مشكلة بالماسنجر الخطأ 8000fff

حلواني · **مرسل:** السبت سبتمبر 25, 2010 12:30 am

[align=center]مرحبا شباب انا نزلت الماسنجر النسخة النهائية
بس المصيبة كل مابدي أدخل على الماسنجر لسا بداية النقر على تسجيل الدخول بسطلعلي الخطأ 8000fff ومابعرف الحل

فرجاء حدا يقلي الحل لهالمشكلة الي والله جنني وانا بدي أدخل[/align]

ابراهيم محمد · **مرسل:** السبت سبتمبر 25, 2010 10:22 am

شوف اخي ...

أنا ما واجهت المشكلة لكن عملت بحث بالموضوع ولقيت أكتر من طريقة لحل المشكلة ورح حطن وحدة وحدة وشوف شو اللي بناسبك وان شاء الله وحدة منن تزبط

الطريقة الأولى:

1- احذف برنامج المسنجر نهائياً من خلال برنامج Zap Messenger اللي فيك تحملو من هنا أو من هنا

هاد البرنامج رح يحذف المسنجر من جذورو وما يخلي ولا اي ملف أو بقايا ملف بعد الحذف

2- وبأي برنامج للتنظيف متل CCleaner أو غيرو نظف ملفات الكوكيز وتنظيفات عامة مشان اذا كان في اي تعارض مع الملفات يروح

3- أعد تشغيل الجهاز وبعدين ارجع نزل المسنجر من اول وجديد وان شاء الله بيمشي الحال معك

الطريقة الثانية:

السبب:
قد يكون هذا لأن مساعد تسجيل دخول معرف Windows Live لم يبدأ.
اكتشاف الأخطاء و إصلاحها:
1- تمكين خدمة مساعد تسجيل دخول معرفWindows Live.
1. انقر على ابدأ ثم قم بإدخال Services.msc في إطار البحث و اضغط على Enter.
2. في مربع الخدمات حدد الخدمة Windows Live ID Sign-in Assistant.
3. قم بالضغط بيمين الفأرة على هذه الخدمة و اضغط بدء. إن كانت الخدمة شغالة قم بإيقافها مرة واحدة ثم أعد بدأها من جديد.
4. قم بتسجيل الدخول للوندوز لايف مسنجر مرة أخرى

الطريقة الثالثة:

1- بتروح على اضافة/ ازالة البرامج
2- بتحدد برنامج المسنجر وبتضغط على Change/Remove
3- بتحدد الخيار Repair أو اصلاح بدل من Remove أو ازالة
4- بتكمل بقية الخطوات بالشكل الطبيعي وان شاء الله يمشي الحال

الطريقة الرابعة:

فوت على هاد الرابط بلكي يفيدك اذا قريتو بتمعن لأنو بظن اذا فهمتو رح يكون هو الحل الأنسب لمشكلتك بسبب انو صادر عن مايكروسوفت

المقال باللغة العربية: http://support.microsoft.com/kb/946414/ar
المقال باللغة الانكليزية: http://support.microsoft.com/kb/946414/en

المقال اللي باللغة العربية مترجم ترجمة آلية عن المقال الانكليزي فلا تعتمد عليه لحالو واستعين بالمقال الانكليزي

بالتوفيق أخي وبتمنى اني كون قدمتلك المساعدة

حلواني · **مرسل:** السبت سبتمبر 25, 2010 11:23 am

أخي جربت كل الحلول ولم ينفع أي واحد

ابراهيم محمد · **مرسل:** السبت سبتمبر 25, 2010 11:32 am

شه شه

لك أنا جبت الطرق من أكتر من 10 مواقع وكتير عالم قالو انو مشي الحال عجب معك ما زبط ؟؟؟

جرب غير نسخة المسنجر ونزل وحدة تانية ...

اذا ما مشي الحال فرمت واتكل على الله

بس عن جد غريب انو ما زبط معك ....

حلواني · **مرسل:** الأحد سبتمبر 26, 2010 11:21 am

زبط بس نزلت أخر نسخة تفتح بس مافي جهات اتصال
رجعت نزلت التاسعه تفتح بس الصوت مايشتغل
نزلت 8.5 بيقلي تعذر تشغيل الصوت والفيديو راح جن

حلواني · **مرسل:** الأحد سبتمبر 26, 2010 11:51 am

وعندي مشكله بالياهو انا الطرف ال2 بيسمعني بس أنا مابسمعو مع العلم ان رحت عأكتر من مقهى أنترنت ونفس الشي بجرب عالهتمل بالكافي بسمعو وبيسمعني فشو الحل

ابراهيم محمد · **مرسل:** الأحد سبتمبر 26, 2010 12:00 pm

أخي ببساطة بظن انو اللي صاير بجهازك تعارض النسخ لكتر ما نزلت نسخ

بردي الأول عليك استخدم برنامج Zap Messenger ليحذف النسخة المثبتة من جذورا

بعدين حمل نسخة نظيفة وللأسف حالياً مو متوفر عندي رابط مناسب لأني مستعجل

جرب نسخة مجلة آرتين ...

ان شاء الله يمشي الحال معك واذا ما مشي خيو فرمت واقطع الشك باليقين

ومشاكل الاتصال بالياهو كتيرة وحسب اتصال الانترنت والبروكسي الموجود بالخط بيمشي الاتصال أو ما بيمشي

أما عملياً المشكلة مو منطقية انو ما يشتغل ولا بمكان

بعتذر اذا ما حسنت فيدك لأني بجد بدي سافر بعد شوي وما معي وقت

بالتوفيق

حلواني · **مرسل:** الأحد سبتمبر 26, 2010 7:46 pm

ياسيدي الله يعطيك الف الف عافية وماقصرت والله

تصل بالسلامة أخي

LATEST_POSTS

مشكلة بالماسنجر الخطأ 8000fff

الموجودون الآن