أمتال حلبية قديمة...

سليمان عمر · **مرسل:** الأحد أغسطس 07, 2011 5:54 pm

رمضانكن كريم
شوية أمتال حلبية اشتهيتلكن ياهن والأمتال مو بحاجة لشرح لأنو المعنى واضح
وعلى سيرة الأمتال شو رأيكن تشاركونا وكل واحد يضيف متل بيعرفو
والبداية من عندي.......

_قال محبوبتي بالسما شلون الوصول ليها؟
قالولو خشخشلا بالدهب بتركد ع اجريها

_البنت تقول لأما ماباخد الا خمسين
عشرة لحواش العنب وعشرة منشان حواش التين
وعشرة يدقوا بالقهوة وعشرة يصبوا بالفناجين
وعشرة يدقوا بالكحل لسواد عينيا

-ويلي أبلوج السكر , وقع من ايدي تكسّر

_لو ما خوفي من أمك تسأل عليك
لأحطك بعيوني يا عيوني وأغمض عليك

_على عميم وعلى عمام
بيضا وحمرا يا سلام

_خطبولي وجوزوني وحدة مصراتة كتيرة
لكن كانت ختيارة قرعة وسنانا عيرة
كانو مصرياتا كتار لكن شكلا يا ستار
وبوشا اكبر منخار وعيونا يا لطيف صغار
أول ليلة يا حباب اشتغل الضرب بالقبقاب
واللي ما كان بالحساب أكلنا قتلة بكفكيرة

_الأعزب ويا دلو
ما في حدا يغسلّو

*plz

_تاجر بدينار واسمك بالبلد تاجر
وبألف دينار نفسك أوعى لا تأجر

_ماتوا العقارب وصار النمل دبابات
كمان أبو بريص صرلو سرج وركابات

_أقرع قرنقع وباب الحبس ميدانو
والزبل أكلو ومية القليط حمامو (ذم وقدح حلبي)

_أضرب شنينة وكب الرز عن بالك
وبيتنا بيتك لكن الخان أدفالك

_زرعت راس توم وفي بستان جكيتو(غرستو)
ومن مية الورد وعطر الفل سقيتو
غبت عنو سنة ورجعت شميتو
التوم بقي التوم وضاع كل اللي حطيتو

Celina · **مرسل:** الأحد أغسطس 07, 2011 6:40 pm

اقتباس:

_خطبولي وجوزوني وحدة مصراتة كتيرة
لكن كانت ختيارة قرعة وسنانا عيرة
كانو مصرياتا كتار لكن شكلا يا ستار
وبوشا اكبر منخار وعيونا يا لطيف صغار
أول ليلة يا حباب اشتغل الضرب بالقبقاب
واللي ما كان بالحساب أكلنا قتلة بكفكيرة

حلوة هي

عندي رفيقة حلبية عم أتعلم منا شوي أحكي حلبي
مشكور عالموضوع الظريف

سليمان عمر · **مرسل:** الأحد أغسطس 07, 2011 10:36 pm

Celina,

نورتي أختي العزيزة وأهلا وسهلا فيكٍ

موسى محمد موسى · **مرسل:** الأحد أغسطس 07, 2011 10:44 pm

يا أخي نحن بما أنو عذابين لازم نقتبس هي
_الأعزب ويا دلو
ما في حدا يغسلّو

هلأ ما اختلفن إني الأمهات الله يعطين العافية بيعملو كلشي ومو مقصرين
بس شو منشان دائماً عم يحملونا منيّة

شكراً الك أخي سليمان موضوع حلو ومسلّي

تقبل مروري

سليمان عمر · **مرسل:** الاثنين أغسطس 08, 2011 12:44 am

[align=center]نورت أخي موسى ويا أهلا وسهلا ومرحبا[/align]

[align=center]الله يبعتلك بنت الحلال اللي تسر قلبك وخاطرك يارب[/align]

rehab · **مرسل:** الاثنين أغسطس 08, 2011 12:51 am

كتير حلوين سليمان يسلم دياتك
والحكيات الحلبيات بيجننو

وأمثالك كمان حلوين كتير عجبوني

[quote]
_خطبولي وجوزوني وحدة مصراتة كتيرة
لكن كانت ختيارة قرعة وسنانا عيرة
كانو مصرياتا كتار لكن شكلا يا ستار
وبوشا اكبر منخار وعيونا يا لطيف صغار
أول ليلة يا حباب اشتغل الضرب بالقبقاب
واللي ما كان بالحساب أكلنا قتلة بكفكيرة
[/quote]

هي عجبتني

بس اتذكر شي مثل رح حطو إن شاء الله
يعطيك العافية

سليمان عمر · **مرسل:** الاثنين أغسطس 08, 2011 1:02 am

[align=center]أهلا وسهلا أختي رحاب, نورتي وشرّفتي[/align][/color]

[align=center]بانتظار الأمتال اللي عندك أختي العزيزة[/align]

LATEST_POSTS

أمتال حلبية قديمة...

الموجودون الآن