السلام عليكم :

هلأ حتى وقتنا الحالي

للأسف اذا ما تخرج الطالب عالفصل التاني الرسمي بتروح عليه للسنة اللي بعدا  

بس من هون لتتخرجي يعني بعد سنتين ما بتعرفي يمكن بلكي يصير فيي تغيير

بالتوفيق  

مسا الخير للكل

اخت portia شكرا لردك ,بس كنت حابب استفسر أكتر عن الموضوع واذا حضرتك متأكده منو
يعني هلأ اذا طالب السنه الرابعه تخرج بنتيجة امتحانات الدوره الفصلية التالتة ما بحقلو يقدم ع مفاضلة الماجستير؟؟ (يعني هل يعامل معاملة خريج التكميلية في السنوات السابقة)
بتمنى منك ومن القائمين عالموقع بعض التوضيح لأنو الموضوع حساس جدا  -في عالم عمتترك مواد طمع بالمعدل ومو حاطين هالشغله ع بالن-
واذا في شي لينك أو مصدر لنص القرار بكون ممنووون  
بانتظار الرد
شكرا    

السلام عليكم :

mhmood

أخي محمود لا تغامر و تأجل مواد للفصل الثالث

يعني بالسنة الماضية اللي كان يطلع عالتكميلية كانت تروح عليه الدراسات لهل السنة

لسبب انو امتحان اللغة الخاص بالماجستير كان بشهر آب في حين فحص التكميلية بأواخر آب

يعني اللي تخرجوا رسمي لحقو تلحيق التسجيل لهل الفحص لأن بتعرف بيأخرو باصدار النتائج الفصل التاني

فهالسنة ما بنعرف اذا لج يصدر قانون يأخرو فيه اجراءات التسجيل للدراسات

بس ما بظن ولحد هلأ ما صدر شي بهالخصوص

مشان هيك لا تغامروا وحاولوا اطالعوا كل مواد الفصل الاول بالفصل الاول

اما مشان المعدل فنصيحتي :

اذا حلمك الدراسات , حاول تنفد و اطلع موادك كلا  بهالفصلين , هاد هدفك الاساسي خليه يكون

ولا تفكر بالمعدل غير اذا مادة بتعرف انك متمكن فيها و بتجيب فيا اذا اشتغلت عليها شي شوي

لأن ترى السنة طويلة ومملة وحرام الانتظار

و سآل مجرب    

السلام عليكم :

msan,



بس كنت لسا مو معدلي بروفايلك  

شكرا كتير عالرد وعالنصائح الحلويين اخت portia



ومين قلك ما جربت    
ما أنا كمان تخرجت السنه الماضيه عالتكميلية و ياريت شي حرزان ماده وحده بس

والقصد من سؤالي انو ننبه رفقاتنا بالسنه الرابعه .وبنفس الوقت نعرف ايمتى رح تصدر اعلانات الماستر (بتعرفي شهرين بيفرقو معنا كتير) وخصوصا نحن الشباب الجيش لاحقنا
بتمنى منك اذا عرفتي شي جديد وأكيد عن هالموضوع تنزليه بموضوع جديد وانشالله بكون الك نصيب بالماجستير السنه اذا حابه

مره تانيه شكرا كتير الك