[align=center]الاتصالات تختار 5 شركات للتنافس على رخصة المشغل الثالث وتستبعد شركة إيرانية[/align][/color][/font]

أعلنت وزارة الاتصالات يوم الاثنين أنها اختارت خمس شركات للتنافس على رخصة المشغل الثالث للهاتف المحمول في سورية من بين ست شركات تقدمت بعروض, وذلك في المرحلة الأولى من مسابقة منح الرخصة.


وقالت الوزارة في بيان لها, نقلته وكالة رويترز, إن "الشركات الخمسة التي تم اختيارها هي "فرانس تليكوم" و"تركسل" التركية, ومؤسسة الإمارات للإتصالات (إتصالات) والاتصالات السعودية واتصالات قطر (كيوتل), فيما تم استبعاد "تامكو" الإيرانية.

وكانت وزارة الاتصالات أعلنت اواخر ايلول الماضي عن بدء مرحلة التأهيل الأولي لإجراءات منح رخصة ثالثة للاتصالات النقالة بغرض تنفيذ وتشغيل شبكة للاتصالات النقالة وتقديم خدمات الاتصالات الخلوية على الأراضي السورية.

وشملت المرحلة الاولى, مرحلة التأهيل الاولي, تقديم عرض تأهيل يتعلق بإمكانياتها وانتشارها وغيرها من الأمور التي تظهر قدراتها التشغيلية وملاءتها، وذلك خلال مهلة أقصاها 14 تشرين الثاني الجاري.

وستدخل الشركات الخمسة التي تم اختيارها في المرحلة الثانية وهي مرحلة التقييم الفني والتشغيلي, اذ يتم خلالها دراسة وتقييم العروض الفنية والتشغيلية والاستثمارية لتلك الشركات المؤهلة أوليا ليتم بعدها ترشيح الشركات التي قبلت عروضها للمرحلة الثالثة.

أما المرحلة الثالثة فتتضمن مزايدة بين هذه الشركات يمكن أن تكون على عدة جولات، تجري في يوم واحد يحضرها العارضون والمراقبون، بحيث تحال الرخصة على الشركة مقدمة أفضل عرض مالي على أن يحدث الفائز بالعرض شركة محلية في سورية وفق القانون السوري

وتعد شركتي (سيريتل) و(ام تي إن) الشركتان المشغلتان لخدمة الاتصالات الخلوية في سورية بالشراكة مع مؤسسة العامة للاتصالات عبر عقود بي أو تي لمدة 15 سنة قابلة للتمديد 3 سنوات وتستحوذان على نحو 10.2 مليون اشتراك في سورية.

شكرا عالنقل
بس لازم نتأكد ان المشغل الثالث سيكون فقط عملية نسخ و لصق يعني نفس الخدمات بسيريتل و ام تي ان نفس العروض و الأسعار يعني ما رح يتغير شي بس اسم جديد هي إذا كملت الحكاية
Thank you

Brilliant Moon,
له يا معلم .... كأنك ما عرفان شو الطبخة ؟

تحويل رخصة سيريا تل و ام تي ان من نظام BOT ( نظام تشارك الأرباح و الأسعار مع وزارة الاتصالات ) ليصير نظام رخصة مستقلة هو اللي رح يلعب كل الفرق ...

المضمون ع الأكيد انو رح تنزل الأسعار و الرسوم بنسبة 25% .... بس انا بقلك انو أكيد هالخمس شركات ما عم يتنافسو لينزلو بسوريا بنفس عروضهم و اسعارهم برا ! التنافس هو أنو رح ينزلو بسوريا و يطرحو أسعار أرخص أكيد و بالتالي سيريا تل و ام تي ان رح يخسرو المشتركين ازا ما نزلو أسعارهم كمان ... بس كل هاد ما بيعني انو تنزل أي شركة أجنبية و تعطي أسعار بنفس أسعارها برا ( مع أنو فينها و ما في أي شي بيمنعها ) بس ازا عملت هيك منين رح تطالع الربح المضاعف اللي عم ترتقبو و دفعت كتير مشانو لتنزل بسوريا ؟
لا تنسى كمان انو وزارة الاتصالات طلبت مبدئيا مبلغ قيمتو 25 مليار ليرة سورية من كل من سيريا تل و ام تي ان و الشركة اللي رح تنزل جديد حق الرخصة المستقلة لحتى تتركهم من سيطرتها و مشاركتها للأرباح معهم ... و هاد المبلغ رح يصير مزايد فيه و دفع أكبر بالنسبة للمشغل الثالث بالمرحلة الأخيرة ازا كان في أكتر من واحد مرشح و مستوفي كل الشروط و وبقيت بس ع مين بيدفع أكتر

Brilliant Moon,

أهلا وسهلا بك ، وشكرا على مرورك

فارس,

شكرا لمرورك أخ فارس وشكرا جزيلا على هالمعلومات يلي أفدتنا فيها ..

تقبلوا تحياتي ودمتم بخير

noor شكرا على المعلومات

شكرا إلك
يعني نحنا أكيد نتمنى يتطور الوضع بالنسبة لشركات الموبايل و يصير عندنا عروض و منافسة قوية بين المشغلات و إذا صح التعبير بلكي تصير منافسة شرسة مع المشغل الجديد يلي انشاء الله و نتمنى يحررنا من المشغلات الحالية الضعيفة مقارنة بالدول الأخرى و عروضها و خدماتها و تسهيلاتها الرائعة و أنا رح كون أول مشترك بالمشغل الجديد و هي رقمى 000001
شكرا كتير و تقبلو مروري

ولك حكط بلاخرج كلو حكي بحكي

و الله انا سألت و لقيت الجواب ان الوضع سيبقى على حاله و رح تبقى مشغلات مرتبطة بمؤسسة الاتصالات و بالتالي خمسون بالمئة من تعرفة الدقيقة للاتصالات و خمسون بالمئة للمشغل و بهالحالة ما رح تقدر المشغلات تخفض التسعيرة إلا إذا على حساب حصتها و إذا بدها تعمل شبكة منفصلة عن مؤسسة الاتصالات بدها ميزانية كبيرة و فترة تقريبا 3 سنوات.
لكن الشي الجديد يلي رح يصير هو ان مؤسسة الاتصالات ستصبح شركة الاتصالات يعني متل الشركة الخاصة متل ما عملت السعودية.