صحيفة ايطاليا ترفض بناء المساجد ردا على رفض السعودية بناء كنائس

basico · **مرسل:** الخميس سبتمبر 30, 2010 11:26 am

صحيفة إيطالية ترفض بناء المساجد
رداً على رفض السعودية بناء كنائس

دعا الكاردينال الإيطالى “ديونيجى تيتامانستى” رئيس أساقفة روما السلطات الإيطالية إلى ضرورة السماح ببناء مسجد بروما حتى يتمكن المسلمين من أداء شعائرهم الدينية بدلاً من استئجار خيم لأداء صلواتهم ومن منطلق أنّ لكل فرد الحرية فى ممارسة أمور دينه.
وذكرت وكالة أنباء “آكى” الإيطالية أنّ صحيفة “لابادانيا” الإيطالية وهى صحيفة رابطة الشمال الشريك الرئيسى فى ائتلاف يمين الوسط الحاكم فى إيطاليا قالت إنّ الكثير من البلدان المسلمة مثل المملكة العربية السعودية لا تسمح ببناء كنيسة على أراضيها.
وطالبت الصحيفة بتطبيق مبدأ المعاملة بالمثل مستشهدة بأقوال البابا السابق “يوحنا بولس الثانى” فى الدار البيضاء خلال اجتماع مع الشباب المسلم عام 1985، حيث قال إنّ “الاحترام والحوار يقتضيان التعامل بالمثل فى كافة المجالات خاصة فى ما يتعلق بالحريات الأساسية، ولا سيما حرية الدين“.
وأشارت الصحيفة إلى أنّه فى كثير من البلدان المسلمة مثل المملكة العربية السعودية توقع أقصى العقوبات بحق من يقوم بأى عمل من أعمال العبادة المسيحية، موضحة أنّه لا أحد اليوم فى العالم الغربى يعتقد بشكل عقلانى بمنع بناء أماكن العبادة، فهذا ما تميله علينا ثقافتنا القانونية ذات الجذور الأوروبية، لأن المسيحية جلبت معها احترام الحرية بشكل مطلق، واعترفت جميع الدول الغربية بميثاق حقوق الإنسان والحرية، كل الدول ما عدا المسلمين –على حد قول الصحيفة الإيطالية

Your sincere:BASICO

فادي · **مرسل:** الخميس سبتمبر 30, 2010 1:04 pm

عندي سؤال انو السعودية لمين بدها تبني الكنائس ازا ما عندها و لا مواطن مسيحي واحد ؟
يعني ليش نحنا ما عنا معبد سيخي او بوذي لانو ما منحترم ديانتن ؟
رح تقلي للمقيمين بقلك المقيمين بيعرفوا سلفا قبل ما يجوا ع السعودية انو ما فيها كنائس و ما حدا جبرهم يجوا وما حدا جبرهم يضلوا
رح تقلي ايطاليا كمان نفس الشي
بقلك لأ لانو ايطاليا فيها كتر من مليون مسلم وهي مجبرة انو تحترم مواطينها لانن حاملين بسبور ايطالي

basico · **مرسل:** الخميس سبتمبر 30, 2010 1:43 pm

عزيزي فادي بيرقدار:
1-بياناتك تذكر أنك طالب لغة عربية في السنة الثالثة فأرجو منك أولا أن تعلق باللغة العربية التي تتباهون بها وأنتم لا تحبون استخدامها
2-القياس الذي أجرته هو مغالطة منطقية:ايطاليا مجبرة في نظرك على بناء المساجد لأنها احترمت المسلمين واعطتهم الجنسية لأنها اعتبرتهم بشرا مساوين لمواطنيها
أما السعودية لم ولن تعطي المقيمين على أرضها الجنسية لأنها تعتبرهم مشركين كفار
والمشرك هو نجس,مع العلم أن كل التكنولوجيا التي نستخدمها و بما فيها كومبيوترك الشخصي هي من صنع الكفار فهل نقاطعهم.........؟؟؟؟؟
3-انها العنصرية بحجة المقدس فالبشر كلهم متساون أمام (الله) ولا يوجد شعب مختار والا لماذا نحن نرفض الفكر الصهيوني
4-لنفكر بعقل نير وبارد و مفتوح دون تعصب
your sincere:BASICO

فادي · **مرسل:** الخميس سبتمبر 30, 2010 1:54 pm

اولا انا حر بعلق باللغة الي بدي ياها وحبي للفصحى مو معناتو بكه المحكية ولكل مقام مقال
تاني شي للمعلوماتك ان كتير من الايطالين المسلمين هنن من ايطاليا واسلمو بعدين يعني مو تمننت عليهم بالجنسية متل ما عم تحكي
تاني شي لما ايطاليا بتعطي جنسيتها لو لكلب بدها تحترمو و نفس الشي السعودية
تات شي ما بدي قول انو حكيك مغالطة لانك بتعرف الحق عم تحيد عنو بمعنى تاني انت دلست لما قلت انو السعودية ما بتعطي جنسيات للمقيمين لانهم مشركين وانت بتعرف انو السعودية ما بتعطي جنسية لحدا حتى لو كان مسلم و حتى لو كان وهابي و لو كان شو مان كان
اما بالنسبة للتعصب قيم حالك بعدين حكي

