[align=center]السلام عليكم ورحمة الله وبركاته:





كما يمكنكم تحميل برنامج اللقاءات ليومي الجمعة والسبت من المرفقات.




والسلام عليكم وكل عام وأنتم بخير [/align][/color][/font]

برشلوني,

وعليكم السلام ورحمة الله وبركاته

على راسي والله أخ عبد القادر ، الله يعيطيك ألف ألف عافية ، ويسعدك ويوفقك ، عنجد صرلي زمان ناطر هالبرنامج العظيم ، والحمد لله أخيرا طلع

تم إعادة تصنيف الموضوع الى قسم المواضيع المثبتة في الإعلانات


تقبل تحياتي ودمت بخير

NOOR TALEB,

لا شكر على واجب اخي نور .

برشلوني,
شكرا كتير كتير

بس بدي اتغالظ شوي واسال كام سؤال
ايمتى بيبدا التسجيل للمستجدين السنة اولى اللي متل حالتي وايمتى بيخلص
وشو بيلزملنا وراق وازا بيصير حدا يسجل عني لانو بجوز كون مسافرة هلاسبوع؟؟؟؟؟


وشكرا سلف

lili.,

الله يسامحك ، شو تتغالظي ، نحنا ليش هون ، نحنا موجودين لخدمة زملائنا الطلاب ، وماحدا إلو من نية علينا.

ومنشان التسجيل ، تكرم عينك ، هاد رابط الموضوع يلي بيفيدك.

بدء تسجيل الطلاب المستجدين في برامج التعليم المفتوح في جامعة البعث للعام الدراسي2010-2011

والتسجيل قرب يخلص آخر نهار 28 الشهر ، ومنشان الأوراق ، بوقتها كان بدن يمكن شي 10 أو 12 صورة ، بالإضافة لصورة عن شهادة البكالوريا ، والهوية الشخصية الجديدة ، بالإضافة إلى إنو بدك تشتري إضبارة من نفس مركز التعليم المفتوح ، وتعبي البيانات يلي فيها ، بدن شي ساعتين كتابة ، جهزي حالك


وكل مادة 3000 ل.س ، بقى حسب عدد المواد يلي بدك تنزليها ، بدك تحسبي حسابك ، وفي كمان رسم تسجيل شي 250 ل.س كان ..

هادا يلي إتذكرتوا ، وقت سجلت أنا ، بتوقع إنو مافي تعديلات أبدا.


بالتوفيق إنشاء الله

NOOR TALEB,
شكرا كتير عم عزبك معي
بس بتعرفلي ازا بيصير حدا يسجل عني لانو مضطرة سافر وبخاف يروح عليي التسجيل

lili.,

أهلا وسهلا lili. ولا يهمك


فعلا بيصير يسجل عنك ولي أمرك ، أو شخص معو وكالة قانونية منك


تقبلي تحياتي

صحيح نسيت قللكن

اليوم رحت على الجامعة , منشان أداوم ، بس المشكلة إنو البرنامج كان متغير والعالم كلها فايتة بالحيط

المهم ، رحت فتحت شباك لوحة الإعلانات ، وصورتلكن البرنامج ، وهلق صار عنكن


إنشاء الله يعجبوكن الصور

الله يوفقني ويوفقكن


تقبلوا تحياتي

Mazen Aloush,

لا شكر على واجب اخي مازن وان شاء الله منكون عند حسن ظنكم