السلام عليكم انا بحاجة لنصيحة او لشي مساعدة .بدي سجل بماجستير الادب الانكليزي ولحد هلق مابعرف شو لازم اعمل وانا طلعت عالجامعة وقالولي انو بدي كون عامل اختبار وطني بالمعهد العالي وانا مابعرف اذا صحيح هالحكي ولا ايمتا بيبلش التسجيل فيه او ايمتا الفحص .الله يخليكون حدا يساعدني ويئلي شو بدي اعمل بكون ممنونكون

التسجيل بالماجستير ما بدو اختبار وطني للغات.

بدو اختبار اللغة الانكليزية الخاص للقيد بالماجستير

موعد الامتحان يمكن 2-10-2011

Grateful126,
متل ما قال الأخ محمد العبد، لازم يكون معك امتحان اللغة للقيد بالماجستير، ولتسجل على هالامتحان بدك الأوراق:
- صورة مصدقة عن الإجازة الجامعية (بمعدل جيد على الأقل) أو إشعار تخرج مذكور عليه معدل التخرج .
- صورة عن الهوية الشخصية.
- صور شخصية عدد /2/.
- رسم تسجيل بقيمة /500/ ل.س.
- طلب تسجيل ( يحصل عليه الطالب من شؤون الطلاب في المعهد ).
- طابع مالي بقيمة /10/ ل.س.

وبعد اجتياز هالامتحان، بتتقدم لامتحان معياري بتنسأل فيه أسئلة بين الدقيقة جداً وبين الشاملة جداً عن الإنجليزية لغةً وأدباً.
ما بعرف لو هالسنة هالامتحان رح يكون موجود، لأنو هديك السنة كان أول مرة بينوجد، وكان صعب جداً.

وبعدو ..
نتيجة امتحانك بتتدخل مع المعدل لحتى تفاضل حسب الرغبة.

طبعاً بعدا بيطلبو منك أوراق للتسجيل واستمرات للتعبئة، وورقة غير عامل، ووقتا هني بخبروك شو لازمن.

بالتوفيق

طب بقدر فاضل عالدبلوم كمان غير الماجستير وامتى ببلش بحمص

حلواني،

‏ فيك تسجل 6 رغبات بوقت واحد...المهم انو بجامعة وحدة متل جامعة البعث.

يعني فيك تسجل بالمفاضلة:
دبلوم ترجمة و تعريب
دبلوم تأهيل تربوي
دبلوم تأهيل و تخصص
ماجستير تأهيل و تخصص
ماجستير لغويات
ماجستير ادبيات


والرغبة بتطلعلك حسب معدلك.

هي أيمتى أي وقت؟
والسنة الماضية قديش كانو طالبين
؟
أنا تبهدلت بجوز مابطلعلي معدلي 60.06

اكيد بالشهر العاشر بعد امتحان المقدرة اللغوية.
بما انو معدلك 60 بيطلعلك بجامعة البعث دبلوم تأهيل تربوي اكيد عالموازي بتدمر.
والشي الما بيتصدق انو بيطلعلك ماجستير تأهيل و تخصص نظامي بس بجامعة حلب.
و الدليل فيك تحمل اسماء المقبولين السنة الماضية و تشوف معدلاتن ...
صدقني كلن تحت 65 ما عدا يمكن طالب و طالبة معدلن فوق السبعين.
يعني فرق كبير بين جامعة حلب وجامعة البعث بخصوص هاد الماجستير.

أنا بدي سجل بجامعة البعث بنفس حمص مابدي تدمر.. ماحدا بيعرف شو بصير هالسنة أكيد
بس مافي أمل بطلعلي بنفس المحافظه
؟
بس هلأ أنا شو أعمل قدم عفحص الماجستير هاد ولا لأ
عفكره المتخرجين هالدوره الفصلية ال2 بس 100عنا

الله يكتر خيركون ياشباب بس مين بيعرف شي حدا قدم عامتحن القيد اللي صار ب 31-5 منشان نعرف شو بدنا ندرش وكيف منحضر لهالفحص وانا خايف مايطلعلي مع انو معدلي 71