام بدن يسمعو الدرس :idea:

ههههههههههههههههههههههههههههههههههههههههههههه
ما شاء الله عليكي يعني كاينه بالمحاظرات شغل انتباه هههههههههههههههه على هيك شغلات ، باينتك شلتي المواد كلهن هههههههههههههه
شكرا على الاستراحه الرائعه ،،،، لكم الاحترام

Latest Posts

مواقف مضحكة عن الجامعة والدكاترة