[ Mohammed, Ala Al-Ibrahim,
الله يعطيكم ألف عافية ويزيد من الشباب ذوي النخوة والمروءة أمثالكم [/size]

Mohammed, Ala Al-Ibrahim,
عمل رائع جداً ... الله يعطيكم العافية يا رب و بالتوفيق للوصول لأعلى المراتب دائماً إن شاء الله بصير الموضوع بتعاون باقي الزملاء بباقي الاقسام مرجع لكل الطلاب الطموحين

NOOR TALEB, طلاب التعليم المفتوح دائماً يعاملوا على أنهم تعليم موازي حتى لو كان المعدل أعلى من معدل زملائنا بقسم اللغة الانكليزية بدنا ندفع ... للدبلوم القسط 60 ألف ... و للماجستير لكل سنة 60 ألف يعني 120 ألف بالسنتين
و في نقطة تاني حابة ضيفها انه عدد المقاعد المخصصة لطلاب التعليم المفتوح قليلة جداً ... يعني حتى لو كنت متمكن من اللغة ممكن قلة الفرص و ندرتها ما بتخليلك دور
مثلاً السنة الماضية تم قبول 24 طالب أدب انكليزي بدبلوم التأهيل و التخصص مقابل طالب واحد فقط تعليم مفتوح و كذلك نفس العدد بماجستير التأهيل و التخصص لتعليم اللغة الانكليزية ... و الحال نفسه بدبلوم الترجمة ايضاً انقبل طالب واحد فقط
و ممكن تطلع على الأعداد المطلوبة للسنة بإعلان الدراسات العليا اللي مافيها تغيير كتير عن السنة الماضية - اختصاصات التأهيل والتخصص ...


بتمنى بيوم من الأيام ينضاف ماجستير الترجمة و الترجمة الفورية بجامعة البعث و وقتها أكيد رح تنضاف التفاصيل للموضوع و إن شاء الله تكون الفرص متكافئة

بالتوفيق للجميع

فادي,

اللغويات على نمط الأدبيات .. بس طبعاً المواد بمجال اللغة (علم اللغة و قواعد ..) وليس الأدب (شعر ومسرح)
أهلا بك


سيرين,
نورتي ومية أهلا وسهلا فيك

بانتظار عودتك ..


أندلسية,
صح ..من زمان لازم ينزل الموضوع .. بس الوقت ضيق والموضوع كان بدو تركيز شوي
ع كل حال انشالله يكونو كل الخريجين الجدد استفادو وأخدو فكرة ولو بسيطة عن الماستر



pure rose,
شرفتي .. وشكراً الك عالاطراء


عبير,

الله يعافيكي .. وألف شكر عالاضافة
لأن الصراحة الشب الوحيد اللي بعرفو معنا (تعليم مفتوح) هلأ بأميركا وما عم ألقطه مشان أسأله

Ala Al-Ibrahim,
شكرا أخ علاء على المعلومات يلي قدمتنا ياها ، والله يعطيك ألف عافية أستاذي الكريم

عبير,

شكرا عبير على المعلومات يلي زوديتنا فيها ...

بس بيتم الأمل موجود ، إزا خلصنا من هالفرع بعد عمر طويل ، إنشاء الله منكمل ماجستبر.

Mohammed,

الله يعطيك ألف ألف عافية اخ محمد على هذا الموضوع القيم ، وبتشكرك من جوا قلبي على ردك السريع على إستفساراتي



