razan-bassam,
يمكنك الاطّلاع على هذا الموضوع الذي سيفيدك إن شاء الله:
viewtopic.php?f=4&t=24648

بالتوفيق


يارا العلي,
موفقون
ننتظر الأخبار الجيدة

أول شي بتمنى ماحدا من الإدارة أو المشرفين يحذف شي من كلامي وأنا مسؤولة عنو ...
وتاني شي قدمنا اليوم النثر ..وأهم شي إني خلصت تقديم..
خلينا نتناقش بالأسئلة وبتمنى من مشاركة كل الطلاب اللي قدموها..
بالنسبة لقسم الدكتور مروان:
عرف المسرح الواقعي متتبعا آراء الأدباء والمفكرين حوله....بظن كان متوقع والحمدلله كتبتو بس لابد من نسيان بعض الأفكار..وعليه 30 درجة
وبعد الامتحان صار في كتير اختلاف بالرأي بين الطلاب حول الإجابة المحددة المطلوبة والبعض قالوا إنو بدو مو بس النقاد الأجانب بل العرب أيضا..
لكن أنا ماصدقت هاد الكلام لحتى رحت لعند الدكتور وسمعت منو شخصيا وقلي شو المطلوب بهاد السؤال (فقط آراء:بيلنسكي-انجلس-مكسيم غوركي-هيغل)دون التطرق للمسرحيين العرب...
بس لما قلتلو للدكتور إني منقصة من رأي بيلنسكي آخر سطر فبروح عليه علامات؟؟فجاوبني طبعا ولابد من الإجابة الحرفية كما وردت بالكتاب وكل كلمة ننقصها نحاسب عليها بس يارب والله حرام هيك لأنو مستحيل نقدر نتذكر كللللل شي مع إني والله بعمري مادرست مادة متل هالمادة وحفظتها متل اسمي بس عضخامتها صارت الأفكار تفوت ببعضها وفقدت التركيز داخل القاعة..

أما سؤال الشكل الفني بمسرحية(القرى تصعد إلى القمر) فمابعرف ليش يختار هيك مسرحية بالتحديد وخاصة إنو الفقرة مافيها أفكار واضحة وقصيرة جدا وعليها 10 درجات

وبنجي عقسم روعة..
أنا بصراحة ما كنت حبها زيادة لأني كنت حسها مدري كيف
يعني مابحب أسلوبها بمعاملة البنات داخل المحاضرة لأنو التميييييييز عندها واضح للأعمى بين الشباب والبنات داخل المحاضرة
ومع ذلك بعمري ماكرهتها لأني أنا عادة مابكره حدا
بس اليووووووووووووم بعتقد حتى اللي بحبوها كرهوها ومابظن طلع حدا من المادة ومادعا عليها
بس فعلا شي موووووو طبيعي لما كررت سؤال بطرس البستاني اللي جابتو بالدورة التكميلية الماضية وبالفصل الأول السنة الماضية وقبلها بدورات كتير ورجعت هلئ كررتو
يعني مقرر طوييييييييييييل عريييييييييض ومابيجي منو غير سؤال واحد فقط ب20 درجة فلييييييش يتكرر نفس السؤال كلللللل دورة واللي كل الطلاب ماركزت عليه بنفس نسبة التركيز لبقية المحاضرات..يعني والله مابيعرف الواحد شو بدو يحكي على هيك دكاترة...يعني إذا قلتلكن إني والله راجعت الصبح كل المحاضرات باستثناء هالمحاضرة وإجا السؤال منها حول موقف البستاني من اللغة العربية..تذكرت 3 أفكار وشاهد واحد فقط


المهم أرووووووع شي الدكتورة رشا ..لك دخيل عينها
يعني مافي أجمل من أسئلتها وكل الطلاب بعتقد كانوا متوقعين هالسؤال اللي هو:
شروط السيرة الذاتيـــــــة وتطبيقها على نص الرهينة...خد ال20 كاملة فانشالله يارب...

بس الملاحظ لأ ول مرة عقسم مروان40 درجة
مو كان بس 30
وأيضا الازدحام الموووووووووو طبيعي وعدد الطلاب الهاائل اليوم وكلن حاملين النثر
وووقت رحت عمكتب الدكتور مروان خبرتو عن العدد الكبير لحملة النثر وقلتلو إنو كتيييييييييير طلاب ماعندهن غير هالمادة
فقلي إنو هو كمان تفاجئ بالعدد الهائل هاد بس أنا مافهمت كيف تفاجئ إذا هو بذاتو مرسب كل هالبشر
فطلبت منو التساهل بالتصليح فقلي(انشالله) فعسى أن يتساهل ...
وانشالله يارب كل حدا حامل هالمادة يخلص منها بهالدورة
ولابد من التفاؤل

وأنا اليوووووووم بكون خلصت صحي مادتين بس هلكوووووووني..
وكل عام وكلكن بخير..
بالتوفيق للجميع...
وبتمنى من عاشقة العربية تعطيني رأيك بالأسئلة
وشكرااا لألك كتييير كتير وعاهتمامك الدائم بطلاب الرابعة المغلوب على أمرنا ..

ليكي رح احكي بالعامية هالمرة .
اول شي، إني ضحكت كتير وانا عم اقرا ردك، لأنو حاسة المسلسل التاريخي نفسو عم يتكرر
لا تذكريني.. هاد السؤل اللي رسبت مشانو لك منيييييح اللي رد عليكي، كان يقلنا: انتو بس ادرسو، وادرسو كل شي، وكل شي رح يجي منو.
وما نعرف يعني شو طبيعة الأسئلة ع القليلة.
لذلك شكراً للدكتور اللي بيّن تفاصيل الجواب لحتى الطالب يتطمن. حلاوة هالسؤال انو معروف جوابو لأنو بآآآخر المسرحية، لذلك ممكن ينحل وتنجاب فيه علامة حلوة.

ومع هيك أسئلة د. مروان ما فيا أي شي وبرأيي أكتر ما في بصصصصصصصم للكتاب ما أكتر، وهاد حقو على الرغم من ضخامة المنهج وحفظ التفاصيل الدقيقة

حدّث ولا حرج إحدى ضربات د. روعة بمادة الشعر بزمانو، انو جابت لدفعة 2009 سؤال كان بـ 1999- 2000 تخيلو ووقتا كان السؤال عن جزئية صغيرة بالمحاضرة الأولى مع شواهد، بعترف أنو كلنا كتبنا هالجزئية الصغيرة، بس بدون شواهد لأنو ماااا كنا منعرف شو هي الشواهد، لأنو ما عطتنا ولا نص شاهد، ووقتا ع سهولة مادة الشعر الكل رسب
الدكتورة عندا عادة تكرار الأسئلة، بس بطريقة غريبة.

بس خلينا نتفق أنو هي ما جابت شي من برا المنهج، وإنما جابت شي مانو متوقع، يعني اللي ما قرأ أسئلة الدورات ممكن يقدر يجاوب ويتذكر.

وأحلى شي لما الواحد بيأمن ع قسم وبيجيب فيه منيح وبيعرف طبيعة الأسئلة، بيطمن وبيتفاءل، متل قسم د. رشا
ان شالله يارب بتطالعو هالمادة هي وغيرا، لأنو طالب الرابعة بينحرق دمو ليخلص، وخصوصي لو علّقت مادة
من كل قلبي موفقين

وشكراً يارا , ع التقرير
بس رح عدّل ردك شوي صغيرة