بسم الله الرحمن الرحيم
بعض أسماء الأعشاب والنباتات العطرية التي يمكن اضافتها للمتة لتعطيها طعم مختلف وفائدة كبيرة
والأنواع كثيرة جداَ وهذا غيض منها (الشيح- حب الهال – اكليل الجبل –الزنجبيل – المليسة –ورق الغار – قشر الليمون –اليانسون – عيدان العرقسوس – البابونج – الميرمية – الزعتر الأخضر البري - )ويمكن الاستعاضة عن الماء باضافة الحليب الساخن وليس المغلي
وهذه بعض الأقوال والأمثال عن المتة واضافاتها
وهي من تأليفي :
_ اذا بدك الهم عن قلبك تزيح ,قرقع المتة مع الشيح (صحيح طعمو مرّ متل العلقم بس كتير مفيد)
_ نشّط قلبك وصفي البال , بضرب متة مع حب الهال (لكل كاسة متة حبة هال وحدة بتكفي)
_ اذا كنت مريض أو عليل , دواك ضرب متة مع الاكليل (له فوائد لا تعد ولا تحصى )
_ العاقل والفهمان والنبيل ,هو اللي بيشرب متة مع الزنجبيل (أشهر من أن أتكلم عنه )
_ اذا كنت مهموم وحياتك تعيسة , نعنشها بضرب متة مع المليسة ( مفيدة لراحة النفس و تهدئتها )
_ لا تلبك ولا تحتار, قرقع متة مع ورق الغار ( ربع ورقة غار لكل كاسة متة )
_ المتة طيبة كيف ما تكون , وبتصير أطيب مع عصرة ليمون ( قشور الليمون أو عصير الليمون )
_ اذا كنت ختيار وجارت عليك السنون , جدد شبابك بضرب متة مع اليانسون (مفيد جدا جدا)
_ صب المتة بالكؤوس , وضيف عليها عيدان العرقسوس ( بيعطي المتة طعم ولا أروع )
_ اذا بدك وصفة سحرية , قرقع متة مع الميرمية ( الها فوايد كتيرة وتحديدا للبنات )
_ بدك نصيحة يا حبيب , ما في أطيب من المتة بحليب ( اذا حبيتوا تغيروا شكل )
_ يا دلي يا دلي , على طعم المتة بالزعتر البري ( طعم طيب وفايدة كبيرة )

مع تحيات سليمان عمر
رئيس رابطة مقرقعي المتة بحلب

هلأ من ناحية تانية المتة تعرضت لحروب كتيرة منها الحملة اللي شنّوها عالمتة وانو شربها حرام لأنو الخنازير البرية بترعى بمزارع المتة مع العلم انو شجيرات المتة مرتفعة عن الأرض مو أقل من متر وهي فتوى شرعية عن مشروعية شرب المتة أو أي طعام أوشراب من مكان ترعى فيه الخنازير

حكم تناول طعام من مزرعة ترعى فيها الخنازير

السؤال
ما حكم شرب المتة إذا علم أن الخنازير ترعى وتأكل في حقول تزرع
فيها نبات المتة؟
الاجابة
المستشار : مركز الفتوى - الشبكة الإسلامية
الحمد لله والصلاة والسلام على رسول الله وعلى آله وصحبه أما بعد:

فأكل الخنازير ورعيها لنبات معين أو شربها من ماء أو غيره لا يحرمه ما لم
يشتمل على أمر محرم، كأن يكون مسكراً أو ضاراً ونحو ذلك، والمتة نبات طبيعي
يستعمل كالشاي، وله فوائد وينصح به بعض الأطباء، فلا حرج في استعماله ما لم
يشتمل على أمر محرم، كما ذكرنا ولو كانت الخنازير تأكله أو ترعى في أماكن
تواجده فإن هذا لا يحرمه.

والله أعلم.



عروبي والمتة مشروبي

أخي الكريم موسى شكرا لمرورك
وشكرا لأنك ضميت صوتك لصوتي ومن اليوم أنت عضو من أعضاء رابطة مقرقعي المتة

بالنسبة للوصفة سهلة وبسيطة المتة بشكل عام بتحتوي على مواد مساعدة على الهضم فشي طبيعي الواحد يشعر بالجوع, الحل بالنسبة الك انك تشرب متة عالخفيف ولما بتحس حالك جوعان ياأخي روح عالمطبخ وباشر طعام ولو طلعلك كرش بيضل اسمو كرش الوجاهة
جرّب تشرب ضرب متة بعد الغدا (طعمو رائع ومختلف)
أسعدني مرورك أدامك الله من المقرقعين