مكاتب التوظيف الخاصة و استغلال المتخرجين طالبي الوظائف

تنتشر مكاتب التوظيف الخاصة في حمص و اللاذقية و دمشق و غيرها من المحافظات حيث تنسق المقابلات بين

أصحاب العمل من الخليج العربي و الخريجين من جامعاتنا و تعمل على إنهاء معاملات سفر المقبولين.

و من "المتعارف عليه" أن يدفع المقبول مبلغ يعادل راتب شهر واحد فقط لمكتب التوظيف لقاء تأمين الوظيفة له و

خدمات أخرى، و لا يعترف صاحب العمل في الخليج العربي بشيء.


إلى الآن تبدو الأمور مألوفة و تسير بحسب ما اعتاد عليه المتخرجون الذين يتطلعون إلى وظيفة تضمن لهم تأمين

متطلبات الحياة في مرحلة ما بعد التخرج، من أجل دفع تكاليف مكتب العمل الخاص قد يستدين البعض راتب أول

شهر على أمل سداد الدين بعد السفر و العمل.

المضحك المبكي الحقيقة الغائبة و هي أن أصحاب العمل في الخليج العربي يلزمون الموظف بدفع أتعاب مكتب

التوظيف لكن هم من يدفعون لمكاتب التوظيف عمولتها لقاء تأمين موظفين عندما يتعلق الأمر بأوروبا و الولايات

المتحدة و كندا و لا يدفع المقبول من الدول الغربية لمكتب التوظيف و لا دولار واحد؛ حتى أن تقاضي أي عمولة

من المرشح للوظيفة يعرض مكتب التوظيف للمساءلة القانونية في تلك لأن من يجب أن يتحمل تكاليف خدمات

مكتب التوظيف هو صاحب العمل و ليس الموظف.


السؤال الذي يطرح نفسه من المسؤول عن هذه الظاهرة المتخرج الذي لا يعرف ما له و ما عليه؛ أم مكاتب العمل

الخاصة التي تقدم تنازلات لصاحب العمل على حساب المتخرجين؛ أم عدم تنظيم عمل مكاتب التوظيف الخاصة

من قبل الجهات المختصة؛ أم أصحاب العمل في الخليج الذين يميزون بين العربي و غيره؛ أم كل هذا معا...

قد تتباين الإجابات لكن الضحية هو المتخرج!


أرجو نشر الوعي بين إخواننا الخريجين الراغبين بالسفر إلى دول الخليج عسى يوما ما يرفع الظلم عن الباحث عن عمل من الدول العربية،،،

أحببت أن أنوه إلى هذه الظاهرة لأن مستوى الخريجين من جامعاتنا لا يقل عن مستوى الناطقين باللغة الإنكليزية في كثير من النواحي

و دمتم بخير,,,

المحروق عالسفر ان كان لجيش او كان لغير سبب بيدفع ومابيفكر مين اللي لازم يدفع
في مكاتب متل العربية مثلا ما بتاخد من اللي بدو يسافر مصاري
وفي مكاتب بتاخد اكتر من راتب وعندي 3 رفقاتي اتخرجو السنة الماضية ودفع كل واحد منن 40 الف للمكتب حتى امنلن السفرة وطلعغو اشتغلو بالسعودية ب2300 ريال يعني شي 29 الف مع كامل احترامي لهالحكي بس هاد التعميم مانو دقيق
وعارض الواقع مافي غير اللي تعبان عحالو كتيييييييير ومشتغل مو بس خلال فترة جامعتو بيكون بهالمستوى
وبما انو عم بحكي بارض الواقع فبقلك مثال انو رفيقي المتخرج السنة الماضية بعد ما اشتغل كذا شهر كسكرتير تم استبدالو بعامل بنغالي بدون شهادة جامعية لانو بيحكي انكليزي متل البلبل وب1500 ريال وقلو لرفيقي
بينما خريجين كليتنا حطن بمحادثة بمستوى اكاديمي بيضيعو الا فطحل زمانو
حسامي,

شكراً للتحذير ..
المشكلة أننا بشكل عام لا نعرف حقوقنا .. تعلمنا حفظ واجباتنا فقط !!
فالطالب في الجامعة لا يعرف ما له وما عليه .. الحارس يقوم بتوبيخه (ان لم يقم بضربه) .. المعيد يهدد ب فصله من الجامعة ... تصدر اعلانات البعثات والايفادات والمعيدية والدراسات والتوظيف والتسجيل ........ ولا أحد يعرف قوانينها وتفاصيلها وما هو المسموح وما هو الممنوع !!
فلا عتب على مكاتب التوظيف ان استغلت الخريج الذي صار يحلم بالهروب لا أكثر
دون أن يفكر بما يخبئ له الغد بين أيدي "الكفيل" أو الوسيط من جهة .. وبين ايدي العقيد أبو فلان في دورة الأغرار من جهة أخرى !

