لائحة مطالب الطلاب في جامعة البعث ... سجل همومك و طلباتك !

AYMAN · **Posted:** Mon Jun 13, 2011 10:08 am

الله يجزيك كل الخير يافارس ويعطيك عــ قد نيتك الطيبة واكتر

وهي جيتك بــ قائمة المطالب يلي وعدتك فيا

هي القائمة بتشمل مطالب زملائي من قسم الترجمة انكليزي

1 - موازة التعليم المفتوح بــ التعليم النظامي من ناحية القرارات وعدم استثنائهم كما يحدث دائما
2 - امكانية التسجيل عن بعد موازة بــ جامعة دمشق نظرا لوجود نسبة كبيرة من خارج محافظة حمص
3 - منحنا اشرطة الفيديو المدفوع ثمنها من قبل الطلاب التي لا نحصل عليها دئما
4 - في بداية التعليم المفتوح كانت هناك ميزة رائعة جدا وهي قاعات مجهزة بــ كميرات لــ تسجيل جميع المحاضرات نتمنى اعادة هذه الميزة لعدم امكانية نسبة كبيرة نسبيا من الطلاب من الحضور .. واغلب اسئلة الدكاترة تعتمد على المحاضرات
5 - إجراء مسابقات خاصة بطلاب الترجمة للتوظيف, إقرار مادة طرائق التدريس أو إقرار دبلوم التأهيل التربوي للراغبين بالتعليم
6 - اعطاء فرص لــ طلاب المتفوقين بــ التقدم للــ ماجستير والدكتوره
7 - عدم اعتبار شهادة الترجمة مجرد ثقافة والاعتراف بها من قبل الدولة
8 - وجود مبنى مستقل لــ التعليم المفتوح
9 - الدوام للــ تعليم المفتوح في ايام الاسبوع وليس فقط في ايام العطل
10 - تخفيض رسوم المواد
11 - ان يكون هناك مخصصات من المدينة الجامعية لــ طلاب التعليم المفتوح
12 - تطبيق قرار رفع نسبة النجاح اكثر من 20% واعلان سلم التصحيح
13 - تطبيق اعلان البطاقة الالكترونية التي اعلنت عليه الدكتورة فاتنة الشعال لطلاب التعليم المفتوح في جميع الجامعات السورية وليس فقط في جامعة دمشق
14 - تطبيق كلام الدكتورة فاتنة شعال بخصوص نسبة الاسئلة خارج الكتاب 20% فقط علما في جامعة البعث تكون نسبة الاسئلة من خارج الكتاب 70%
15 - وجود مصلى بــ مبنى كلية الاداب بــ جامعة البعث موازة مع جميع الجامعات السورية

ليالي الشرق · **Posted:** Sat Jun 18, 2011 12:43 am

السلم عليكم الله يعطيكن العافية جد هيك حكي بتخلي الواحد عندو امل بالتعليم المفتوح وانو يصير الو نفس اكتر ليدرس ويتخرج ويكمل دراسات وماجستير ياااارب من هون لنتخرج بكون الوضع صار احسن وشكرا الكم

basseltop · **Posted:** Sat Jun 18, 2011 3:38 pm

والله كلامك مظبوط 100% وهدا الصح ولا يصح الا الصحيح وان من ناحيتي متفائل بالاصلاحات ومنتظر القرارات الجديدة بشان فرعنا الترجمة (تفائلوا بالخير تجدوه) والله يجيب العواقب سليمة :roll:

EhabBastouni · **Posted:** Mon Jun 20, 2011 1:48 am

بس ليش مفروض ع الطالب المستنفذ انو يدفع 500 ل.س ع كل مادة بدو يقدما

أبو الريم · **Posted:** Sat Jun 25, 2011 12:27 am

في مطالب محقة وفي مطالب تعجيزية

لمى · **Posted:** Sat Jun 25, 2011 2:14 pm

انا بس عندي طلب وحيد
انو الطالب اللي بآخر سنة الدراسية وحامل مواد من الفصل الدراسي التالت
يصير شي مشان مايضطر انو يستنى سنة بحالها متل ماصار فيني انا :cry:

والله حرام بعرف انها صعبة هو مجرد امل على امل انو يتحقق *good

bleeder · **Posted:** Mon Jun 27, 2011 12:05 am

نحن طلاب الادب الانكليزي عم نعاني من اللغة الاوربية الثانية يعني بيكفينا انو عم ندرس مواد ادبية تقيلة كتير من مسرح وغيرو ولسا كمان بيعطونا ادب فرنسي والله مو معقول ابدا يعني ما اختلفنا لازم ندرس لغة اوربية تانية بس مو ادبية و تقيلة متل الفرنسي اللي عم ناخدو ارجو منكم انو تفكرونا بحل

عصام · **Posted:** Mon Jun 27, 2011 12:37 am

bleeder,

Quote:

نحن طلاب الادب الانكليزي عم نعاني من اللغة الاوربية الثانية يعني بيكفينا انو عم ندرس مواد ادبية تقيلة كتير من مسرح وغيرو ولسا كمان بيعطونا ادب فرنسي والله مو معقول ابدا يعني ما اختلفنا لازم ندرس لغة اوربية تانية بس مو ادبية و تقيلة متل الفرنسي اللي عم ناخدو ارجو منكم انو تفكرونا بحل

بهالطلب بالذات مالازم تحكي بالجمع وتقول نحن
لانو وبكل بساطة مادة الفرنسي اللي عم بيتم اعطائها ولا اسهل من هيك اذا كنت ماشي فيها من الاول صح وانو 90 بالمية من الطلاب اللي عم بيقمدموها عم بيجيبو معدلات

ameer · **Posted:** Mon Jun 27, 2011 12:54 am

عصام,
شو مشان السنة الرابعة لازم يكون في الون دورة استثنائية غير الدورة الصيفية التالتة لانو الواحد اذا كان عندو مادة او تنتين من الفصل التاني رح ينتظر سنة كاملة
انا بقترح انو يكون في دورة استثنائية للسنة الرابعة حصرا وللطلاب اللي حاملين مادتين او تلاتة او اربعة ما بعرف اذا هادا الطلب تم طرحو ضمن المطالب او لأ

وشكرا جزيلا ل
عصام, و فارس,

عصام · **Posted:** Mon Jun 27, 2011 12:57 am

ameer,
كان في حكي انو يصير هيك شي للسنة الرابعة حصرا بقا مابعرف اذا بيزبط او لا

Latest Posts

Forum rules

لائحة مطالب الطلاب في جامعة البعث ... سجل همومك و طلباتك !