السلام عليكم :

الشي الطريف , انو صرلي 15 يوم ما معي وحدات , ووقت شفت موضوع ال 200 وحدة هون , حطيتو تحدي بيني و بين نفسي

اني لح حصل وحدات من هون , و بدي فوز بس بالشكل و بالوتيرة اللي كنت عليها من قبل بطرح المواضيع

بس مبارحة مبارحة , يئست و قلت خلص حاج بئى

و جبت و اشتريت عرض ب 1500 وحدة

و از اليوم بربح ال 200 وحدة , حظ ........

عاية حال 1500 وحدة فيون اشكال ما عحبني و حابة اسأل عنن

انو وزعوهم عليي 400 400 0 40و 300 الباقية مية مية مية و كل مية فيهم طلع الها صلاحية

اقرب وحدة بتخلص ب 28 هاد الشهر و 200 بيخلصو ب 1 ايلول الجاية

فزعلت و قلت يعني لازم مشي هل 300 قبل ما تخلص صلاحيتون



لا كمان هلأ عم شيك طلع عندي بس 1200 و كسور

فشو قصة هالعرض ؟؟

.................................................

Portia,

هلا Portia وعليكم السلام ورحمة الله وبركاته

انا إنتبهت على موضوعك وإجابة موضوعك هي عندي بس وقت شفت رد الاخ ابراهيم محمد قلت مننطر ابو وسام لنشوف

بس الظاهر أبو وسام غاطط اليوم وما عيفوت


على كل حال ، عرض السيريتل او الام تي ان على بطاقة الـ400 وحدة هو على الشكل التالي:

400 وحدة مدتها 60 يوم مع قابلية تجميع الايام

مثال:
إذا عبيتي بطاقة الـ400 وحدةالاولى لأول مرة رح يصير عندك 60 يوم
وبطاقة الـ400 وحدة الثانية ، رح ينضافو الوحدات والايام للصلاحية الموجودة عندك يعني رح يصير 800 وحدة و 120 يوما.
وبطاقة الـ400 الثالثة رح يصير عندك 1200 وحدة و 180 يوم.

أما للعرض فهو على الآتي:

كل بطاقة 400 وحدة تقومين بشحنها تحصلين على 400 وحدة بالرصيد الاساسي و60 يوم متراكمة.
و 100 وحدة مجانية تكون صالحة لمدة 7 أيام فقط وهي غير متراكمة.

يعني في حال قمتي بتعبئة ثلاث بطاقات 400 وحدة سوف تحصلين على 1200 وحدة مع صلاحية 180 يوم ، أما الــ300 وحدة المستفادة من العرض فمدتها 7 أيام فقط لاغير.

طبعا لابد من التذكير انو الـ100 وحدة يلي عمتحصلي عليها من خلال العرض ، هي حصرا للمكالمات المحلية ( من خلوي لخلوي ضمن سورية حصرا ). وهي غير قابلة للتحويل أبدا عن طريق 1233 أو 1810.

وبالنسبة لمعرفة رصيد العرض فهو على الشكل التالي:

إذا كان خطك MTN عن طريق الرمز او إذا كان خطك سيريتل :عن طريق الرمز المعتاد طبعا رح يبينللك الرصيد لوحدات العرض تحت قائمة الرصيد الأساسي.



هادا كل شي ، واذا في شي مواضح ما تترددي بالسؤال.


تقبلوا تحياتي ودمتم بخير .

السلام عليكم :

ابراهيم محمد :

شكراً لتعقيبك

يمكن عصام ما انتبه للموضوع و عكلن نور كفى ووفى

...............................

NOOR TALEB :

شكراً للجواب الكافي و على التفاصيل

يعني حطيتنا بالصورة تماماً

بس ما كتير عجبني هالعرض

شو هالخربطة و الدورةو الدوخة

يعني خلال 7 ايام زم تخلص الوحدات ال 300 و ممنوع تهديهم

و المشكلة حسب الرسائل ماهي شغلة 7 ايام يعني في وحدة مبارح طلعت قارئتا غلط

وهي انو مدتها بتنتهي ب 28 تموز يعني خلصت و انتهت , فشو هي بئى

و ال 200 الباقيين بيخلصو عل 1 ايلول

هلأ هلأ دقيت :
طلعلي انو عندي 292 وحدة اضافية

لا معناها ظلمناهم

بس لازم نخلصن قبل 4 ايام

مشان ما يروحوا علينا

.................................................

