اخي الكريم, الانترنت وحدو مالو رقيب وصعب الواحد يلاحق حدا لأن سرق مقالة انت كاتبها او اي شي بيخصك واجا حدا تاني لطشها, خاصةُ في نطاق المنتديات,

الأخ حاط التوقيع لكن ما كتب اسمو بنعاية البيت يعني مافي دليل إنو نسبو لحالو او لا

انا مثلا ياما عجبتني جمل ع النت بشوفها بتواقيع اعضاء بجي بحطها رسالة ع المسنجر, بس مو معناها انا اللي كتبتها, وفي حدل حدا سألني بجاوب إنو إما اي او لأ مانها كتابتي,

الموضوع ابسط من هيك بالعكس لازم تنبسط إنو كلام انت كاتبو لقى إعجاب غيرك وحطو هالغير بتوقيع

لو انها مقالة او قصيدة او ما شابه واجا الشخص نسبها لحالو بشكل واضح وقتها حقك تعصب وتعمل شو ما بدك,

تحياتي

يسعد أوقاتك أخي موسى
ما بعرف شو بدي احكي بس لازم تاخد الأمور بروح رياضية وتنسى ومتل ما بيقول المتل(اسأل مقرقع ولا تسأل حكيم)موضوعي اللي نزلتو بأرتين من فترة عن قانون قرقعة المتة كتبتو من لما كنت سنة أولى بالجامعة ونزلتو بمنتدى جامعة حلب وهلأ اذا بتعمل بحث بغوغل عن الموضوع بتلاقي مليون واحد ناشر الموضوع باسمو وفرحان على حالو انو هو الفطحل اللي كتبو وأبدع بنصوصو القانونية ,من جهة تانية ومن الناحية القانونية توقيعك مانو محمي ولا خاضع لقانون حماية الملكية لذلك ما منقول الا حسبنا الله ونعم الوكيل

تحياتي الك أخي العزيز

Golden RoSe,
كلامك منطقي وصحيح

أنا برأيي أنو السرقة عن النت بشعة. ويلي بدو يأخد شي موضوع عن غيرو يكتب أنو منقول
لأنو مو حلوة الواحد ياخد فضل غيرو

مرهف دامرجي,

أخي العزيز اذا بدنا نحكي بمنطق قانوني فأنت لما بتنشر موضوع عالانترنت بالطريقة التقليدية المتعارف عليها فأنت عم تعطي موافقة ضمنية مبطّنة على تنازلك عن الموضوع وعن ملكية الموضوع وأكيد الكل بيعرف طريقة النسخ لصق
اما اذا بدنا نحكي عن انو لازم نكتب تحت الموضوع انو منقول فهاد شي كمان مانو مفروض علينا وممكن بالاخر نعتبرو ضمن نطاق اللباقة الأدبية

سليمان عمر,
كلمك صحيح
تقبل مروري