دمتم جميعا بألف خير ووفقنا ووفقكم الله

Mohammed,
شكرااا كتير جد موضوع مميز
معناها بما إنه أنا كمان من طالبات الماستر بالمعهد العالي للغات لازم كمان احكي عن الدكاترة الرائعين يلي د رسونا خلال عامين وكانوا بصراحة موبس دكاترتنا وصلت علاقتنا معن لمستوى الصداقة
رئيس قسم اللغة الفرنسية:الدكتورة نعمت أتاسي (بحب نوه انها أخدت جائزة أفضل تالت مشروع في الدول الفرانكفونية من جامعة غرنوبل وقيمتها 200000يورو بالإضافة لتوقيع اتفاقية مع الجامعة نفسها بالتبادل الثقافي واتفاقية اخرى مع جامعة البلمند
الدكتور عصام دلّال باشي واحد من 3 فقط في الوطن العربي المختصين بتدريس لغويات النص وهو حاليا رئيس قسم الغة الفرنسية بمعهد اللغات في جامعة حلب
الدكتورة جمانة هديوة رئيسة قسم اللغة الفرنسية في معهد اللغات بجامعة تشرين
الدكتورة ليليان مرعي دكتورة في كلية الاداب بجامعة تشرين وطرطوس بالإضافة إلى إنها دكتورة في معهد اللغات بجامعة تشرين وجامعة حلب
الدكتورة اعتدال حبيب دكتورة في معهد اللغات بجامعة تشرين وجامعة حلب
الدكتور جهاد سلّوم الغني عن التعريف دكتور في كلية الاداب جامعة البعث وطرطوس ايضا ودكتور في معهد اللغات بجامعة البعث
الدكتورة منال أسعد دكتورة في معهد اللغات بجامعة تشرين وحلب
الدكتورة هويدة بري دكتورة في معهد اللغات بجامعة تشرين وحلب
الدكتورة ربداء صقر دكتورة في معهد اللغات في جامعة تشرين
الأستاذ أمين طماع قائم بالأعمال في معهد اللغات في جامعة البعث
الانسة كريستيل ....مابعرف شو بصراحة بس بقلها كريستيل مدرّة في معهد اللغات للمعيدين الموفدين إلى فرنسا
الأستاذ لودفيك مدرّس في معهد اللغات في جامعة البعث وصلة الوصل الدائمة بين المعهد والمركز الثقافي الفرنسي ومركز التوثيق التربوي
الأستاذ غابرييل مونتيرو يلي كان مشرف علينا في الورشة التدريبية لدمج المعلوماتية والتكنولوجيا في التعليم وهو الان موظف في مركز التوثيق التربوي

وبالنسبة لاسماء الكتب بدي صفحيتن من الموضوع لأنه لكل مادة في شي 3 كتب

NOOR TALEB,
مييييييييييييييية ويلكم

Widad,
ع راسي أنت وكل الزملاء بالمعهد العالي

وألف شكر عالأضافة الرائعة وان شاء الله ازا قدرتي تفضي قريباً وتحطي الكمبيوتر جنب المكتبة وتبلشي نقل بأسماء المواد وشي لمحة صغيرة عن كل مادة مننقل هاي المعلومات والمعلومات الجديدة ع موضوع منفصل عن ماجستير اللغة الفرنسية أو مندمجن بنفس الموضوع ومشكوووووووورة كتير

وهي 3 باقات ورد مرة وحدة

فادي,
الدراسة عن بعد أو الشهادات التي يمكن لك الحصول عليها عبر اتباع دورة أو برنامج online غير معترف بها في سورية مهما كانت درجتها (ماجستير دكتوراه ...)

لمعرفة الجامعات المعترف بها في سورية من قبل وزارة التعليم العالي

إضغط الرابط

Mohammed,

لك يسلم هالأنامل يا محمد .. يا أخي هيك قسم انت بس بتلبقلو .. الله يقدرك و يقدرنا على مساعدة الزملاء بقدر استطاعتنا

سيرين

يا ستي تشرفنا بمرورك العطر . . وانا شاء الله هي السنة بناكل تحلاية قبولك بالماجستير يا رب

pure rose

الله يسلمك يا رب .. ما عم نعمل إلا واجبنا

عبير

شكرا الك أخت عبير على كلامك و تشجيعك .. و بتمنى من كل قلبي .. من كل قلبي انو هي السنة تنقبلي اما ماجستير تأهيل و تخصص أو دبلوم ترجمة .. و انتي قدا و قدود ان شاء الله .. و يا ستي انتي قبلي و ما بدنا الحلوان
والله شكلي هي السنة رح آكل كذا حلوان لجوع حالي منيح لكا
موفقة يا رب اخت عبير

NOOR TALEB
محمد الغالي .. لك يا سيدي تسلملي .. و ان شاء الله بتتغير القرارات و بصير للتعليم المفتوح دراسات عليا و بنشوفك دكتور قد الدنيا .. و مانا صعبة عليك ..
أحلى نور بالعالم

عصام
عصامو .. قلتلي مين بخوف؟؟
والله شايفلك حقنا ضاع يا عصام عوضنا على الله
عم فكر انو نحذفو و نرجع نحطو مرة تانية شو رأيك؟ ممم جد فكرة رهيبة
أحلى عصام