بروين,

أولاً أنا بكره هالكلمة كتير
تانياً أعتقد معناها سيء يعني حمش الخلق أي سيء الخلق
ويعتقد بيقولوها عن الرجل اللي ايدو الضرب والعصبي واللي على اساس بيغار وووووووو
باختصار عزيزتي
الرجل اللي بيضرب ما بعتقد فيني سميه رجل

والرجل برأيي هو الانسان المتفهم المنطقي الانسان اللي بيناقش وغير متسلط
ممكن يكون عصبي بس هاد ما بيخليه يكون مجنون
بيحب وبيغار وبيخاف على عرضوا أكيد لأنو انسان بس ما بيتصرف برعونة وبيحل أي مشكلة بعقل

لا تقولي ما في هيك رح قلك في
بتمنى كون جاوبت على أسئلتك

دمت بود

rehab,
رغم كل المنطق اللي بيحملو ردك.... بس مع ذلك نظرتك للحياة رومنسية

الله يبعتلك رجل الأحلام اللي ببالك...وبهالصفاة الحلوة اللي متمنيتيا

بروين,
يا حبيبتي يا بروين بعتقد التعريفات اللي حطيتيا للرجل الحمش كتير جائرة وظالمة ومبالغ فيا
لأنو هالكلمة إيجابية... وهي صفة ضروري وجودا بالرجل ليكون رجل...أما الأشيا اللي أنتي ذكرتيا فبتنطبق عالرجل اللي ممكن نوصفو"شوارعي- قاسي- عصبي- إلخ..."

لأنو تعي لقلك شغلة
ميزة رجال الغرب اللي تربو بثقافة الغرب وأكلو من أكلو وشربو من ميتو... أنن بغاروا بس مانن حمشين
لأشرحلك كيف:
يعني وقت رجل بشوف مرتو مع واحد تاني... بغار وبينزعج وأنو أنا شو ناقصني لتروح لعند واحد تاني.... بينما ما بفكر أنو عرضو انتهك وشرفو اتدنس وما بعصب "التعصيبة الضرورية لتمنع وترعب المرأة أمام المعصية"

لأنو الله قال بالقرآن "الزانية والزاني" وقدم الزانية على الزاني لكثرة احتمالية المرأة بارتكاب المعصية وهادا دليل ضعف المرأة... وأحياناً وقت ما بخوفا الله وعقابو والآخرة
ممكن تخاف من قسوة المجتمع
وهادا شي كتير ضروري.... ولو نوجدت بمجتمع فاسد بيسكت عن الإمرأة الناشز لخربت الدنيا

بس لو كانت متزوجة...صعب يكتشفا المجتمع... لهيك لازم تخاف من زوجا... ولازم تعرف أنو هو حمش وناطرا عذاب مرير لو نشزت وإلا كمان بتخرب الدنيا

وكلمة حمش هادا معناها... أنو بعاقب زوجتو عقاب مرير وعسير لو نشزت... ما بالضرورة الزنا... يكفي تعدد العلاقات ... وهالشي فيه صيانة للمجتمع وطهارة الأسرة
"طبعاً وجود الرجل الحمش هو رد فعل على وجود نساء ضعيفات دينياً أو أخلاقياً... "

أما لو إمرأة سوية... فحتى الرجل الحمش بعاملا بكل لطف ورقة... لأنو

ما معنى كلمة حمش :عصبي وبيضرب وبسبسب و و و و
هي فقط مقترنة بشدة وعنف ردة الفعل في حال نشوز المرأة "أخلاقياً"...فقط

بقا
اللي بغار عحبيبتو اسمو غيور ما حمش

بروين,
فرحتيني
لأنو بالعادة البنات عندن تعصب لأي شي بوقف قدام حريتن ... أحياناً قبل التفكير بمدى الحرية ونوع التقليد
وأغلبنا منوقف ضد فكرة "الرجل " بحد ذاتو..... "سواء حمش أو لأ
فكيف إذا نضافت لصفاتو صفة رجولة إضافية

طبعاً بالنهاية الصح أنو الرجل يعبي مركزو.... سواء رضينا أو لأ
لهيك أنا بحب الرجل الحمش
وشكراً إلك

الملاك,

اذا كان معنى كلمة حمش بالعربية متل ما قلتي فممكن غير رأيي فيها وحبها
لأني كنت بظن أنها مو حلوة
لازم دور على معناها

وبالنسبة لدعوتك اللي برجل الأحلام متل ما بدي

فالحمد لله الله بعتلي اياه من زمان

دمت بود

بروين,

كلمة " حمش " سمعتها كتير قبل سنتين و لحد هلأ بسمعها كتير من وحدة من رفقاتي ... كنت كتير ابتسم وقت اسمع هالكلمة منها و رفيقتي وقت كانت تقولها كانت تقولها بطريقة محببة و حلوة كتير ... و كانت تردد دائماً أنها بتحب الشب " الحمش " و كانت توصف الشب الحمش بأنو الشب القبضاي , بس مو القبضاي ألي عقلو بإيدوا ها , المحترم كتييييير و ألي بغار على عرضو و بخاف على أهل بيتو , صاحب النخوة , و كانت تضيف صفة و هي " الشب الممتلئ الجسم قليلاً " ... و أنا من وقتها و حتى من قبل ما كنت أستهجن هالكلمة بالعكس كان وقعها عادي بالنسبة لألي
و الحلو أنو رفيقتي وقت ارتبطت قالتلي بأنو الحمد لله شب حمش متل ما بحب
الملاك,
حلو الكلام

شكراً كتير ل عزيزتنا بروين, على الموضوع الحلو

بروين,
بظن انك ما عرفانة شو معناة كلمة حمش وعم تخلطيا مع صفات تانية هادا أنا بسميه مبوجأ
طبعا الحمش مالو علاقة بالصريخ نهااااااااااااااااااااائيا
الحمش هو اللي بتكون ردة فعلة قوية وغالبا نتيجة الغيرة وأنا هدول بموت فيون وعندي العائلة الكريمة كلون هيك
يعني في عندي أخوي الصغير اللي أصغر مني بشي 8 سنين وقت بعصب مني اني ضحكت بالشارع أو هيك شي بطير عقلي فيه وبحسو هو اللي اكبر مين ب8 سنين هادا للأسف مانو حمش
بعرف هيك نماذج وهدول أبعد ما يكونو عن الحمشية
لأنو الحمش بالعرف عنا هو اللي بكون غيور كتير وطبعا أكتر من 95 رجال مجتمعنا هيك ولله الحمد بس هادا النوع تبع اللي بدو يتحكم فيا عالطالعة والنازلة ويتدخل بأدق تفاصيل حياتا فهادا بكون معو مرض نفسي اسمو (سي السيد) ويللي بينظر للمرأة نظرة على انها كائن أقل منو مرتبة ولازم ما يكون الها كلمة ولا حتى نفس تتنفسو الا بأذن حضرتو
انو ما يكون بحبني