و بعدين معنا؟؟؟؟!!!!!

manoo · **مرسل:** الاثنين أكتوبر 25, 2010 11:20 pm

[align=center]متل اي يوم عادي عنا فيه محاضرات منروح عالقاعة منلاقي المقاعد كلها كتب من قبل بساعتين "يعني محجوزين"

حتى الارض محجوزة

و طاولة الدكتور و الشوفاجات و طبعا طبعا يلي ما طلعلو جزء من الحيط او الطاولة او الارض بروح بجيب كرسي و بحطو بكل مكان فاضي بالقاعة
و خلئة القاعة صغيرة ودوبها سايعة طاولة الدكتور وهي الحالة طبعا موجودة حتى بالمدرجات يعني نفس الشي منجي منلاقي واحد حاجز ل15 شخص وطبعا المتعارف عليه انو هدول ال 15 بيجو قبل ما تبلش المحاضرة ب دقيقة او اذا حبو بعد ما يفوت الدكتور ونحن مناكل هوا انتو اكبر قدر

و بعدين معنا ومع هالحالة هي ؟؟؟؟؟

شي مو طبيعي ومو مقبول ابدا ابدا انا و اي حدا متلي وطبعا متلي متايل ما نقدر نحضر محاضرة عالقاعد بس لانو زنبنا جينا قبل بنص ساعة من المحاضرة
لك يا جماعة شي متل الكذب القاعة او المدرج عم ينحجزو قبل المحاضرة ب 3 ساعات اذا مو اكتر ونحن اعدادنا مو قليلة ابدا
يعني بدنا حل و حل جزري يا يحطولنا كل محاضراتنا بمدرجات يا اما يطلعو قرار ممنوع الحجز

و بعدييييييييييييييين[/align][/color]

عصام · **مرسل:** الاثنين أكتوبر 25, 2010 11:28 pm

اقتباس:

و بعدييييييييييييييين

ولا قبلين
هيك الوضع رح يظل عطول بقا لاتعذبي حالك بس انو يالله فشيتي قلبك شوي بهالموضوع

اقتباس:

يا اما يطلعو قرار ممنوع الحجز

من دون قرار شي معروف انو ممنوع الحجز بس اللي عم بيصير انو ذوقا وتلافيا للمشاكل لما بتلاقي انو محجوز بتتركي الحجز وبتروح عليكي
يعني في حال شلتي هالدفتر المحطوط وحطيتيه عجنب ماحدا بيطلعلو يحكي معك حرف من ادارة الكلية بس اللي رح يصير انو رح يجو اصحاب الحجز يسمولك بدنك بانو مابيصير وشو قلة هالذوق و و و
ييييييي انا الي كم علقة مرتبات بهالمجال
والله في طالبة هي ورفقاتا لهلأ كل ما بيشوفوني بيزاوروني بلئم من ورا هيك قصة
يالله قربت وتتخرجي وتلخصي من كل هالقصص وتتركي الشقا عمين بقا

العربية · **مرسل:** الاثنين أكتوبر 25, 2010 11:35 pm

manoo,
ذكرتيني بالسنة الأولى كانت السنة الوحيدة اللي داومت فيا عالواقف
طبعا وبعدا تجوزت وماعدت داومت
ليك حبيبتي بكرا كل هالحكي بصير ذكريات حللللللللللوة
اسأليني أنا بكرا بتتذكريا وبتضحكي لأ وبتتحسري على هالإيام
ماتزعلي وفضفضي عراحتك متل ماقلك عصام وبتهون موفقة وعقبال التخرج

ديمة · **مرسل:** الثلاثاء أكتوبر 26, 2010 12:32 am

اعملي متلي أنا مرة سالت متى يجي الدكتور

..........سؤال عادي يعني بس الحلو رد المراقب ..... قلي قبل شوي كان واقف جنبك

........... بالمختصر المفيد أنا يا ستي درست الجامعة كلها ما بعرف وجه دكتور الا لما حدا يحكي بصوت عالي وقت الامتحان انو الدكتور الفلاني هاد وعمري ما قدمت حلقة بحث

وليكي اتخرجت واعتمدت على حالي بكل المواااااااااااااااااااااد

ملاحظة : فشيت خلقئ معك انا منشان ما تزعلي ها

على قولتكن انتو جماعة الانكليزي : Would you take easily

manoo · **اشترك في:** السبت إبريل 21, 2007 1:38 pm

والله انا معكن بكلشي بس عنجد شي ما بينحمل
يعني بعرف انها رح تصير ذكريات والذي منو وبعرف انو صرلي عمر بالجامعة وحلي اتعود بس احيانا الواحد بتوصل معو انو بس بدو ينفجر و ينفس عن الغضب الكامن في عروقه ههههههه

بس الاحلا من كل قصة الدفاتر قصة انو حدا يكون متخرج ومخلص بس انو بيجي و بيحجز محلين يا بيحضر مع رفيقتو يا شي حدا من رفقاتو يعني ما بحس انو الوضع غلط؟؟؟؟؟
طيب ترك محل لاصحاب العلاقة ليحضرو انتا شو جايبك؟؟؟؟؟؟

لك اذا مو منشان تترك محل منشان انو شو جايبككككككككك

شو صاير بالدنيا حتى تحضر شي انتا مخلصو ؟؟؟؟؟شو الله جابرك؟؟؟؟؟

عصام · **مرسل:** الثلاثاء أكتوبر 26, 2010 5:12 pm

اي حاجة ذكريات قال ذكريات
عفن قلبنا من هالذكريات

وانو ليش عم حس الكلام للجارة اسمعي ياكنة

manoo · **اشترك في:** السبت إبريل 21, 2007 1:38 pm

عصام مين الجارة ومين الكنة

هههههه الظاهر يلي فيه شوكة بتنخزو

عصام · **مرسل:** الثلاثاء أكتوبر 26, 2010 5:40 pm

امممممممممممممممممممممم
بس انو بينعدو عالاصابع الحالات اللي ذكرتيا وباينتك شايفة شي حالة
وانو قد ماكانو كتار مو معقول يوصلو لانو يعبو قاعة بكاملها او انو نص قاعة او حتى يادوب نص مقعد

zozo · **مرسل:** الثلاثاء أكتوبر 26, 2010 7:20 pm

طب شو رأيك يا مانيا بيلي طلع من الشام لحمص خصوصي لاحضر النقد وماصحلي مكان ....... بربك مو شي بيقهر

manoo · **اشترك في:** السبت إبريل 21, 2007 1:38 pm

عصام شايفة حالات مو بس حالة وحدة

LATEST_POSTS

قوانين المنتدى

و بعدين معنا؟؟؟؟!!!!!

الموجودون الآن