الامتحان كان بـ 25 الشهر، وعادة نتائج المفاضلة بتطلع بعد بأسبوعين، هيك صار بالسنة الماضية.

أما نتائج الفحص بتطلع قبل هالأسبوعين، بحيث بتنجمع العلامة مع المعدل وبتتقسم ع 2 ليتكون معدل التفاضل.

موقع الجامعة، نايم شوي عوضك ع الله .
يعني بدك تستنى للنشوف لو رح ينزل شي.

بالتوفيق.

الاعلان عن موعد الامتحان نزل بالاعلان الرسمي مع شروط التفاضل وهل قصص بس يظهر انك ماقريت الاعلان للاخر

Equilibrium,
أخي الكريم بإعلان المفاضلة اللي صدر من حوالي 20 يوم كان في بند عن موعد الامتحان المعياري اللي صار ب 24 الشهر الجاري وبعدو ب 25 الشهر صار امتحان ماجستير التأهيل والتخصصبس بجوز انت ما انتبهت وما قرأت الإعلان مزبوط.
بالنسبة للنتائج ف عالأغلب هالسنة ما رح يطالعو نتائج الفحص ورح تطلع نتائج القبول مباشرة على موقع الجامعة بآخر الأسبوع الجاي والله أعلم (حسب حكي موظف بالادارة المركزية).
عوضك ع الله وانشالله بكون الك خير ب شي تاني

Equilibrium,
والله انزعجت عليك .... وما قدرانة ما رد
بس يا أخي فعلاً متل ما أنت عم تقول ... الله اللي ما كاتبلك نصيب تسجل بالماستر وإلا كنت انتبهت عالإعلان اللي كان بين إيديك

أنا ما بزعل من قضى الله بس والله الواحد بينقهر كيف الشي كان قدام عيونو وما شافو

الحمد لله على كل حال
الله يعوضك بالأحسن انشالله... وعنجد عم قلك اياها ... لأني طالبة ماجستير وسدقني بعد وصلتلو اكتشفت أنو مانو هالشي الرائع وخسارة سنين من العمر

Equilibrium,
أخي الكريم كلنا أكيد منحب الخير لجميع الزملاء وزعلانين إنو ما عرفت بقصة الفحص وما قدمتو بس من بعد إذنك شغلة إنو خيبنا أملك لأنو ما ردينا هي بدك تسمحلي فيا لأنك غلطان وهلأ رح أثبتلك هالشي:
أولا موضوع الفحص المعياري بالذات إلو أكتر من شهر ونص بينحكى في بالموقع وهي مشاركة من الأخت منارة عم تسأل في عن الفحص المعياري وكان سؤالا بتاريخ 20 / 9

كان ممكن ببساطة تسأل شو هادا الفحص المعياري؟ على كل هادا دليل ضعيف ما مشكلة.

يوم الجمعة بتاريخ 21 / 11 حضرتك طرحت هادا الموضوع
viewtopic.php?f=115&t=25791
قلت في إنك سجلت بالمفاضلة على ماجستير الدراسات العليا والتأهيل والتخصص وسألت في عن إنو إذا إلن فحوص أو لأ وإجاك بدل الجواب 2
الأول كان من زميلتنا عاشقة العربية بنفس اليوم

والتاني واضح ومفصل جدا من الزميلة زمرة باليوم اللي بعدو

ولسا بعدو رد واضح أكتر كمان من الزميلة زمردة الله يجزيها الخير:

بما معناه إنو الردين إجوك قبل الفحص المعياري بيومين...

رجعت حضرتك سألت يوم الأحد ب 23 \ 11 بهادا الموضوع
viewtopic.php?f=58&t=25811
إنو إيمت بتطلع النتائج؟
جاوبتك الأخت رهام بنفس اليوم الساعة 1 صباحا (يعني ليلة الاثنين اللي هوي يوم تقديم الفحص المعياري) التالي:
بقا ببساطة كان ممكن تسأل شو هادا الفحص المعياري وإيمتا؟

هادا طبعا غير إنو مكتوب بالإعلان تبع المفاضلة ببند واضح جدا.

أخي الكريم كتير من الأعضاء بيسألو ما بحبو يتعزبو ويدورو بمواضيع معينة عن شغلات بتهمن بقا هالشغلة ما يتكون مسؤوليتنا نحنا لأنو اللي بدو شغلة أنا بعرف إنو لازم يدير بالو وينتبه على كل شاردة وواردة بتخض موضوعو.

ممكن تكون ما اتبهت عكل هالشغلات وبالتالي هادا نصيبك وهيك بدو رب العالمين بس إنو تجي وتحط الحق علينا بعد كل هالشي ف هي شغلة معلش بدي ناقشك فيا وإذا أنا غلطت قلي هالشي

على كل الله يوفقك وبجوز سبحانه وتعالى شايفلك الخير بشي غير الماجستير.
بالتوفيق انشالله وتقبل مداخلتي

Equilibrium

أخي العزيز .. رد الزميل وسامو كان كافي بظن .. بس مع ذلك بدي أكدلك على شغلة ..

أنو المشرف اسمو مشرف لأن شغلتو يشرف عالقسم بشكل عام .. يعني هاد ما بيعني انو هو مسؤول عن كل الإستفسارات بالمنتدى .. ممكن يكون ما بيعرف الجواب على سؤالك .. و ممكن يكون مشغول لأنو هو طالب متلو متلك .. المنتدى هو لكل الطلاب .. يعني مسؤولية الجميع .. كلنا بنتساعد مشرفين و اعضاء .. بقا شلي هالفكرة هي من راسك الله يرضى عليك ..

و ان شاء الله خيرا بغيرا .. اذا ما زبطت معك هي السنة بركي السنة الجاي بتزبط .. بتمنالك التوفيق

Equilibrium
لا تزعل."عسى أن تكرهوا شيئا وهو خير لكم"
لا تيأس ولا تستسلم,في كتير حلول منها مثلا فيك تسجل بالتعليم المفتوح
أو ,انا سمعت انو في بكلية العلوم تسجيل تابع للجامعة الخاصة للدراسات العليا
وكتييير حلول فكر شوي