ابو عدنان · **مرسل:** الثلاثاء أكتوبر 05, 2010 4:23 am

السلام عليكم و رحمة من لدنه و بركات
اصدقائي الاعزاء رح نعطيكم كام نقطة جوهرية و مهمة:
اولا: الكفر لغة هو عدم تصديق الشيئ و رفضه و شرعا هو رفض الاسلام و عدم الدخول فيه
فلهيك يا حبايبنا الشغلة مو على كيفنا الكافر كافر و المسلم مسلم
و ما حدا بيعتبر لانو هاي شغلة دينية
ثانيا : السعودية ما بتعطي الجنسية لغير المسلمين لانو هاد امر ديني تطبيقا لحديث الرسول عليه الصلاة و السلام (0 اخرجوا المشركين من جزيرة العرب )
يعني لا يجوز اقامتهم فيها الا بشكل مؤقت
هلئ الحكومة حاولت تتجاوز بعض الامور بس في فئة من الشعب ما رضت وراح قتلى بالمئات باحداث صارت احتجاجا على هيك شغلات
ثالثا : بلاها المساجد بايطاليا اساسا الاقامة ببلاد الكفر ( التي يسيطر عليها غير المسلمين ) محرمة فانا برايي كل مين يضل عند موقفوا السعودية تمنع و ايطاليا تمنع
(لكم دينكم و لي دين)

Mohammed · **اشترك في:** الجمعة مارس 23, 2007 2:02 am

أنو غاب القط العب يا فار ...!

الموضوع ليس له علاقة بالقسم أولاً

مقارنات غير منطقية تلك التي ذكرت في الموضوع وهدفها التنويه الى وجوب بناء كنائس في السعودية فقط ..
بغض النظر عن وجود نسبة من الأخوان المسيحين في المملكة في الرياض وجدة .. ورغبتهم في بناء كنائس أو عدم بنائها ...
السعودية هي المركز الاسلامي والمكان الذي انطلق منه هذا الدين .. يعني بلد ديني
هل يعقل أن يتم بناء مسجد في الفاتيكان .. طبعاً لا لأنها دولة دينية !!
كفا مقارنات سخيفة ولا علاقة لها بالمنطق لا تقل لي كفر وكلام كبير دون ربط بين الافكار .. كلمة من الشرق وكلمة من الغرب

حدد فكرتك وناقش بها ..!!!
كنا بموضوع وصرنا بمواضيع . . هلأ شوية تانية بتقلب عالحجاب وبالرد اللي بعدو بتقلي الارهاب .. قلي شو بدك من الموضوع كله ؟؟

اقتباس:

4-لنفكر بعقل نير وبارد و مفتوح دون تعصب

اوكي أترك لك المجال لتنفذ ما طالبت به .. واحدكن بيدور عالمشكلة دوارة وما بيعرف شو الطرنيب وآخر شي بيقول طريقة تفكيركن غلط وما بدي ناقشكن ..
(بيكفي هيك مواضيع يا أخ باسيكو ياكو .. لأن ما بتعمل غير حوارات حادة ونقاشات عقيمة )

فادي · **اشترك في:** الخميس مايو 13, 2010 4:02 pm

Mohammed,

للاسف العضو بيسكو صار برات ارتين بعد يوم تاريخي من المساجلات يا ريتك كنت موجود
لتشوف شو صار
يعني الواحد شو بدو يحكي لسا الي انحذف ابشع و اكتر تتطرف وعصبية
يعني انت عم تقرا الدرر الي طلعت من تمو هاد غير التهجم على المشرف ابو سامر
يعني باختصار فضى شحنة كبيرة من الحقد و اتهمنا بالتعصب
ونسي انو شي اساسي باي دولة لتعمل اماكن عبادة لديانة ما
انو يكون عندها ناس بيمارس هل الديانة

ابو عدنان,

اخي يسلمو عل المشاركة بس كانت بعيدة كتير عن الموضوع يعني نحنا ما عم نناقش الكفر
تاني شي السبب الي ذكرتو
( أخرجوا المشركين من جزيرة العرب ، وأجيزوا الوفد بنحو ما كنت أجيزهم )
صحيح البخاري - الرقم: 3168
مو هو السبب الوحيد مشان الجنسية لانن ما بيعطوا الجنسية حتى للمسلمين
و نحنا منعرف كتير ناس من عنا مسلمين مقيمين هنيك اكتر من تلاتين سنة
وما في مجال ياخدوا جنسية
و منعرف ناس امهن من السعودية وابوهم سوري وما في مجال يطلعلن جنسية
و هي المواضيع بترجع لعوامل قبلية مو دينية
تالت شي انت حكيت عن الاقامة ببلاد الكفر
هي محرمة لما الواحد يكون مو مضطر الها او ما عم يقدر يمارس دينو هنيك
بس نحنا عم نحكي على ناس مواطنين مو مقيمين
وناس كتير منهن دخلوا الاسلام
يعني هنن ما معهم جنسية تانية ولا بيعرفوا لغة تانية
وما عندن قدرة ينتقلو لبلد تانية شو بيعملوا بحالون
يمكن لعيت كتير تقبلوا مروري

LATEST_POSTS

قوانين المنتدى

صحيفة ايطاليا ترفض بناء المساجد ردا على رفض السعودية بناء كنائس

الموجودون الآن