مرحبا.. أول شي شكرا كتير لكل أعضاء المنتدى اللي لولاه ماكنت حإقدر كمل دراسة من دون دوام.. بس عندي سؤال في حدا بيعرف شو رح يعطو الدكاترة بالفصل التاني للسنة الرابعة انكليزي لأني أنا ماحداوم بس رح انزل عالفحص وحابة ابلش دراسة من هلأ اذا في مجال لشي مادة عرفت دكتورا شو حيعطي وخاصة الروايات والمسرحيات.. وشكرا كتيير مرة تانية

شكرا كتير إلك أخ ابراهيم وعم انتظر إذا عرفت شي جديد

siba-m,
بس نزلو بالكلية اي شي بيتعلق بهالخصوص بتلاقي موضوع بيخبرك كل شي ولسا حين على هالشي

ابراهيم شما,
خفف شوي

شو اللي حينحل وكيف

siba-m,
أختي
جواب سؤالك بايدك ...كيف بئا .. أنتِ فرضاً بتعرفي مواد الفصل التاني و بدك عاد تقدري تقدير .. يعني :
الادب المقارن ..
عطاها بالفصل الاول الدكتور فؤاد من الكتاب القديم المعروف نفسه تبع الفصل الاول و أنت عرفت أنو أسلوب هالدكتور هوي الدراسة من الكتاب مثلا و مواضيع من الوحدات .. يعني إذا كفا معكن للفصل التاني حيكون نفس الاسلوب فلازم إذا بدك تبدي دراسة تبدي مثلا بقراءة الوحدات الستة الباقية بالكتاب للاطلاع علين و ترجمتن ..
و إذا عطا المقارن الدكتور جانسيز فكمان نفس الاسلوب ..
أمـــــــــــــا إذا عطاها متل السنة الماضية الدكتور الياس خلف فلا تقربي ع الكتاب و استني لأنو احتمال كبير وقتها تكون أتمتة .

الأدب العالمي :
حسب السنة الماضية عطا الدكتور مؤيد مسرحية غلغامش و بستان الكرز و الدكتور حلمي مسرحيات للوركا و قصة عاصفة الاوراق لماركيز ... غالبا الدكتور حلمي ما بغير .. ع عكس الدكتور مؤيد .. الي بايدك هلء تقرأي يلي بتقدري عليه من هالاحتمالات.

المسرح الحديث :
وكمان حسب السنة الماضية عطاها الدكتور المميز محمد حاج محمد .. و رغم أنه مو وارد كتير يرجع يعكي هالسنة .. بس مابضر ع كل حال ازا عرفتي أو قريتي شو عطانا السنة الماضية بهالمادة: مسرحية انتظار غودو ، و ميجر باربارا

الادب الامريكي :
كمان إذاا كان الدكتور ماجد .. فكمان ع الغالب ما بغير بين تلاتة : يا رواية : حرف قرمذي ، ديزي ميلر ، جوهرة ,,,

طرائق التدريس :
مابعرف أي شي عنها ..
إذا كنت دارسة مزبوط كتاب الي عطاكن منو هالسنة الدكتور بالفصل الاول فشي كتير منيح

ترجمة :
بتعرفي مالها غير قراءة و قراءة و قراءة مقالات بالانكليزي _عربي من الاخبار ومن هون وهون .

بتمنى كون فدتك بشي

و بتمنى كمان أنو محدا يحط ردود بلا جدوى ابراهيم شما,

مرحبا.. سمعت أنو الدوام بلش تقريبا فحدا بيعرف اذا الدكاترة حددوا أسماء الروايات والمسرحيات المطلوبة .. وبأي مسرحية أو رواية بدن يبلشو إعطاء.. شكرا كتير لكل أعضاء ارتين

جد يا ريت حدا يخبرنا شو عم يصير بالجامعة

siba-m,
اي سمعياتك صحيحة
كلو بلش وعم بيقول يارب دغري
من ناحية العالمي فالروايات هن عاصفة الاوراق والتراجيديات التلاتة ورواية تالتة

شكرا كتير.. بس الأمريكي في شي بتعرفوه عن الروايات أو بشو بدو يبلش