و امانة يا جماعة , حتى ما تقولوا " الطمع ضر ما نفع "

اللي محتاج لل 200 وحدة اللي فزت فيهم يبعتلي رسالة خاصة

و اول مرسل لح ابعتلو ياهن - و طبعاً الافضل انو يكون عضوة , لأن ضلع قاصر يا عيني عليها

يعني نحنا طلاب و بنعرف حال بعضنا

وخاصة اني جربت عيش بلا وحدات لمدة 15 يوم شي عزلة فعلاً

و رفئاتي رديت معايداتهم عل ايميل ......بهدلة بهدلة و الله لا يبهدلنا

....................................


[quote]و اول مرسل لح ابعتلو ياهن[/quote]

يعني فيني ما ابعت لحدا و كل واحد يفكر انو في مين سبقو

اما ندالة

بس اكيد ما بعملا

............................................

بس لاتقلي مامعي حق
بالاردن في شركة مدري شكلها نشرت نت ببلاش بالفترة الماضية وبالكويت شركة زين عم توزع اجهزة بلاك بيري بالاضافة لنوعين تانيات من الاجهزة للي بيشترك بباقات مدري شو وكل ما بتعبي ب3 دراهم بيطلعلك هدية واييييييييييييييييييه
ونحن عنا هون عمستوى اتصال خدمة الزباين بينقعوك عالخط نص ساعة ليردو وبالاخير متل قلتن
ااااااااااااه وقت كانت معي شريحة موبايلي واتصل بدي استفسر عشي شغلة خلال ثواني يكون رادد علي موظف
عنا شركات نهب بنهب وناطرين الشركة اللي اكيد بطنها لسا اكبر من هدول لحتى فاتت هالفوتة

NOOR TALEB,
ابقا لاتنطرني وفوت فوتتك باي موضوع بيكون عندك معلومات عنو
Portia,
متل ماقلتي نور كفى ووفى
وانو الله يسامحك ضروري تجيبي 3 بطاقات بفرد دفعة
من ناحيتي وقت نزل عرض النص ساعة عال1200 كيفت لانو كل عشر ايام بعبي 1200بالخط العادي بس بعدو قلبو العرض لل400 وحدة وكانو عم يشغلو هالبطاقات ولسا طولي بالك بدو يصير عرض عال200 وحدة
علوا يرجعو عرض 2600 وحدة ب1500ليرة
واذا محتارة وين تروحي بالوحدات بسيطة
افتحي عالاسماء وبلشي اتصالات عابو جنب
وانو جد نيالك باينتك مابتحكي كتير وانو 100 وحدة خلصو اسبوع وماكنتي صارفتين
انا عندي سوسة هالخلوي اضرب من الدخان لانو لايقل عن 3000كل شهر
بس كل الحق عابي لو انو عامل شبكة اتصالات شو كان خسر

السلام عليكم :

heba.s :

الشركة الثالثة حتشرف شكلا قريباً

بس تكون منطقية شوي

و جهزيلي حالك , بس يوصلني الوحدات ,من المدير ,لح ابعتلك ياهن هدية عرمضان

بس يصيرو بجهازك ابعتلي مسج تأكيد , اوك


....................................

عصام :

في حدا اشترالي الوحدات , لأن اكيد ما بجيبن هيك

بس في فكرة , غباء , انو بلكي بدي احكي خارجي ضروري و ععجل ؟

يعني وين بدو روح فيون لل 300 وحدة وخاصة انهم ما بينهدو ؟

لأن كأن لاحظت ما بيفتح الخط معك

و الله أعلم

الحمد لله

و شكراً على المرور

..........................................