المصاري .. لك حتى الأيام والشهور .. بتروح وبتجي
أهم شي الصحة
والعوض بسلامة خريجينا الأعزاء

مشكور مرة تانية للطرح الهام

فادي,
معناتو لبطل رد بهيك مواضيع خليك انت تشارك شوي والا بتبطل تكتب شي
وعقولة المتل ياجامع انت مسكر وانا منك مستريح

سلام،،،
يبدو أنني نسيت أن أضع إشارة صح على (أبلغني عند وجود ردود) شكرا على مروركم الكريم عصام، محمد و فادي،،،

ساعقب على بعض النقاط تباعا،،،

عصام، في كتير من شبابنا بسافروا على الخليج على مبدأ (حط راسك بين الروس و قول يا قطاع الروس) البعض بينجح بحياته المادية و البعض بيفشل بس بضل بالغربة مشان حكي المجتمع و من جوا بيقول (ياريتني خادم جيش كان أرحملي)، و البعض بيرجع ع سوريا ليخدم جيش و هيك بصير فيه (لا ماءك أبقيت و لا درنك أنقيت) يعني لا خدم جيش مباشرة و لا سافر و توفق بس ضيع سنين من عمره و بجوز مصاري كمان عل فاضي،،،

يعني الغربة أحيانا بتعقد الأمور بدل ما تحلها،،،ما بدي عمم لأن كل واحد بضل إلو تجربته الخاصة،،،دفع عمولة لمكتب التوظيف هو أول شكل من أشكال مسلسل التمييز Discrimination ضد المتخرج و للأسف القوانين عم تصدر لمصلحة القوي و المتخرج هو الحلقة الأضعف متل ما بيقولوا،،،بينما بالدول الغربية أكتر شي ممكن يدفعه المدرس هو 100 دولار و ما عمولة لمكتب توظيف لأ بس لتوثيق شهادات من السفارة و هيك،،، و إذا بتجيب هالسيرة قدام شي واحد من هالدول بتجيه الضحكة و بيتمسخر على هالمنطق الأعوج،،،


بالنسبة لرفقاتك يلي دفعوا 40 ألف المفروض يدفعوا 29 ألف ليرة تقريبا بس حسب منطق مكاتب التوظيف الخاصة لأن بيقولوا نحن مناخد راتب أول شهر بس لأنو سعر الريال عم ينزل مكاتب التوظيف صارت تاخد (مقطوع) من الموظف كحد أدنى 40 ألف بس إذا زاد الراتب عن 40 بياخدوا المبلغ الأعلى،،،

الناطقين باللغة الإنكليزية كلغة أم مشكلتون بالقواعد و ميزتون بالمحادثة،،، المدرس العربي بالعكس،،،توقع تشوف كندي عم يدرّس بس بدو Speech Therapy

يتبع،،،

ناطرين

Wait no more, I'll bite

أخي محمد لما طرحت الموضوع بعرف تماما إنو هالمشكلة ما لها حل بالوقت الحالي لكن كان هدفي إنو عرف الآخرين على هالظاهرة مشان ما حدا يفكر إنو هاد هو الشي الطبيعي،،، فحتى لما شخص بيضطر يمشي متل ما بدو مكتب التوظيف لازم يعرف إنو هالشي مو صحيح،،،و بعض مكاتب التوظيف بيتمادوا جدا باستغلال يلي بدو وظيفة لدرجة إنو ممكن يحجزوا للشخص جواز السفر تبعه لحتى يدفع العمولة كاملة،،، هي كلها تجاوزات عم بسمع فيها بالفترة الأخيرة،،،طبعا الوضع هاد نفسه بالأردن و بمصر كمان يعني مو بس عنا،،،

و بين مكاتب التوظيف و الكفيل بيروح الواحد فرق عملة،،،الدراسة و التخرج كله بكفة و انتقاء العمل المناسب بكفة!