ضــرب مـــتـّـــة

سليمان عمر · **مرسل:** الأربعاء أغسطس 17, 2011 11:20 pm

[align=center]بهية يا بهية

ردّي ابريق الميّا

وهاتي كاسات المتةولا تنسي تنقعيا

محلا صفّت هالكاسات والمصاصات اللي فيا

ولا تنسي تجيبي السكر حتى الطعمة تحلّيا

طيبة من طيبة زمزم بتشرب منها الصبية

زهورات وزعتر برّي بالله حطيلي فيّا

صبيلي شوية شوية حتى لا تقطعيا

وخلي المية سخنة شوي اصحي اوعا تغليا

وكل ما فضيت هالكاسة بالله عليكي تعبيّا

وحول المتة نشوف رفاق اجتمعوا حول الصينية

وكاسة متّة عند الصبح بتسوى الدنيا وما فيّا

المتة ما احلى شربا صبح وضهر وعشية

وكاسة متّة بتشفي الناس من الامراض السارية

المتة شربا اصول وفن وسليمان اشتهر فييا

من قبت راسو بكييير يجيب العدة الحربية

وما بتصير الدنيا غروب حتى العلبة يفضيّا

وعنها ما بيتخلى وكيف نحل القضية

لا بيكل ولا بيمل دوم يحدثني عليّا

كانو يقولو بالقرداحة مضر معلم فيا

وجن جنونو لسليمان لما سمع الخبرية

ولما عملنا مباراة حتى الشغلة ننهيا

مضر بابريق انفض وما كمّل عالبقية

وسليمان ما كفاه تنين وبلّش بهالحنفية

سليمان الاول دوما هوي دون البقية

وبشربا اخد شهادة مالطا هالارجنتينية[/align]

مرهف دامرجي · **مرسل:** الخميس أغسطس 18, 2011 1:44 am

سليمان عمر,
جميل

كتر منو.

سليمان عمر · **مرسل:** الخميس أغسطس 18, 2011 2:03 pm

مرهف دامرجي,

أخي العزيز هي الخاطرة لصديقي أحد مقرقعي المتّة وأنا أدخلت عليها بعض التعديلات
ضمن نطاق اتفاقية تبادل المعلومات ونشر المواضيع المتعلقة بالمتّة وأمور القرقعة

rehab · **مرسل:** الخميس أغسطس 18, 2011 2:10 pm

ههههه
حلوة وطويلة تعبانين فيها الله يعطيكم العافية

سليمان عمر · **مرسل:** الخميس أغسطس 18, 2011 3:05 pm

rehab,

الله يعافي قلبك أختي الغالية والله يحلّي أيامك وأهلا وسهلا فيكِ

سليمان عمر · **مرسل:** الجمعة أغسطس 19, 2011 12:04 pm

حُب المتّة ساكن بين ضلوعنا ومنقوعها يسري في عروقنا

باسل العمروش · **مرسل:** الجمعة أغسطس 19, 2011 7:00 pm

اول حلبي بشوفو بعمري بحب المتة

سليمان عمر · **مرسل:** الثلاثاء أغسطس 23, 2011 3:56 am

باسل العمروش,

من اليوم أنا مو أول حلبي بيحب المتّة لأنو الحمدلله اقبال الشباب الحلبي على قرقعة المتّة زاد بشكل ملحوظ ولأنو رابطة مقرقعي المتّة بحلب بكل تواضع وبكل فخر عم تساهم في نشر المتة بحلب بشل فعّال جداً

للرابطة بادر بالانتساب ولاتحسب للشاي والقهوة حساب

LATEST_POSTS

ضــرب مـــتـّـــة

الموجودون الآن